شينجياڭدىقتاردىڭ ءبىر كۇنى--حالىق تورابى--人民网

حالىق تورابى اۋداردى. باركول قازاق اۆتونوميالى اۋدانى ساردالا وركەندەتۋ رايونىندا قۋانبەك زايدوللا ەسىمدى ەڭبەكشىل دە تاباندى ازامات بار. قۋانبەك قازاقتىڭ اتا سالتىن بەرىك ۇستانعان جىگىت اعاسى، حانزۋ تىلىندە ەمىن – ەركىن سويلەي المايدى، ول قولىنداعى كىتاپتى كورسەتىپ: «مەن عىلىم – ءبىلىم جالپىلاستىرۋعا قاتىستى كىتاپتاردى ۇناتىپ وقيمىن، مال شارۋاشىلىعى تەحنيكاسىنا قاتىستى ماتەريالداردىڭ كوبى حانزۋ تىلىندە جازىلعان، سول ءۇشىن مەن كورشى وتىرعان حانزۋ دوستارىمنان حانزۋشا ۇيرەنىپ ءجۇرمىن»، - دەيدى. قۋانبەك: «مەن عىلىم – تەحنيكاعا سۇيەنگەندە عانا اۋقاتتانۋعا بولاتىنىنا كامىل سەنەمىن، ءبىلىمنىڭ كوزىن كىتاپتان ىزدەۋ مەنىڭ ۇستانعان قاعيدام»، - دەيدى. ونىڭ باستاماشىلدىق ەتۋىندە، سول جەردەگى جۇرتشىلىق تا ءبىلىمنىڭ كۇشىن سەزىنىپ، ءبىلىمنىڭ مالشى- ديقاندار تۇرمىسىندا دا ماڭىزدى رول اتقاراتىنىن ءتۇسىندى. (تولىعىمەن)

حالىق تورابى، 24 – ماۋسىم، بەيجيڭ (ءتاڭىرتاۋ تورابىنىڭ ۇسىنىس ەتىلگەن ءتىلشىسى جاڭ لەيدىڭ حابارىنان اۋدارىلعان). 14 – ماۋسىم كۇنى تۇستەن بۇرىن بەيجيڭنەن كەلەتىن ساباقتاسى ءارى «تاسقۇمار» دوسىن كۇتە وتىرىپ، ادەمى «تيانشان كوكتى» ىسقىلاعان ەركىن كادىرحان ۇلىنىڭ كوڭىل – كۇيى تاماشا. ەركىن وتباسىنىڭ اۋلاسىنان، بولمەلەرىنەن الۋان ءتۇرلى «تيانشان كوك» عاجاپ تاستارىن كورۋگە بولادى، «عاجاپ تاس مادەني اۋلاسى» دەگەن ۋيۆەسكا اۋلا قاقپاسىنىڭ ماڭدايىنا ىلىنگەن. ەركىن ءبىر تاستى قولىنا الىپ: «مىناۋ كوزگە ۇقسايتىن تاس، قاراشى، وتتاي جانعان كوز، تومپايىپ تۇر. مىناۋ «جۇڭگوشا سۋرەتتى» تاس، ۇلى تابيعات سىزعان سۋرەت قانداي عاجاپ..»، - دەيدى. وعان تاستاردىڭ بارلىعىنا بەينە جان ءبىتىپ كەتكەندەي كورىنەدى. (تولىعىمەن)

شينجياڭنىڭ اتۇش قالاسى ازاق اۋىلى بۇيامەت قىستاعى، بيىل 85 جاستاعى سامەتوللا عۇپىر قوساعى سايحان ايراحۇنمەن بىرگە باس ءۇيتىپ جاتقان بالالارىنا قاراپ وتىر. سامەتوللانىڭ ۇلى اكەسىنە كۇلىمسىرەي: اكە، مەنىڭ ايەلىمدى سيلايتىنىم ساعان تارتقاندىعىمنان بولار ، ەكەۋمىزدى دە ۇلگىلى كۇيەۋ دەپ باعالاسا ارتىق ەتپەيدى!»، - دەپ قالجىڭدادى، ۇلىنىڭ بۇل سوزىنە كوڭىلدەنگەن قارت كۇلىپ كەتتى. قىزىلسۋ وبلىسىندا سامەتوللا ايگىلى ادامداردىڭ ءبىرى ەسەپتەلەدى. ونىڭ قوساعىمەن بىرگە تۇسكەن سۋرەتىن قىستاققا تۇسكەن كادرلار عالامتورعا تاراتىپ جىبەردى. سامەتوللا: «بۇگىنگىدەي باقىتتى تۇرمىستا قالايشا جۇزىمنەن كۇلكى ۇيىرىلمەسىن، وسىنشا جاس جاسادىق، جاستار سياقتى بىرگە سۋرەتكە ءتۇسىپ، ءوزىمىزدىڭ باقىتتى تۇرمىسىمىزدى ەلگە كورسەتسەك نە بولىپتى؟» - دەيدى كۇلىمسىرەي. (تولىعىمەن)

