كومىر قاتارلى سالالارداعى ەنەرگياعا قاتىستى اقپارات بەرەتىن ءىشىنارا قۇرىلىمدار باعا كورسەتكىشىندە جىمسىمالىق ىستەتكەندىكتەن، مەملەكەتتىك دامۋ – رەفورما كوميتەتى تەكتەي باستادى
2021.10.26 12:59 كەلۋ قاينارى : حالىق تورابى
حالىق تورابىنىڭ 10 – ايدىڭ 25 – كۇنى بەيجيڭنەن بەرگەن حابارى (شىن جياپيڭ) مەملەكەتتىك دامۋ – رەفورما كوميتەتىنىڭ بۇگىنگى حابارىنا قاراعاندا، جۋىردا مەملەكەتتىك دامۋ – رەفورما كوميتەتى جۇرتشىلىقتىڭ مالىمدەۋىن تاپسىرىپ العان، مالىمدەۋگە قاراعاندا، كومىر قاتارلى ەنەرگياعا قاتىستى سالالاردان اقپارات بەرەتىن ءىشىنارا قۇرىلىمدار شىنايى ساۋدا باعاسىن قولدانباۋ، باعا جاعىندا كەڭەس بەرۋ مەن باعا بەلگىلەۋ ۇقىعىن الباتى پايدالانۋ، قاۋەسەتتەردى جاريالاۋ، ءتىپتى باعا كورسەتكىشىنە قاتىستى جالعان اقپارات جاريالاۋ، باعا كورسەتكىشىندە جىمسىمالىق ىستەۋ قاتارلى جولدارمەن ورايشىلدىق پەن اسىرە ۇگىتتەۋدى اسقىندىرىپ، كومىر باعاسىنىڭ قامداۋ مەن قاجەتسىنۋدىڭ نەگىزگى جاعدايىنان مۇلدە الشاقتاپ كەتۋىن تۋدىرعان، مەملەكەت پەن قوعامنىڭ الەۋمەتتىك مۇددەسىن اۋىر دارەجەدە زيانداعان.
مەملەكەتتىك دامۋ – رەفورما كوميتەتى مىنانى ءبىلدىردى: باعا كورسەتكىشىنە قاتىستى ارەكەتتەردى جۇيەگە ءتۇسىرىپ، باعا كورسەتكىشى بازارىنىڭ اقاۋسىز، ءتارتىپتى دامۋىن ىلگەرىلەتۋ ءۇشىن، مەملەكەتتىك دامۋ – رەفورما كوميتەتى باعا ىستەرى ءبولىمى قاتىستى جاقتارمەن بىرگە بىرلەسكەن قىزمەت گرۋپپاسىن قۇرىپ، «ماڭىزدى تاۋارلار مەن قىزمەت وتەۋ تۇرلەرىنىڭ باعا كورسەتكىشىنە قاتىستى ارەكەتتەردى باسقارۋ ادىسىنە (سىناق رەتىندە اتقارىلادى)» (مەملەكەتتىك دامۋ – رەفورما كوميتەتىنىڭ 2021 – جىلعى 43 – ءنومىرلى بۇيرىعى) نەگىزدەلە وتىرىپ، ەل ىشىندەگى مەملەكەت كولەمىندە ىقپالى بار كومىردىڭ باعا كورسەتكىشىن قۇراستىرىپ تاراتاتىن بارلىق ورىندارعا باعا كورسەتكىشى ارەكەتىنە ساراپتاۋ جۇرگىزۋ جانە ۇيلەسىمدىلىگىن تەكتەۋ قىزمەتىن باستاعان. ساراپتاۋ جۇرگىزۋ مەن ۇيلەسىمدىلىگىن تەكتەۋ بارىسىندا بايقالعان بەلگىلەمەگە قايشى ارەكەتتەرگە بەلگىلەمەگە ساي شاقىرىپ اڭگىمەلەسۋ، اشىق جاريالاۋ، شەكتەۋلى مەرزىمدە رەتتەۋ جۇرگىزۋگە بۇيىرۋ، اقپارات تاراتۋىن ۋاقىتشا توقتاتۋ، سەنىمدىلىكتەن ايرىلعاندار تىزىمدىگىنە قوسۋ قاتارلى جازالاۋ شارالارىن اتقارادى. زاڭعا قايشى ارەكەت قالىپتاستىرعاندارىنىڭ زاڭدىق جاۋاپكەرشىلىگىن قاتىستى تاراۋلار زاڭ بويىنشا قۋزاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
