ا ق ش – نىڭ «قايسارلىق» اتتى مارس ماشيناسى مارسقا ءساتتى قوندى

الداعى جەردە مارستان تىرشىلىك بەلگىلەرىن ىزدەيدى

2021.02.19 12:01   كەلۋ قاينارى : حالىق تورابى

سۋرەتتە: 2 – ايدىڭ 18 – كۇنى «قايسارلىق» اتتى مارس ماشيناسى تۇسىرگەن مارستىڭ سۋرەتى. شينحۋا اگەنتتىگى (سۋرەتتى ا ق ش عارىش مەكەمەسى بەرگەن)

　　شينحۋا اگەنتتىگىنىڭ ءتىلشىسى تان جيڭجيڭ 2 – ايدىڭ 18 – كۇنى ۋاشينگتوننان حابارلايدى. ا ق ش – نىڭ «قايسارلىق» (Perseverance) اتتى مارس ماشيناسى 2 – ايدىڭ 18 – كۇنى مارسقا ءساتتى قوندى، ول الداعى جەردە مارستا بۇرىن تىرشىلىك بولعان - بولماعانىنىڭ بەلگىلەرىن ىزدەيدى.

　　ا ق ش عارىش مەكەمەسىنىڭ تانىستىرۋىنشا، «قايسارلىق» اتتى مارس ماشيناسى ا ق ش – نىڭ شىعىس بولىك ۋاقىتى بويىنشا 2 – ايدىڭ 18 – كۇنى ساعات 15 تەن 48 مينۋت وتكەندە (بەيجيڭ ۋاقىتى بويىنشا 2 – ايدىڭ 19 – كۇنى ساعات 4 تەن 48 مينۋت وتكەندە) مارس اتموسفەراسىنا ەنگەن، 7 مينۋت ىشىندە اتموسفەراعا ەنۋ، تومەندەۋ جانە قونۋ باسقىشتارىن ورىنداعان، ساعات 15 تەن 55 مينۋت وتكەندە مارس ەكۆاتورىنىڭ سولتۇستىگىندەگى يەزەرو مەتوريت ويىسىنا قونعان.

　　ىلە – شالا، مىندەت ۇجىمى الەۋمەتتىك جەلىدە «قايسارلىق» اتتى ماشينانىڭ مارسقا قونعاننان كەيىن تارتىپ، جەر بەتىنە جولداعان ءبىرىنشى سۋرەتىن جاريالاعان.

　　ا ق ش عارىش مەكەمەسى مىنانى بىلدىرگەن: «قايسارلىق» اتتى مارس ماشيناسى مارسقا ءساتتى قوندى، دەگەنمەن، مارستى بارلاۋ مىندەتى ەندى عانا باستالدى. الداعى بىرنەشە اپتادا «قايسارلىق» اتتى ماشينا ءبىرقىدىرۋ سىناقتاردان وتكىزىلەدى، سونان كەيىن يەزەرو مەترويت ويىسىندا ەكى جىلعا جالعاساتىن بارلاۋ مىندەتىن باستايدى.

　　ا ق ش عارىش مەكەمەسىنىڭ ورىنباسار مەكەمە باستىعى توماس زۋربۋچەن (Thomas Zurbuchen) مىنانى ءبىلدىردى: «قايسارلىق» اتتى مارس ماشيناسى ا ق ش عارىش مەكەمەسىنىڭ قازىرگە دەيىنگى مارستى بارلاۋداعى ەڭ كولەمدى مىندەتتى اتقاراتىن بولىپ، نەگىزگى مىندەتى — مارستا تىرشىلىك ىزدەرى بولعان با، جوق پا دەگەنگە جاۋاپ ىزدەۋ. بۇل سۇراۋدىڭ جاۋابىن تابۋ ءۇشىن مىندەت ۇجىمى «قايسارلىق» اتتى ماشينانىڭ يەزەرو مەتوريت ويىسىنا قونۋىنا تولىق دايىندىق جاساعان، بۇل ءوڭىر تاريحتان بەرى بارلاۋ اسپاپتارىن مارسقا قوندىرۋ ەڭ قيىن ءوڭىر سانالادى.

　　«قايسارلىق» ماشيناسى بىلتىر 7 – ايدىڭ 30 – كۇنى ا ق ش – نىڭ فلوريدا شتاتى كاناۆەرال مۇيىسىندەگى اۋە ارمياسى بازاسىنان كوككە كوتەرىلگەن، 203 كۇن ۇشۋ ارقىلى مارسقا جەتكەن. «قايسارلىق» اتتى مارس ماشيناسى ا ق ش عارىش مەكەمەسىنىڭ مارستىڭ بەتكى جاعىن بارلاۋ ءۇشىن 9 – رەت ۇشىرعان بارلاۋ اسپابى، ونىڭ مىندەتى مارستا ەرتە كەزدە تىرشىلىك ىزدەرى بولعان – بولماعانىن ىزدەۋ، مارستىڭ گەولوگياسى مەن كليماتىنىڭ ەرەكشەلىكتەرىن بارلاۋ، بولاشاقتا ادامزاتتىڭ مارستى بارلاۋىنا جانە مارسقا قونۋىنا جول ىزدەۋ قاتارلىلار.

　　ا ق ش عارىش مەكەمەسى بىلاي دەپ تانىستىردى: «قايسارلىق» اتتى مارس ماشيناسى تۇڭعىش رەت مارستان ۇلگى الاتىن ءارى ونى جەر شارىنا جەتكىزەتىن اسپاپقا تاپسىرىپ بەرەتىن بارلاۋ اسپابى، ول مارستان جيناعان تاس پەن توپىراق ۇلگىسى بولاشاقتا مارستى بارلاۋعا قاتىستى باسقا مىندەتتەردى ورىنداۋ بارىسىندا جەر شارىنا جەتكىزىلەدى.

　　العاش رەتكى «زەرەك» (Ingenuity) اتتى مارس تىك ۇشاعى «تاباندىلىق» اتتى مارس ماشيناسىمەن بىرگە مارسقا قوندىرىلدى. «زەرەك» اتتى تىك ۇشاق باسقا پلانەتالاردا تۇڭعىش رەت ۇشىرىلاتىن تىك ۇشاق، مىندەت ۇجىمى بۇل تىك ۇشاق ارقىلى مارس اتموسفەراسىندا ۇشۋعا قاجەتتى تەحنيكالاردى سىناق ەتىپ، بولاشاقتا روبوت نەمەسە ادام جىبەرۋ ارقىلى مارستى بارلاعاندا، ولاردى الىپ ۇشاتىن وزىق ۇشۋ اسپابىن زەرتتەپ جاساۋعا نەگىز قالايدى.

　　كەلۋ قاينارى: حالىق تورابى