- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعى ــ شينجياڭدىقتاردىڭ ءبىر كۇنى . قىزىلسۋعا ارنالعان پاراقشا
اكبار ساراي: فۋتبول مەنىڭ ەڭ جاقسى دوسىم
2015.06.02 15:12 كەلۋ قاينارى : حالىق تورابى
اكبار ساراي بالالارعا فۋتبول تاكتيكاسىن ۇيرەتۋدە
(حالىق تورابى اۋداردى) 27 – ماۋسىمدا شينجياڭ اتۇش قالاسى اتۇش قالاشىعى ەكساق باستاۋىش مەكتەبىنىڭ فۋتبول الاڭىندا سارى ءتۇستى سپورت كيىمىن كيگەن بالالار سپورت كيىمىن كيگەن ازاماتتىڭ جەتەكشىلىگىندە قيانكەسكى جارىس وتكىزدى.
«مۇرات، شابۋىلشىعا پاس بەرسەڭشى!»
«ءالىمجان، دوپتى ارالىقتان الىپ ءوت، دۇرىس! جارايسىڭ!» ... جاڭاعى ازامات الاڭنىڭ شەتىندە تۇرىپ، دوپ تەپكەن بالالارعا ۇزدىكسىز ايقايلاۋدا.
ول ەكساق باستاۋىش مەكتەبىنىڭ سىرتتاي قابىلداعان دەنە تاربيە مۇعالىمى اكبار ساراي، بيىل 30 جاستا.
فۋتبول مەكەنى ەسەپتەلەتىن اتۇش قالاشىعىندا كوگال، الاڭ، اتىز ماڭى قاتارلى ايتەۋىر بوس ورىن بار جەردىڭ بارلىعىندا فۋتبول تەۋىپ جۇرگەن ادامداردى كورۋگە بولادى.
اكبار ساراي دا سولاردىڭ ءبىرى.
ولاردىڭ اۋلەتى بويىنشا فۋتبولدى قىزۋ سۇيەدى، و دۇنيەلىك بولعان اتاسى مامەتزۇنۇن شاۋدۇن قارتتىڭ اتى فۋتبول الەمىنە تانىمالى.
اكبار ساراي: «اتامنىڭ 40 نەشە نەمەرەسى بار، ولاردىڭ ىشىندە 8 نەمەرەسى فۋتبول كاسىبىمەن شۇعىلدانادى. بىرنەشە باۋىرلارىم شينجياڭ پەداگوگيكا ينيستيتۋتى، شينجياڭ ۋنيۆەرسيتەتى قاتارلى جوعارى مەكتەپتەردە دەنە تاربيە كاسىبىندە ءبىلىم الۋدا، مەن دە قىزىلسۋ قىرعىز اۆتونوميالى وبلىستىق پەداگوگيكا مەكتەبىندە دەنە تاربيە كاسىبىنەن وقۋ تاۋىستىم. ەسىمدە قالۋىنشا، ءار جىلى جازعى، قىسقى كانيكۋلدا اتام كۇن سايىن ءبىزدى ۇيىمداستىرىپ، فۋتبول جارىس وتكىزەتىن، كوڭىلى تۇسكەن كەزدە بىزبەن بىرگە دوپ تەۋىپ كەتەتىن. بالا شاعىمنان فۋتبولعا قاتىستى اڭگىمەلەردى تىڭداپ، فۋتبول تەپكەن ادامدارعا قاراپ بوي تۇزەگەندىكتەن، بۇگىنگى تاڭدا فۋتبول مەنىڭ دەنەمدە اعىپ جاتقان قانىم سياقتى»، - دەيدى.
تەك بۇل عانا ەمەس، ءوزىنىڭ فۋتبولداعى ومىرىنە ءار بەرۋ ءۇشىن، اكبار ساراي كۇن سايىن وزىنە جاتتىعۋ نىساناسىن بەلگىلەگەن، فۋتبول جارىس وتكىزىلسە بولعانى، ول ءسوزسىز قاتىناسادى.
اكبار ساراي جۇزىنە كۇلكى ۇيىرىلە: «ادەتتە دوستارىم ويىن – توي قۋىپ جۇرگەندە مەن دوپ قۋالاپ جۇرەمىن، دوستارىم باس قوسۋعا كەتكەندە مەن تاعى دوپتىڭ سوڭىندامىن. كەي دوستارىم مەنىڭ ەڭ جاقىن دوسىم فۋتبول دەپ قالجىڭدايدى»، - دەيدى.
ول فۋتبولدى وسىنشالىق قىزۋ سۇيەتىندىكتەن دە كوپتەگەن تابىستارعا قول جەتكىزدى: 2001 – جىلى مەملەكەتتىك u13 گرۋپپاسىنداعى جاس – وسپىرىمدەر فۋتبول جارىسىندا 2 – دارەجەلى سيلىققا يە بولسا، 2007 – جىلى اۆتونوميالى رايوندىق u15 گرۋپپاسىنداعى جاس – وسپىرىمدەر فۋتبول جارىسىندا 1 – دارەجەلى سيلىققا يە بولعان. اتاسى كوزى تىرىسىندە ۇيگە كەلگەن قوناقتارعا بۇل سيلىقتاردى كورسەتىپ ماقتاناتىن.
