جياڭشي ولكەلىك دامۋ جانە رەفورما كوميتەتىنىڭ بۇرىنعى ورىنباسار مەڭگەرۋشىسى جوۋ گۋاڭحۋا 20 ميلليون يۋاننان استام پارا العاندىقتان سوتتالدى
2021.10.26 13:23 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لاي شيڭنىڭ 10 – ايدىڭ 25 ـ كۇنى نانچاڭنان بەرگەن حابارى. جياڭشي ولكەسى جي ـ ان قالالىق ورتا دارەجەلى حالىق سوت مەكەمەسى جۋىردا جياڭشي ولكەلىك دامۋ جانە رەفورما كوميتەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار مەڭگەرۋشىسى جوۋ گۋاڭحۋانىڭ پارا الۋ دەلوسىنا اشىق ۇكىم شىعارىپ، پارا الۋ قىلمىسى بويىنشا ايىپكەر جوۋ گۋاڭحۋانى 11 جىل 6 اي مەرزىمدى قاماۋ جازاسىنا ۇكىم ەتتى، وعان قوسا 2 ميلليون يۋان اقشالاي ايىپ سالدى؛ جوۋ گۋاڭحۋانىڭ پارا الۋ قىلمىسىنان تاپقان ارام اقشاسى مەن ارام ولجاسىن زاڭ بويىنشا ءمۇسادىرالاپ، مەملەكەت قازىناسىنا تاپسىردى. جوۋ گۋاڭحۋا سوت ۇستىندە ۇكىمگە بويسۇناتىندىعىن، شاعىم ارىز بەرمەيتىندىگىن ءبىلدىردى.
اشىق قىسقاشا ءومىر بايانىندا كورسەتىلۋىنشە، 2017 ـ جىلى 5 - ايدان دەلو تۋىلعانعا دەيىن جوۋ گۋاڭحۋا جياڭشي ولكەلىك دامۋ جانە رەفورما كوميتەتى پارتگرۋپپاسىنىڭ مۇشەسى، ورىنباسار مەڭگەرۋشىسى، ولكەلىك ۇكىمەتتىڭ پوياڭحۋ ەكولوگيالىق ەكونوميكالىق رايونى قۇرىلىسى كەڭسەسىنىڭ (جياڭشي ولكەسى گاننان قاتارلى بۇرىنعى ورتالىق سوۆەت رايونىن گۇلدەندىرۋ، دامىتۋ قىزمەت كەڭسەسى) ۇنەمىلىك ىستەرگە جاۋاپتى ورىنباسار مەڭگەرۋشىلىگىنە (مەڭگەرمە دارەجەلى) تاعايىندالعان.
سوت مەكەمەسىنىڭ تەكسەرىپ انىقتاۋىنا نەگىزدەلگەندە: 2000 - جىلدان 2020 - جىلى 9 - ايعا دەيىن، ايىپكەر جوۋ گۋاڭحۋا نانچاڭ قالالىق قالا اكىمشىلىگى قۇرىلىس اشۋ توبى شەكتى سەرىكتىگىنىڭ باس مەڭگەرۋشىسى، نانچاڭ قالالىق قالا - اۋىل قۇرىلىسى كوميتەتىنىڭ ورىنباسار مەڭگەرۋشىسى، نانچاڭ قالاسى حۇڭگۋتان جاڭا رايونىن باسقارۋ كوميتەتىنىڭ ورىنباسار مەڭگەرۋشىسى، نانچاڭ قالالىق قورا - جاي باسقارۋ مەكەمەسىنىڭ باستىعى، گانجوۋ قالالىق پارتكومنىڭ تۇراقتى مۇشەسى، ورىنباسار قالا باستىعى، جياڭشي ولكەلىك دامۋ جانە رەفورما كوميتەتى پارتگرۋپپاسىنىڭ مۇشەسى، ورىنباسار مەڭگەرۋشىسى قاتارلى مىندەتتەردى وتەگەن كەزىندە قىزمەت قولايلىلىعىنان پايدالانىپ، قاتىستى ورىندار مەن جەكەلەرگە پايدا جەتكىزگەن، سونداي - اق ءوزىنىڭ قىزمەت ۇقىعىنان نەمەسە قىزمەت ورنىنان قالىپتاسقان قولايلى شارت - جاعدايدان پايدالانىپ، باسقا مەملەكەت قىزمەتكەرلەرىنىڭ قىزمەت مىندەتى ارقىلى باسقالارعا ورىنسىز پايدا جەتكىزۋ ءۇشىن، باسقالاردىڭ مال - مۇلكىن زاڭسىز قابىلداپ، العان پاراسى حالىق اقشاسىنا سىندىرعاندا جيىنى 26 ميلليون 590 مىڭ يۋاننان اسقان.
سوت مەكەمەسى بىلاي دەپ قارادى: ايىپكەر جوۋ گۋاڭحۋانىڭ ارەكەتى پارا الۋ قىلمىسىنا جاتادى، سوماسى وتە كوپ، زاڭ بويىنشا جازالاۋ كەرەك. جوۋ گۋاڭحۋا دەلو تۋىلعاننان كەيىن، دەلو ءبىر جاقتى ەتۋ ورگانى ءالى يگەرمەگەن ءبىر ءبولىم پارا الۋ فاكتتەرىن ىرىقتىلىقپەن تاپسىرىپ، ءوزىنىڭ بارلىق قىلمىسىن قاز - قالپىندا باياندادى، شىنىن ايتىپ، شىن نيەتىمەن رايىنان قايتىپ، ارام ولجانى بەلسەنە قايتارادى، تاپقان ارام اقشاسىن تۇگەلدەي قايتارىپ بولدى، ءوز ەركىمەن قىلمىسىن تانىپ، قىلمىسىن مويىنداعان، زاڭ بويىنشا جەڭىل جازالاۋعا بولادى، سونىمەن زاڭ بويىنشا جوعارىداعى ۇكىم شىعارىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
