مەملەكەتتىك دەنساۋلىق ساقتاۋ، سالاماتتىق كوميتەتى: مۇنداي ارەكەتتەردى باتىل تيۋ كەرەك!
2021.09.08 16:34 كەلۋ قاينارى : حالىق تورابى
9 - ايدىڭ 7 - كۇنى تۇستەن كەيىن، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ىندەتتەن ساقتانۋ - تىزگىندەۋ جانە ۆاكسينا ەگۋدى ىشكەرىلەي جاقسى ىستەۋگە قاتىستى جاعدايلار جونىندە اقپار جاريالاۋ ءماجىلىسىن وتكىزدى.
شەكتەۋ شارالارىن شىعارۋ ۋاكسينا ەگۋ پرينسيبىنە قايشىلىق جاساعاندىق
مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى ۋ لياڭيۋ بىلاي دەدى: ءىشىنارا جەرلەردە جاڭا تيپتى ايدارشا ۆيرۋس ۋاكسيناسىن ەكپەگەن ادامداردى ەرەن بازار، شيپاحانا سياقتى ءتۇيىندى الەۋمەتتىك ورىندارعا كىرگىزبەيدى ەكەن، بۇل ۋاكسينا ەگۋ پرينسيبىنە قايشىلىق جاساعاندىق. كەيبىر جەرلەردىڭ ۆاكسينا ەگۋدى جەدەلدەتۋ ءۇشىن شەكتەۋ شارالارىن شىعارۋ قۇبىلىسىنا قاراتا مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى ءماجىلىس اشىپ، جەر - جەردەن مۇنداي قۇبىلىستى دەر كەزىندە تۇزەتۋدى تالاپ ەتتى. كەلەسى قادامدا مەملەكەتتىك دەنساۋلىق ساقتاۋ، سالاماتتىق كوميتەتى جەر - جەردىڭ ەكىلىك ءنومىردى بىرلەسىپ تەكسەرۋ شاراسىن ويداعىداي پايدالانۋىنا جەتەكشىلىك ەتىپ، ەكىلىك ءنومىردى بىرلەسىپ تەكسەرۋ مەن ەكپەنى ءماجبۇري ەكتىرۋدى ءوزارا ماتاستىرۋدى باتىل تەجەيدى.
دەمالىس كەزىندە توپتاسۋ مەن باس قوسۋ دارىپتەلمەيدى
جۇڭگو اۋرۋدى تىزگىندەۋ ورتالىعىنىڭ يممۋنيتەت جوباسىنىڭ باس مامانى ۋاڭ حۋاچيڭ مىنانى العا قويدى: قازىر دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋ ىندەتى تارالىپ جاتقان جاعدايدا، ىندەتتىڭ سىرتتان كىرۋىنەن ساقتانۋدىڭ قىسىمى ءالى دە وتە اۋىر، ساپار بارىسىندا حاۋىپسىزدىك، الدىن الۋ - تىزگىندەۋ سىندى ارقاۋدى ءالى دە شيراتۋ كەرەك. دەمالىس كەزىندە شوعىرلانباۋعا جانە باس قوسپاۋعا شاقىرامىز. اسىرەسە، كەڭ كولەمدە شوعىرلانۋعا جول بەرىلمەيدى. بۇقارا ساپارعا شىعۋدان بۇرىن نىسانالى جەردەگى ىندەتتەن ساقتانۋ - تىزگىندەۋ دارەجەسىن ءبىلۋى، حاۋىپ - قاتەرى ورتا، جوعارى رايوندارعا بارماۋى، سونىمەن بىرگە ساپار بارىسىندا عىلىمي ساقتانۋ - تىزگىندەۋدى ويداعىداي ىستەۋى كەرەك.
ەلىمىزدە جاڭا تيپتى ايدارشا ۆيرۋس ۆاكسيناسىن تولىق ەكتىرگەن ادام سانى 969 ميلليوننان استى
مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ بىلاي دەپ تانىستىردى: 9 - ايدىڭ 6 - كۇنىنە دەيىن بۇكىل ەل بويىنشا جاڭا تيپتى ايدارشا ۆيرۋس ۆاكسيناسى 2 ميلليارد 113 ميلليون 83 مىڭ رەت ەگىلىپ، تولىق ەگىلگەن ادام سانى 969 ميلليون 720 مىڭ ادام بولعان.
مەملەكەت بويىنشا ورتاشا حاۋىپ - قاتەرلى رايون 3كە ءتۇستى
مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ بىلاي دەپ تانىستىردى: 9 - ايدىڭ 6 - كۇنىنە دەيىن بۇكىل ەلدەگى حاۋىپ - قاتەرى جوعارى رايوندار نولگە ءتۇستى، ورتاشا حاۋىپ - قاتەرى بار رايوندار 3كە ءتۇستى. «سىرتتان كىرۋدەن ساقتانۋ، ىشتە تارالۋدان ساقتانۋ» كەزەكتەگى ىندەتتەن ساقتانۋ - تىزگىندەۋدەگى ەڭ ماڭىزدى ءتۇيىن، حاۋىپ - قاتەرى جوعارى قىزمەتكەرلەرگە قاراتا جەكە قورعانۋ تالابى مەن جابىق باسقارۋدى قاتاڭ تياناقتاندىرىپ، حاۋىپ - قاتەرى جوعارى ورتا مەن زاتتاردى قاتاڭ ديزەنفەكسيالاپ، جابىق باسقارۋدى باتىل ورىنداۋ كەرەك. جاڭا تيپتى ايدارشا ۆيرۋس ۆاكسيناسىن ەگۋ قىزمەتىن ۇزدىكسىز ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