اكبار ساراي: «اتامنىڭ 40 نەشە نەمەرەسى بار، ولاردىڭ ىشىندە 8 نەمەرەسى فۋتبول كاسىبىمەن شۇعىلدانادى. بىرنەشە باۋىرلارىم شينجياڭ پەداگوگيكا ينيستيتۋتى، شينجياڭ ۋنيۆەرسيتەتى قاتارلى جوعارى مەكتەپتەردە دەنە تاربيە كاسىبىندە ءبىلىم الۋدا، مەن دە قىزىلسۋ قىرعىز اۆتونوميالى وبلىستىق پەداگوگيكا مەكتەبىندە دەنە تاربيە كاسىبىنەن وقۋ تاۋىستىم. ەسىمدە قالۋىنشا، ءار جىلى جازعى، قىسقى كانيكۋلدا اتام كۇن سايىن ءبىزدى ۇيىمداستىرىپ، فۋتبول جارىس وتكىزەتىن، كوڭىلى تۇسكەن كەزدە بىزبەن بىرگە دوپ تەۋىپ كەتەتىن. بالا شاعىمنان فۋتبولعا قاتىستى اڭگىمەلەردى تىڭداپ، فۋتبول تەپكەن ادامدارعا قاراپ بوي تۇزەگەندىكتەن، بۇگىنگى تاڭدا فۋتبول مەنىڭ دەنەمدە اعىپ جاتقان قانىم سياقتى»، - دەيدى. (تولىعىمەن)

ءانۋار تەمىر 20 جىلدان بەرى نان جابۋدى كاسىپ ەتىپ كەلەدى، ءار كۇنى ۇقساس تۇرمىستى قايتالايدى: تاڭەرتەڭ ساعات 6-دا ۋاعىندا ورنىنان تۇرىپ، نان يلەپ، اشىتادى، پياز تۋرايدى، وت جاعادى؛ ونان سوڭ، قامىردى دوڭگەلەكتەپ جاساپ، ونى جايىپ، وعان «گۇل» باسادى؛ ساعات 9-دا پياز قوسىلعان نان پىسىرادى؛ 11-دەن كەيىن جۇمىرتقا ارالاستىرىپ، وقۋشىلارعا بولكا پىسىرادى؛ تۇستەن كەيىن، وقۋشىلاردىڭ ساباقتان تۇسۋىنە ۇلگىرتىپ، 190 ءسۇت قوسىلعان نان جابادى...تۇسكى تاماق مەزگىلىندە ءتىلشىنىڭ كوزى مىناداي ءبىر كورىنىستى شالىپ قالدى: ءانۋار تەمىردىڭ ناۋايحاناسىنا وقۋشىلار تولىپ كەتتى، وقۋشىلاردىڭ كەيبىرەۋىنىڭ قولىندا اقشا بولسا، كەيبىرەۋىنىڭ قولىندا بەلەتى بار، بەلەتكە «ءانۋارجان حورەكتىك نان شايحاناسىنىڭ نان بەلەتى» دەپ جازىلعان. (تولىعىمەن)

ەندى عانا 12 جاسقا كەلگەن مىسىران وسمان تەڭبىل دوپ دەسە ىشكەن اسىن جەرگە قوياتىن اۋەسكەر فۋتبوليستەردىڭ ءبىرى، فۋتبول تەحنيكاسى دا ايتارلىقتاي جاقسى، ونىڭ ارمانى − كەيىن مەملەكەت قۇراماسىنىڭ ءبىر مۇشەسىنە اينالىپ، حالىقارالىق ۇلكەن دودالاردا بوي كورسەتۋ. 2012 - جىلى قىركۇيەكتە گۋاڭجوۋ حىڭدا فۋتبول مەكتەبىنە قابىلدانعان ول بۇگىندە وسى مەكتەپتەگى 100دەن استام شينجياڭدىق بالانىڭ ىشىندەگى بولاشاعىنان ۇلكەن ءۇمىت بايقاتىپ جۇرگەن كىشكەنتاي شولپان. «دوپ ويناعان وزار» دەپ بىلەتىن بۇگىنگىنىڭ جاس جەتكىنشەگى ءوز ارمانىن رەالدىققا اينالدىرۋ ءۇشىن تىنباي قۇلشىنىس جاساپ كەلەدى. ال 11 جاستاعى ءبىلال قاراقاش اۋدانى كاۋاك اۋىلدىق باستاۋىش مەكتەپتىڭ وقۋشىسى. (تولىعىمەن)