يادرولىق كەمەنىڭ بەلگىسىز زاتقا سوعىلعانىنا ءبىر اي ءوتتى، ا ق ش – تىڭ تۇسىنىك بەرەتىن كەزى كەلدى
2021.11.02 18:02 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى چىڭ شىن 11 – ايدىڭ 1 – كۇنى بەيجيڭنەن حابارلايدى. ا ق ش تەڭىز ارمياسىنىڭ «كوننەكتيكۋت» اتتى سۇڭگۋىر كەمەسى 10 – ايدىڭ باسىندا نانحاي تەڭىزى الابىندا ءجۇزىپ بارا جاتقاندا بەلگىسىز زاتقا سوعىلىپ، سۇڭگۋىر كەمەسى ءبۇلىنىپ، كوپ ادام جارالاندى. ا ق ش جۋىرداعى ءبىر ايدان بەرى الدە نەنى جاسىرىپ، دۇنيە جۇزىنە بۇل شىرعالاڭنىڭ جاعدايىن انىق تۇسىندىرمەي كەلدى.
ا ق ش – تىڭ يادرولىق سۇڭگۋىر كەمەسى نەلىكتەن ءوزىنىڭ تەرريتورياسىنان شالعايداعى تەڭىز الابىندا بەلگىسىز زاتقا سوعىلدى؟ ا ق ش جاق بۇل جولى سۇڭگۋىر كەمەسىن جىبەرىپ، نانحاي تەڭىزىندە ءۇن – ءتۇنسىز ءجۇزۋ مىندەتىن اتقاردى، بۇل كەمە، زايىرى قانداي مىندەت اتقارادى؟ بۇل جولى نە نارسەگە سوعىلدى؟ نەلىكتەن سوعىلدى؟ يادرونىڭ جايىلۋى سىندى جاعداي تۋىلدى ما، جوق پا، تەڭىز – مۇحيت ورتاسىنا يادرولىق لاستاۋ تۋدىرا ما ... ا ق ش – تىڭ دۇنيە جۇزىنە ءبىر تۇسىنىك بەرەتىن كەزى كەلدى.
ۇزاق ۋاقىتتان بەرى، ا ق ش «ءجۇزۋ ەركىندىگى جانە ۇشىپ ءوتۋ ەركىندىگى» دەگەندى جەلەۋ ەتىپ، اۆياماتكا، ستراتەگيالىق بومبىلاۋشى ۇشاق، يادرولىق سۇڭگۋىر كەمە قاتارلى وزىق قارۋ تەكشەلەرىن جىبەرىپ، نانحاي تەڭىزىندە قارۋلى كۇشىن كورسەتىپ، قاساقانا پالە ىزدەدى. بيىل تەك جارىم جىل اينالاسىندا، ا ق ش جاقتىڭ جۇڭگوعا باعىتتالعان تەڭىز بەن كەڭىستىكتە جاقىن كەلىپ بارلاۋ جۇرگىزۋ ارەكەتى 2000 رەتكە جۋىقتاعان، جۇڭگوعا باعىتتالعان كەڭ كولەمدى تەڭىزدەگى مانەۆرى 20 رەتتەن اسقان، بۇل قاتەرلى ارەكەتتەردىڭ جولدان تايۋ، شەكتەن اسۋ حاۋپى بار، حالىقارالىق ءجۇزۋ جولىنىڭ حاۋىپسىزدىگىنە اۋىر قاتەر توندىرەدى، بۇل رەتكى سۇڭگۋىر كەمە شىرعالاڭىنىڭ ءوزى ءبىر رەتكى ەسكەرتۋ.
يادرولىق سۇڭگۋىر كەمەنىڭ ءبۇلىنۋى ءىرى ماسەلە، استە، «قاعىنعان تىڭ تىڭداۋشىنىڭ» تۇمسىعى تاسقا ءتيىپ، ماسقارالىقپەن تايىپ تۇرۋى عانا دەپ قاراۋعا بولمايدى، جىلدىرتپالاتىپ ۇمىتتىرىپ كەتەمىن دەۋگە كەلمەيدى. وسىنىڭ الدىندا ا ق ش ارمياسى ادەيى جاسىرىپ، شىرعالاڭ تۋىلعان سوڭ 5 كۇننەن كەيىن ارەڭ مازمۇنى كۇڭگىرت قىسقا عانا مالىمدەمەنى جاريالاعان بولاتىن، سودان بەرى ۇزدىكسىز جاسىرۋمەن كەلەدى. مۇنداي ءبىرجاقتى ەتۋ ءتاسىلى ا ق ش – تىڭ ۇزاق ۋاقىتتان بەرى اسكەري ينفورماتسيانى تاراتۋىندا جاريالىلىقتىڭ كەمشىل بولعانىن ءدال كورسەتەدى، ۇشقارى دا جاۋاپكەرسىزدىك تانىتاتىن مەملەكەت وبىرازىن ونان ارى ايقىنداي تۇسەدى.
نانحاي تەڭىزى — ايدىن – شالقار تىنىق مۇحيتتىڭ ءبىر بولىگى، «كوننەكتيكۋت» اتتى يادرولىق سۇڭگۋىر كەمەنىڭ سوعىلۋى بۇكىل ءوڭىردىڭ حاۋىپسىزدىگىنە قاتەر توندىرەتىن ءىرى وقيعا. ا ق ش جاق، ءسوزسىز، تۇبەگەيلى ءارى اشىق تەكسەرۋ جۇرگىزۋ ارقىلى قاتىستى وڭىردەگى مەملەكەتتەر مەن حالىقارالىق قوعامنىڭ كوڭىل ءبولىپ وتىرعان تۇيىندەرى مەن كۇماندارىنا ناقتى جاۋاپ قايتارۋى قاجەت.
ا ق ش – تىڭ سۇڭگۋىر كەمەسىنىڭ سوعىلۋى حالىقارالىق اقيقات پەن ادىلدىككە سوقتىققاندىق بولىپ تابىلادى. جۋىرداعى ءبىر ايدان بەرى، ا ق ش سۇڭگۋىر كەمەنىڭ سوعىلۋى شىرعالاڭىنىڭ شىن سىرىن جان سالا جاسىرىپ كەلدى، الايدا، ا ق ش جاق قالاي جاسىرسا دا، مىنا ءبىر فاكتتى بۇركەمەلەي المايدى: ا ق ش ەجەلدەن بەرى تۇراقسىز، سەنىمسىز ينفورماتسيالاردى جاريالاۋشى، حالىقارالىق يادرولىق حاۋىپسىزدىكتىڭ ەڭ زور قاتەر قاينارى، نانحاي وڭىرىندەگى حاۋىپسىزدىكتىڭ ەڭ زور اپات قاينارى، سونىمەن بىرگە، دۇنيە ءجۇزىنىڭ بەيبىتشىلىگى مەن وڭىرلىك حاۋىپسىزدىكتىڭ ەڭ زور ءبۇلدىرۋشىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
