شي جينپيڭ انگليانىڭ باس ءۋازىرى جونسونمەن تەلەفوندا سويلەستى
2021.11.01 16:03 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 29 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 29 - كۇنى انگليانىڭ باس ءۋازىرى جونسونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى بىردە باسەڭدەپ، بىردە ءورشىپ، دۇنيە ءجۇزى ەكونوميكاسىنىڭ جاندانۋى قيىنعا سوقتى، جۇڭگو - انگليا قاتىناسىندا وراي دا، سىن - سايىس تا ءومىر ءسۇرىپ وتىر. جۇڭگو مەن انگليا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنە تۇراقتى القا ەل جانە دۇنيە جۇزىندەگى باستى ەكونوميكالىق تۇلعا رەتىندە، تاماشا قاتىناستى جالعاستىرىپ، سەلبەستىكتى كۇشەيتىپ، دۇنيە ءجۇزىنىڭ ىندەتتى ەرتەرەك جەڭۋىنە، دۇنيە جۇزىلىك جونگە سالۋدى كەمەلدەندىرۋگە، دامۋدى، گۇلدەنۋدى جۇزەگە اسىرۋعا ۇلەس قوسۋى كەرەك. كەلەر جىلى − جۇڭگو مەن انگليانىڭ باس ەلشى دارەجەلى ديپلوماتيالىق قاتىناس ورناتقانىنىڭ 50 جىلدىعى، ەكى جاق ورايدى يگەرىپ، سىن - سايىسقا توتەپ بەرىپ، بىرگە قۇلشىنىپ، جۇڭگو - انگليا قاتىناسىنىڭ دۇرىس ارنادا نىق قاداممەن باياندى جالعاسۋىن ىلگەرىلەتۋى كەرەك.
شي جينپيڭ بىلاي دەپ دارىپتەدى: جۇڭگو - انگليا قاتىناسىن ويداعىداي دامىتۋدا ءوزارا سەنىم ارتۋ − نەگىز، ءوزارا تانۋ − العى شارت، الاۋىزدىقتى ۇيلەسىمدى ءبىر جاقتى ەتۋ − تەتىك. جۇڭگو جاق جۇڭگو - انگليا قاتىناسىنا ستراتەگيالىق دەڭگەيدەن جانە ۇزاق بولاشاقتىق تۇرعىدان قارايدى، انگليا جاقتىڭ شىندىققا قۇرمەت ەتىپ، جۇڭگونىڭ دامۋ جولى مەن تۇزىمىنە جان - جاقتى وبيەكتيۆ مامىلە جاساۋىن ءۇمىت ەتەدى. جۇڭگو مەن انگليانىڭ ساۋدا، قارجى قوسۋ ءىسى ىندەتتىڭ ىقپالىن جەڭىپ، ءتيىمسىز جاعدايدا ارتىپ، جۇڭگو مەن انگليانىڭ سەلبەسىپ ءوزارا پايدا جەتكىزىپ، يگىلىككە تەڭ كەنەلگەنىن تاعى دا دالەلدەدى. جۇڭگو جاق انگليا جاقتىڭ جۇڭگوعا اناعۇرلىم كوپ ساپالى ونىمدەردى ەكسپورت ەتۋىن، ەمدەۋ، دەنساۋلىق ساقتاۋ، جاسىل دامۋ، سيفرلى ەكونوميكا، فينانس، جاڭالىق اشۋ سياقتى سالالارداعى سەلبەستىكتى كەڭەيتۋىن قارسى الادى. انگليا جاقتىڭ جۇڭگو قارجىلاندىرعان كاسىپورىندارعا تەڭ، ءادىل، كەمسىتپەيتىن مامىلە جاساۋىن ءۇمىت ەتەدى، جۇڭگو جاق انگليا كاسىپورىندارىنىڭ جۇڭگودا سەلبەستىك جاساۋىنا دا قولايلىلىق ازىرلەيدى. ەكى جاق بەيجيڭ قىسقى وليمپيادا سپورت جارىسىن وراي ەتىپ، دەنەتاربيە سەلبەستىگى مەن گۋمانيتارلىق اۋىس - كۇيىستى تەرەڭدەتۋى قاجەت. ەكى جاق ناعىز كوپ جاقتىلىقتى امالياتتا ايگىلەۋگە ءتيىس. انگليا جاقتىڭ دۇنيە جۇزىلىك دامۋ باستاماسىنا ات سالىسىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا قوزعاۋشى كۇش ۇستەۋىن قارسى الامىز.
