لي كىچياڭ 16 – كەزەكتى شىعىس ازيا باسشىلار ماجىلىسىنە قاتىناستى
2021.10.29 16:20 كەلۋ قاينارى : حالىق تورابى
 |
10 - ايدىڭ 27 - كۇنى كەشتە مەملەكەتتىك كەڭەستىڭ زۇڭليى لي كىچياڭ بەيجيڭدەگى حالىق سارايىندا 16 - كەزەكتى شىعىس ازيا باسشىلار ماجىلىسىنە قاتىناستى. ءماجىلىس بەينە ەكران فورماسىندا وتكىزىلدى. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
«حالىق گازەتى»، 10 - ايدىڭ 28 - كۇنى، بەيجيڭ (ءتىلشى باي ياڭ). مەملەكەتتىك كەڭەستىڭ زۇڭليى لي كىچياڭ 10 - ايدىڭ 27 - كۇنى كەشتە حالىق سارايىندا 16 – كەزەكتى شىعىس ازيا باسشىلار ماجىلىسىنە قاتىناستى. شىعىس وڭتۇستىك ازيا وداعىنداعى ەلدەردىڭ باسشىلارى، سونداي - اق رەسەيدىڭ زۇڭتۇڭى پۋتين، كورەيانىڭ زۇڭتۇڭى ۋىن زاييىن، ا ق ش - تىڭ زۇڭتۇڭى بايدەن، جاپونيانىڭ باس ءۋازىرى انتيان ۋىنشيۇڭ، ءۇندىستاننىڭ زۇڭليى مودي، اۆستراليانىڭ زۇڭليى موريسون، جاڭا زەلانديانىڭ زۇڭليى اردەرن قاتارلىلار ماجىلىسكە قاتىناستى. برۋنەيدىڭ سۇلتانى حاساننار ءماجىلىستى باسقاردى. ءماجىلىس بەينە ەكران فورماسىندا وتكىزىلدى.
لي كىچياڭ مىنانى ءبىلدىردى: شىعىس ازيا باسشىلار باس قوسۋى «باسشىلار جەتەكشىلىك ەتكەن ستراتەگيالىق تالقى مىنبەسى» رەتىندە، مۇشەلەرى ازيا – تىنىق مۇحيت وڭىرىندەگى نەگىزگى ەلدەردى قامتيدى، كەڭ كولەمدى ۋاكىلدىك سيپاتقا جانە ىقپالعا يە. ءتوراعا شي جينپيڭ تاياۋدا «دۇنيە جۇزىلىك دامۋ باستاماسىن» العا قويدى. شىعىس ازيا دۇنيە ءجۇزى ەكونوميكاسىنىڭ ارتۋىنداعى ماڭىزدى قوزعاۋشى كۇش رەتىندە، ىندەتكە قارسى اتتانۋ مەن ەكونوميكانى قالپىنا كەلتىرۋ سىندى ەكى جاقتان بىردەي كۇش سالۋدى ىلگەرىلەتىپ، دۇنيە ءجۇزىنىڭ دامۋىنا ۇزدىكسىز قوزعاۋشى كۇش قوسۋى كەرەك (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
لي كىچياڭ بىلاي دەپ اتاپ كورسەتتى: شىعىس ازيا باسشىلار باس قوسۋى ءوز ورنىن ءوزى بەلگىلەۋدە باستان – اياق تاباندى بولىپ، وڭىرلىك سەلبەستىكتىڭ دۇرىس بەتالىسىن يگەرىپ، ساياسي حاۋىپسىزدىك سەلبەستىگى مەن ەكونوميكالىق، قوعامدىق دامۋدى بىركەلكى ىلگەرىلەتۋى كەرەك. يەلىك ۇقىق پەن تەرريتوريا تۇتاستىعىنا قۇرمەت ەتۋ − حالىقارالىق قاتىناستىڭ نەگىزگى ولشەمى ءارى شىعىس ازيا باسشىلار باس قوسۋىنىڭ ماڭىزدى جەتەكشى پرينسيبى. ءارقايسى جاق ءوزارا قۇرمەت ەتۋدە، ىنتىماقتاسا سەلبەسۋدە تاباندى بولىپ، ىندەتكە قارسى اتتانۋ، ارتۋدى قالپىنا كەلتىرۋ ۇسىنىلىمىن ارتتىرىپ، ءوڭىردىڭ بەيبىتشىلىگى مەن ورنىقتىلىعىن قورعاپ، دامۋ مەن گۇلدەنۋدى جەبەۋى كەرەك. جۇڭگو بۇل جونىندە مىناداي ۇسىنىستار قويادى:
ءبىرىنشى، قول ۇستاسا وتىرىپ ىندەتكە قارسى اتتانۋ كەرەك. جۇڭگو قاتىستى ەلدەردىڭ قاجەتىنە ساي، ۆاكسينا جانە باسقا دا ىندەتكە قارسى زاتتىق كومەكتى مۇمكىندىكتىڭ بارىنشا ارتتىرادى. «جۇڭگو - شىعىس وڭتۇستىك ازيا ەلدەرى وداعى الەۋمەتتىك دەنساۋلىق ساقتاۋ سەلبەستىگى باستاماسىن» جەدەل ىلگەرىلەتىپ، وڭىرلىك الەۋمەتتىك دەنساۋلىق ساقتاۋ قابىلەتىن جوعارىلاتۋ كەرەك.