اكبار سارايدىڭ ءبىر ارمانى بار: ول ءوزى جاتتىقتىرعان بالالار كۇندەردىڭ كۇنىندە فۋتبول ارمانىنا قول جەتكىزسە ەكەن دەپ ارماندايدى.
ول: «2005 – جىلى قالاشىعىمىزداعى ەكساق باستاۋىش مەكتەبى سىرتتاي مۇعالىم قابىلداماق بولدى، مەن ەمتيحاننان ءوتىپ، بالالارعا دەنە تاربيە ساباعىن بەرە باستادىم. ۇعىسۋ ارقىلى فۋتبولشى بولۋدى ارماندايتىن، فۋتبولعا يكەمى بار 30 نەشە بالانى تاڭداپ الىپ، جاتتىقتىرۋدى باستادىم»، - دەيدى.
وسىلايشا، اكبار ساراي ءوزىنىڭ ارمانىن ىسكە اسىرۋ جولىندا اي سايىن الاتىن 500 يۋان ەڭبەكاقىسىنا سۇيەنىپ، دوپ تەپكىسى كەلەتىن بالالارعا كومەكتەستى.
بۇل بالالار ونىڭ ءوز بالاسىنداي بولىپ كەتتى. ءار كۇنى تاڭەرتەڭ 2 ساعات، تۇستەن كەيىن وقۋدان تاراعان سوڭ 2 ساعات جاتتىقتىرادى. بالالاردىڭ دوپ تەبۋ سەبەبىنەن ساباعىنا جەتىسە الماي قالماۋى ءۇشىن، ول ارنايى ۋاقىت شىعارىپ، بالالاردىڭ ساباعىن قاداعالايدى.
بالالاردىڭ فۋتبول شاقايى جىرتىلىپ قالسا، ولاردىڭ وتباسىنا قيىنشىلىق كەلتىرمەۋ ءۇشىن ءوز قالتاسىنان اقشا شىعارىپ، شاقاي الىپ بەرەدى. جاتتىعۋ بارىسىندا پايدالاناتىن فۋتبولعا قاتىستى قۇرالداردىڭ بارلىعىن ءوزى ساتىپ العان. ونىڭ ەڭبەكاقىسى نەگىزىنەن وسى بالالارعا جۇمسالادى. اپتا سوڭىندا ول باقالشىق ساۋدامەن اينالىسىپ، تاپقان اقشاسىن بالالارعا كومەككە بەرەدى. بالالاردىڭ بارلىعى ونى «اعا» دەيدى.
مەكتەپ ونىڭ بۇل ىستەرىنەن حاباردار بولعاننان كەيىن، بىلتىر ونى مەكتەپتىڭ اماندىق قورعاۋشىسى رەتىندە رەسمي قابىلدادى. ەندىگى جەردە ول مەكتەپتەگى بالالاردىڭ فۋتبول ارمانىن ىسكە اسىرۋىنا كومەكتەسۋدەن سىرت، كىرىسى دە بۇرىنعىدان كوبىرەك بولدى.
ونىڭ فۋتبولعا دەگەن ارمانى بىلتىر ونىڭ ءبىر ادەمى بويجەتكەنمەن تانىسۋىنا تۇرتكى بولدى. بيىل مامىردا ول ەكەۋى ۇيلەندى. تويعا كەلگەن قوناقتاردىڭ كوبى بالالار، بۇل بالالار بىرلىكتە وعان تويلىق رەتىندە ءبىر فۋتبول ۇسىندى.
ول تاربيەلەگەن بالالاردىڭ كوبى قىزىلسۋداعى ەڭ جاقسى تولىق ورتا مەكتەپتەرگە قابىلدانسا، ولاردىڭ ءبىرى شينجياڭ ءتاڭىرتاۋ بارىسى كومانداسىندا فۋتبول تەبەدى. ءبىر توپتاعى بالالاردى اتتاندىرعاننان كەيىن، 2013 – جىلى ول تاعى ءبىر توپ بالانى تاربيەلەي باستادى.
اكبار ساراي: «شىنىن ايتقاندا، مەنىڭ پالەندەي ۇلى ارمانىم جوق، مەن تەك ءوزىمنىڭ قولىمنان كەلگەنىنشە فۋتبولعا اۋەس بالالاردى كوپتەپ تاربيەلەپ، ولاردىڭ فۋتبول ارمانىن ىسكە اسىرۋىنا كومەكتەسسەم، وسى ارقىلى جۇڭگو فۋتبولىنىڭ دامۋىنا ۇلەسىمدى قوسسام دەيمىن»، - دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
