جۇڭگو تەڭىز ساقشىلارى شەتەلدە كەرەكسىز ەتىلگەن كەمەلەردى اتكەزشىلىكپەن اكەلۋ كۇمانىن تۋدىرعان تۇڭعىش دەلونى انىقتادى

2021.11.05 15:42   كەلۋ قاينارى : حالىق تورابى

　　سۋرەتتە: فۋجيان تەڭىز ساقشىلارى دەلوعا بارلاۋ جۇرگىزۋ بارىسىندا، شەتەلدە كەرەكسىز ەتىلگەننەن كەيىن، اتكەزشىلىكپەن ەلىمىزگە اكەلۋ كۇمانىنا قاتىستى كەمەنى ۇستاپ قالدى (ۇشقىشسىز ۇشاقپەن تۇسىرىلگەن، 8 – ايدىڭ 10 – كۇنى). شينحۋا اگەنتتىگى (چىن يشياڭ فوتوسى)

　　شينحۋا اگەنتتىگىنىڭ ءتىلشىسى ليۋ شين 11 – ايدىڭ 4 – كۇنى فۋجوۋدان حابارلايدى. جۋىردا فۋجيان ولكەلىك ساقشى مەكەمەسى شەتەلدە كەرەكسىز ەتىلگەن كەمەنى اتكەزشىلىكپەن اكەلۋ كۇمانىنا قاتىستى دەلونى انىقتاپ، قىلمىس كۇماندىلارىنان 12 ادامدى ءبىر جولدا تۇتقىنداپ، اتكەزشىلىك قىلمىستىق توبىنان بىرەۋىن ءساتتى تالقانداعان. العاشقى تەكسەرۋگە قاراعاندا، اتالعان توپ يمپورت ەتۋدەن شەكتەلگەن قاتتى كۇيدەگى كەرەكسىز زاتتاردان شامامەن 8000 تونناسىن اتكەزشىلىكپەن اكەلۋ كۇمانىن تۋدىرعان، دەلوعا قاتىستى سوما 50 ميلليون يۋانعا جۋىقتايدى. بۇل جۇڭگو تەڭىز ساقشىلارىنىڭ شەتەلدە كەرەكسىز ەتىلگەن كەمەنى اتكەزشىلىكپەن اكەلۋ كۇمانىنا قاتىستى دەلونى تۇڭعىش رەت انىقتاۋى.

　　بيىل شىلدەدە بالىق اۋلاۋدى شەكتەۋ مەزگىلىندە، فۋجيان ولكەلىك تەڭىز ساقشىلارى مەكەمەسى فۋجيان ولكەسى ليانجياڭ وڭىرىندە شەتەلدە كەرەكسىز ەتىلگەن كەمەنى اتكەزشىلىكپەن شەكارادان ەنگىزۋ ءارى الباتى بولشەكتەپ ساتۋ كۇمانىن تۋدىرعان توپتىڭ بار ەكەنىن بىلەدى.

　　8 – ايدىڭ ورتا شەنىندە، فۋجيان ولكەلىك تەڭىز ساقشىلارى مەكەمەسى قوعام حاۋىپسىزدىگى ورگاندارىنىڭ سايكەسۋىندە، ساقشى كۇشتەرىن جەكە – جەكە فۋجوۋ قالاسىنىڭ ليانجياڭ اۋدانى مەن چاڭلى رايونىندا قادامداس تور جيناۋ ارەكەتىن ورىستەتۋگە ۇيىمداستىرىپ، باستى قىلمىس كۇماندىلارىن ءساتتى قولعا تۇسىرەدى.

　　قازىر دەلو ىشكەرىلەي انىقتالۋدا.

　　كەلۋ قاينارى: حالىق تورابى