شي جينپيڭ بىلاي دەپ دارىپتەدى: جۇڭگو جاق كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جاريالادى، سونداي - اق مەملەكەتتىڭ ءوز كۇشىنە سۇيەنىپ ۇلەس قوسۋ تەبىنىن ارتتىرۋ جونىندە ءبىرسىپىرا ناقتى شارانى العا قويدى، بۇل كەڭ كولەمدى ءارى تەرەڭ ەكونوميكالىق، قوعامدىق وزگەرىستى كورسەتەدى، تارتىپپەن بىرتىندەپ ىلگەرىلەۋگە جانە ماشاقاتتى قۇلشىنىس كورسەتۋگە تۋرا كەلەدى. جۇڭگو جاسىل، تومەن كومىر قىشقىل گازدى دامۋدى جەدەلدەتۋ بەكىمىنەن اۋىتقىمايدى. ايتقان ەكەن، ءسوزسىز، اتقارادى. جۇڭگو جاق انگليا جاقتىڭ «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتى» بويىنشا 26 - رەتكى شارت جاساسۋشى جاقتار جينالىسىنا ءتوراعا ەل بولۋ رولىن ساۋلەلەندىرىپ، ورتاق، ءبىراق پارىقتى جاۋاپكەرلىك پرينسيبىندە تاباندى بولىپ، ءار ەلدىڭ اسقاق مۇراتتى ناقتى ارەكەت قۋاتىنا اينالدىرۋىنا جەبەۋشى بولۋىن قولدايدى.
جونسون مىنالاردى ءبىلدىردى: مەن انگليانىڭ جۇڭگومەن قاتىناسىن ايرىقشا قاستەرلەيمىن. ءتوراعا شي جينپيڭنىڭ انگليا - جۇڭگو قاتىناسىن دامىتۋ جونىندەگى پىكىرىن قۇپتايمىن. انگليا - جۇڭگو ەكى ەل دۇنيە جۇزىلىك الەۋمەتتىك دەنساۋلىق ساقتاۋ، دۇنيە ءجۇزى ەكونوميكاسىنىڭ جاندانۋى، يران يادرو ماسەلەسى، لاڭكەستىككە قارسى تۇرۋ سياقتى كوپتەگەن ەلەۋلى ماسەلەنىڭ بارلىعىندا ورتاق تانىمعا جانە ورتاق مۇددەگە يە، ەكى جاق شىنايى تىلدەسۋدى، دوستىق سەلبەستىكتى كۇشەيتۋدى قاجەت ەتەدى. انگليا جاق جۇڭگو جاقپەن ەكونوميكا - ساۋدا، وقۋ - اعارتۋ، تازا ەنەرگيا سياقتى سالالارداعى سەلبەستىكتى تەرەڭدەتۋدى قالايدى، جۇڭگو كاسىپورىندارىنىڭ انگلياعا كەلىپ قارجى قوسۋىن، سەلبەستىك جاساۋىن قارسى الادى، جۇڭگو جاقتىڭ كاسىپورىندارىن اشىق شارۋاشىلىق - ساۋدا ورتاسىمەن قامداۋدى قالايدى. انگليا جاق جۇڭگو جاقپەن بىرگە قۇلشىنىپ، انگليا - جۇڭگو قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. جۇڭگو جاقتىڭ كۇنميڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ 1 - كەزەڭدىك ءماجىلىسىن ءساتتى وتكىزگەنىن قۇتتىقتايمىن، جۇڭگو جاقپەن بىرگە دۇنيە جۇزىلىك كليمات وزگەرىسىنە توتەپ بەرۋ جانە ورگانيزمدەردىڭ الۋان تۇرلىلىگىن قورعاۋ ماسەلەسىندە تىعىز بايلانىستى جالعاستىرىپ، دۇنيە ءجۇزىنىڭ تەڭ، باياندى دامۋىن قۇلشىنا ىلگەرىلەتۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