ەكىنشى، ەكونوميكانىڭ جاپپاي قالپىنا كەلۋىن جەبەۋ كەرەك. ەركىن ساۋدادا، ءادىل ساۋدادا تاباندى بولىپ، حالىقارالىق زات اينالىمىنىڭ ىركىلىسسىزدىگىن قورعاۋ كەرەك. وڭىرلىك جالپى بەتتىك ەكونوميكالىق ارىپتەستىك قاتىناس كەلىسىمىنىڭ (RCEP) ەرتەرەك كۇشكە يە بولۋىن جەدەلدەتۋ كەرەك. جۇڭگو تىنىق مۇحيت اتتاعان جالپى بەتتىك سەرىكتەستىك قاتىناس كەلىسىمىنە (CPTPP) قاتىناسۋدى رەسمي ءوتىنىش ەتىپ، ەسىك اشۋ ۋادەسىنىڭ دەڭگەيىن ونان ارى جوعارىلاتادى. وڭىردەگى ەلدەردىڭ ساياحات كاسىبىنىڭ قالپىنا كەلۋىن جەبەۋ جولىنداعى قۇلشىنىستارىن قولدايدى.
ءۇشىنشى، جاسىل دامۋدى ىلگەرىلەتۋ كەرەك. ورتاق، ءبىراق پارىقتى جاۋاپكەرلىك پرينسيبى بويىنشا كليمات وزگەرىسىنىڭ سىن - سايىسىنا توتەپ بەرىپ، «پاريج كەلىسىمىن» جاپپاي، ءونىمدى اتقارۋ كەرەك. تومەن كومىرتەكتى تيپكە بۇرىلىس جاساۋدى بىركەلكى، ءتارتىپتى ىلگەرىلەتىپ، ەنەرگيامەن ورنىقتى، حاۋىپسىز قامداۋدى قامتاماسىزداندىرۋمەن بىرگە، ەكونوميكانىڭ دامۋىمەن، حالىق تۇرمىسىن قامتاماسىزداندىرۋمەن سايكەسىپ، ونىمدىلىكتى ارتتىرۋدى جۇزەگە اسىرۋ كەرەك. جۇڭگو وسى رەتكى ءماجىلىستىڭ «باياندى قالپىنا كەلۋ جونىندەگى مالىمدەمەنى» جاريالاۋىن باستاما ەتىپ كوتەرەدى.
ءتورتىنشى، شىعىس وڭتۇستىك ازيا ەلدەرى وداعىنىڭ وزەكتى ورنىن قولداۋ كەرەك. شىعىس وڭتۇستىك ازيا ەلدەرى وداعىن وزەك ەتكەن، اشىق، سيىسىمدى وڭىرلىك سەلبەستىك جۇلگەسى − وسى ءوڭىردىڭ ۇزاق ۋاقىتتىق بەيبىت گۇلدەنۋىنىڭ ماڭىزدى ىرگە تاسى. شىعىس وڭتۇستىك ازيا ەلدەرى وداعى ورتاق تۇلعاسىنىڭ قۇرىلىسىن جانە كوپ جاقتىلىقتى قورعاۋ قۇلشىنىسىن قولداپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاۋ كەرەك.
لي كىچياڭ بىلاي دەدى: بيرما − شىعىس ازيا سەلبەستىگىندەگى ماڭىزدى ات سالىسۋشى جاق. جۇڭگو شىعىس وڭتۇستىك ازيا ەلدەرى وداعىنىڭ قاتىستى ماسەلەلەردى «شىعىس وڭتۇستىك ازيا ەلدەرى وداعى تاسىلىمەن» ۇيلەسىمدى ءبىر جاقتى ەتۋىن، شىعىس وڭتۇستىك ازيا ەلدەرى وداعىنىڭ ىنتىماعىن، ءوڭىردىڭ ورنىقتىلىعىن، بيرمانىڭ بەيبىت تاتۋلاسۋ اياق الىسىن جەبەۋىن قولدايدى.
