ماركسيزم جۇڭگونىڭ داڭعىل جولعا ءساتتى تۇسۋىنە جەتەكشىلىك ەتتى
− باس شۋجي شي جينپيڭنىڭ ماركستىڭ دۇنيەگە كەلگەنىنىڭ 200 جىلدىعىن ەسكە ءتۇسىرۋ جينالىسىندا سويلەگەن ءسوزى جونىندە (2)
«حالىق گازەتىنىڭ» شولۋشىسى
2018.05.07 16:29 كەلۋ قاينارى : حالىق تورابى
«ماركسيزم دۇنيە جۇزىنە تەرەڭ وزگەرىس جاساپ قانا قويماي، جۇڭگوعا دا تەرەڭ وزگەرىس جاسادى»، «ماركسيزم جۇڭگونىڭ سوتسياليستىك وسىزاماندانعان قۇدىرەتتى مەملەكەت قۇرۋدىڭ داڭعىل جولىنا ءساتتى تۇسۋىنە جەتەكشىلىك ەتتى». ماركس دۇنيەگە كەلگەنىنىڭ 200 جىلدىعىن ەسكە ءتۇسىرۋ جينالىسىندا باس شۋجي شي جينپيڭ جۇڭگونىڭ توڭكەرىس، قۇرىلىس، رەفورما تاريحىن شىعار ءتۇيىن ەتىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋدان تۋىنداعان ۇلى سەكىرىستى جۇيەلى باياندادى، ماركسيزمنىڭ ءبىزدىڭ پارتيا بولىپ تۇرۋىمىزدىڭ، ەل بولىپ تۇرۋىمىزدىڭ ءتۇبىرلى جەتەكشى يدەياسى بولۋىنىڭ بولاشاقتىق جەتەكشى ماڭىزىن تەرەڭدەي ءتۇسىندىردى. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدە سانالىلىقپەن ماركسيزمنىڭ ادال سەنۋشىسى، تاباندى امالياتتا ايگىلەۋشىسى بولىپ، ماركسيزمدە تاباندى بولۋ جانە ونى دامىتۋ جولىندا بۇلجىماي قۇلشىنۋ كەرەك.
اپيىن سوعىسىنان كەيىن باتىستاعى ازۋلى ەلدەر قۋاتتى كەمەلەرىمەن، جويقىن زەڭبىرەكتەرىمەن جۇڭگونىڭ قاقپاسىن تاعىلىقپەن بومبىلاپ اشىپ، سان مىڭ جىلدىق تاريح ۇردىسىندە شۇلەن شۇعىلالى وركەنيەت جاراتقان جۇڭحۋا ۇلتىن ىشكى الاساپىراندىق پەن سىرتقى شاپقىنشىلىقتىڭ ايانىشتى جاعدايىنا كىرىپتار ەتتى. ۇلت تاۋەلسىزدىگىنە، حالىق ازاتتىعىنا قول جەتكىزۋ جانە مەملەكەتتىڭ بايىپ - قۇدىرەتتەنۋىن، حالىقتىڭ باقىتىن جۇزەگە اسىرۋ جۇڭگو حالقىنىڭ تاريحي مىندەتىنە اينالدى. كونە ۇلگىدەگى شارۋالار سوعىسى مارەسىنە جەتىپ، فەوداليزمنىڭ ىرگەسىن شايقالتا المايتىن ءوزىن - ءوزى الۋەتتەندىرۋ قوزعالىستارى مەن جاڭعىرتىمپازدىق دۇركىن - دۇركىن ساتسىزدىككە ۇشىراعان، باسقا دا ءتۇرلى جوبالار ىركەس - تىركەس كۇيرەگەن تۇستا... قازان توڭكەرىسىنىڭ زەڭبىرەك ءۇنى جۇڭگوعا ماركسيزم - لەنينيزمدى الا كەلىپ، وتاندى جويىلۋدان قۇتقارۋدىڭ جولىن جاپا - ماشاقاتپەن قاراستىرىپ جاتقان جۇڭگو حالقىنا العا باسۋ بەتالىسىن ايقىن كورسەتىپ، شىت جاڭا تالعاممەن قامتاماسىز ەتتى. وسىنداي زور تاريحي ۇردىستە ماركسيزمدى جەتەكشى ەتكەن، ۇلتتى گۇلدەندىرۋدىڭ كەلەلى تاريحي مىندەتىن ەرلىكپەن ۇستىنە العان، جۇڭگو حالقىن باستاپ كەرەمەتتەر جاراتاتىن ماركسيزمدىك پارتيا − جۇڭگو كوممۋنيستىك پارتياسى دۇنيەگە كەلدى. دۇنيەنى ءدۇر سىلكىندىرگەن وسى ەلەۋلى وقيعا تاياۋ زاماننان كەيىن جۇڭحۋا ۇلتتارىنىڭ دامۋ بەتالىسى مەن اياق الىسىنا تەرەڭ وزگەرىس اكەلدى، جۇڭگو حالقى مەن جۇڭحۋا ۇلتتارىنىڭ بولاشاعىنا، تاعدىرىنا تەرەڭ وزگەرىس اكەلدى، دۇنيە ءجۇزىنىڭ دامۋ اۋقىمى مەن جاعدايىنا تەرەڭ وزگەرىس اكەلدى.
ماركس ءومىر سۇرگەن ءداۋىر − جۇڭگونىڭ تاياۋ زامان تاريحى باستالعان كەز. ماركس دۇنيە جۇزىنە باتىستاعى ازۋلى ەلدەردىڭ جۇڭگوعا شاپقىنشىلىق جاساۋىنىڭ شىنايى كەيىپ - كەسپىرىن اشكەرەلەپ، جۇڭگو حالقى ءۇشىن ادىلەتتى جاقتادى. ماركس، ەنگەلس جۇڭحۋا وركەنيەتىنىڭ ادامزات وركەنيەتىنىڭ العا باسۋىنا قوسقان ۇلەسىن ايرىقشا تۇراقتاندىرىپ، «جۇڭگو سوتسياليزمىنىڭ» جارىققا شىعاتىنى جونىندە عىلمي بولجام جاسادى. بۇگىنگى تاڭدا ماركسكە، ماركسيزمنىڭ جۇڭگونىڭ جاپپاي سوتسياليستىك وسىزاماندانعان ەل قۇرۋ داڭعىل جولىنا ءساتتى تۇسۋىنە جەتەكشىلىك ەتكەنىن، ال جاڭا داۋىردەگى جۇڭگونىڭ كوركەيىپ - گۇلدەنۋىمەن، دامۋىمەن ماركس، ەنگەلس بولجاعان ادامزات قوعامىنىڭ كوركەم بولاشاعىنىڭ جۇڭگونىڭ بايتاق دالاسىندا جالىندى بەينەمەن ۇزدىكسىز كورىنىس بەرىپ وتىرعانىن ايتا الامىز.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