لي كىچياڭ بىلاي دەپ دارىپتەدى: نانحاي تەڭىزى − ءبىزدىڭ ورتاق مەكەنىمىز. نانحاي تەڭىزىنىڭ بەيبىتشىلىگى مەن ورنىقتىلىعىن قورعاۋ، نانحاي تەڭىزىندە قاتىناۋ جانە ۇشۋ ەركىندىگىن قورعاۋ ءارقايسى جاقتىڭ ورتاق مۇددەسىنە ۇيلەسەدى. جۇڭگو مەن شىعىس وڭتۇستىك ازيا وداعىنداعى ەلدەردىڭ بىرگە قۇلشىنۋىندا نانحاي تەڭىزى جاعدايى جالپى تۇلعالىق جاقتان ورنىقتى بولدى. جۇڭگو شىعىس وڭتۇستىك ازيا وداعىنداعى ەلدەرمەن ءونىمدى، ماندىك مازمۇنعا باي وڭىرلىك ەرەجە جونىندە ەرتەرەك ورتاق تانىمعا كەلىپ، «نانحاي تەڭىزىندەگى ءار جاقتىڭ ارەكەت جارناماسىن» جاپپاي، ءونىمدى تياناقتاندىرۋدا. ەكى جاق ىندەتتىڭ ىقپالىن جەڭىپ، «نانحاي تەڭىزى ارەكەت ولشەمى» كەڭەسىن ماندىك جاقتان قالپىنا كەلتىردى ءارى بەلسەنە ىلگەرىلەتتى. وڭىردەگى ەلدەردىڭ نانحاي تەڭىزىنىڭ بەيبىتشىلىگى مەن ورنىقتىلىعىن قورعاۋ جولىنداعى قۇلشىنىستارى قۇرمەتتەلۋگە ءتيىس. جۇڭگو ءارقايسى جاقپەن بىرگە ىنتىماقتى كۇشەيتىپ، سەلبەستىكتى كەڭەيتىپ، بىرگە دامۋدى جەبەپ، گۇلدەنىپ - كوركەيۋدى، ورنىقتىلىقتى جۇزەگە اسىرىپ، شىعىس ازيا سەلبەستىگىنىڭ تىڭ داستانىن جازۋدى قالايدى.
ماجىلىسكە قاتىناسقان باسشىلار مىنانى ءبىلدىردى: بىلتىردان بەرى شىعىس ازيا باسشىلار ماجىلىسىنە مۇشە ەلدەر دەنساۋلىق ساقتاۋ، سالاماتتىق، ەكونوميكا - ساۋدا، ەنەرگيا، تەڭىز - مۇحيت، وقۋ - اعارتۋ، جاسىل دامۋ سياقتى سالالارداعى سەلبەستىكتى ۇزدىكسىز ىلگەرىلەتىپ، بەلسەندى جەتىستىكتەرگە قول جەتكىزدى. ىندەت، كليمات وزگەرىسى سياقتى دۇنيە جۇزىلىك سىن - سايىسقا ءار جاقتىڭ دەربەس توتەپ بەرۋىنە بولمايدى. بىرگە نازار اۋدارۋ، بىرگە توتەپ بەرۋ، بىرگە گۇلدەنۋ رۋحى بويىنشا، كوپ جاقتىلىقتى قورعاپ، ۆاكسينا مەن ءدارى - دارمەكتىڭ ءادىل ءبولىسىن جەبەپ، سيفرلى ەكونوميكا، ەركىن ساۋدا، الەۋمەتتىك دەنساۋلىق ساقتاۋ، كليمات وزگەرىسى سياقتى سالالارداعى سەلبەستىكتى كۇشەيتىپ، كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن جالعاستىرىپ، وڭىرلىك ەكونوميكانىڭ ءبىر تۇلعالانۋىن تەرەڭدەتۋ كەرەك. شىعىس وڭتۇستىك ازيا ەلدەرى وداعىنىڭ وزەكتى ورنى مەن شىعىس وڭتۇستىك ازيا ەلدەرى وداعى جەتەكشى بولعان وڭىرلىك سەلبەستىك جۇلگەسىنە قۇرمەت ەتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن گۇلدەنۋىن قول ۇستاسا جەبەۋ كەرەك.
ءماجىلىس «باياندى قالپىنا كەلۋ جونىندەگى مالىمدەمە»، «رۋحاني سالاماتتىق سەلبەستىگى جونىندەگى باسشىلار مالىمدەمەسى» جانە «ساياحاتتىڭ جاندانۋى ارقىلى ەكونوميكانىڭ ارتۋىن جۇزەگە اسىرۋ جونىندەگى باسشىلار مالىمدەمەسى» سياقتى جەتىستىكتەر قۇجاتىن ماقۇلدادى.
شياۋ جيە ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
