مادەنيەت جانە ساياحات مينيسترلىگى: ونەرپازداردى جاساندى ءان ايتۋعا ۇيىمداستىرماۋ، جاساندى ءان ايتۋشىلارعا شارت – جاعداي ازىرلەمەۋ كەرەك
2021.09.22 13:27 كەلۋ قاينارى : حالىق تورابى
جۇڭگو اقپارات تورابىنىڭ 9 – ايدىڭ 18 – كۇنى بەرگەن حابارى. مادەنيەت جانە ساياحات مينيسترلىگى تورابىنىڭ حابارلاۋىنشا، 9 – ايدىڭ 18 – كۇنى مادەنيەت جانە ساياحات مينيسترلىگى «مادەنيەت جانە ساياحات مينيسترلىگىنىڭ ويىن قويۋعا دەلدالدىق ەتۋ ارەكەتىن جۇيەگە ءتۇسىرىپ، ونەرپازداردى باسقارۋدى كۇشەيتىپ، ويىن قويۋ بازارىنىڭ اقاۋسىز، ءتارتىپتى دامۋىن ىلگەرىلەتۋ جونىندەگى ۇقتىرۋدى (پىكىر الىناتىن نۇسقا)» (تومەندە قىسقارتىلىپ پىكىر الىناتىن نۇسقا دەپ اتالادى) جاريالادى. ويىن قويۋدى باقىلاۋ – باسقارۋ جاعىندا، پىكىر الىناتىن نۇسقادا: ونەرپازداردى جاساندى ءان ايتۋعا ۇيىمداستىرۋعا بولمايدى، جاساندى ءان ايتۋشىلارعا شارت – جاعداي جاراتىپ بەرۋگە بولمايدى، — دەلىنگەن.
پىكىر الىناتىن نۇسقادا مىنالار اتاپ كورسەتىلگەن: نەگىزگى تۇلعانىڭ تولىمدىلىعىن باسقارۋدى قاتاڭداستىرۋ جاعىندا، ونەرپازدارمەن كەلىسىمشارت جاساۋ، ولاردى ۇگىتتەۋ، ولارعا ۋاكىلدىك قىزمەت وتەۋ قاتارلى تيجارات سيپاتىندىق ويىن قويۋعا دەلدالدىق ىستەۋ ارەكەتتەرىمەن شۇعىلداناتىن دەلدالدىق سەرىكتەستىكتەر، قىزمەت كەڭسەلەرى قاتىستى بەلگىلەمەلەرگە قاتاڭ بويسۇنىپ، مادەنيەت جانە ساياحات ىستەرىن اكىمشىلىك جاقتان باسقارۋ تاراۋلارىنا ءوتىنىش بەرىپ، تيجارات سيپاتىندىق ويىن قويۋعا رۇقسات بەرۋ كۋالىگىن الۋى كەرەك. ويىن قويۋعا دەلدالدىق ىستەيتىن قىزمەتكەرلەردىڭ تولىمدىلىعىن باعالاۋ ءتۇزىمىن قاتاڭ اتقارۋ كەرەك. بەكىتۋدەن وتپەي تۇرىپ، ونەرپازدارمەن كەلىسىمشارت جاساۋ، ولاردى ۇگىتتەۋ، ولارعا ۋاكىلدىك قىزمەت وتەۋ قاتارلى ىستەردى ءوز بەتىمەن ىستەگەن تيجاراتتىق ورىندارعا مادەنيەت جانە ساياحات ىستەرىن اكىمشىلىك جاقتان باسقارۋ تاراۋلارى جازا قولدانادى. ويىن قويۋعا دەلدالدىق ىستەيتىن قىزمەتكەرلەر وسى ىسپەن شۇعىلدانۋ بارىسىندا شەكتەلگەن مازمۇنداردى قامتىعان ويىن قويۋعا دەلدالدىق قىزمەت وتەسە نەمەسە ءوزى دەلدال بولعان ونەرپازدىڭ زاڭعا قايشى، ءمورالعا جات ارەكەت ىستەۋىن ىرقىنا جىبەرسە ءارى ناشار قوعامدىق ىقپال تۋدىرسا، مادەنيەت جانە ساياحات ىستەرىن اكىمشىلىك جاقتان باسقارۋ تاراۋلارى ونىڭ تولىمدىلىق كۋالىگىن كۇشىنەن قالدىرۋى جانە ۇقتىرۋ شىعارۋى كەرەك.
ونەرپازداردىڭ ارەكەتىن جۇيەگە ءتۇسىرۋ جاعىندا، ازامات جاسىنا تولماعاندارمەن كەلىسىمشارت جاساۋ، ولاردى ۇگىتتەۋ، ولارعا ۋاكىلدىك قىزمەت وتەۋ قاتارلى ويىن قويۋعا قاتىستى دەلدالدىق ارەكەتتەرمەن شۇعىلداناتىن دەلدالدىق سەرىكتەستىكتەر، قىزمەت كەڭسەلەرى «ازامات جاسىنا تولماعانداردى قورعاۋ زاڭى»، «وقۋ – اعارتۋ زاڭى»، «مىندەتتى وقۋ – اعارتۋ زاڭى» قاتارلىلارداعى قاتىستى بەلگىلەمەلەرگە ساي، ولاردىڭ بەلگىلەنگەن جاس شەگى كولەمىندەگى مىندەتتى وقۋ – اعارتۋدى قابىلداۋ جانە اياقتاتۋ ۇقىعىنا زاڭ بويىنشا كەپىلدىك ەتۋى كەرەك. «ويىن قويۋ ارقىلى پراكتيكادان ءوتۋ» قاتارلى جەلەۋلەرمەن «ات شىعارامىن دەسەڭ ەرتە قيمىلدا» دەگەن سياقتى قاتە تانىمداردى ازامات جاسىنا تولماعانداردىڭ قۇلاعىنا قۇيماۋ، ازامات جاسىنا تولماعانداردىڭ قۇن كوزقاراسىن الجاستىرماۋ، ازامات جاسىنا تولماعانداردىڭ زاڭدى ۇقىق – مۇددەسىنە زيان جەتكىزبەۋ كەرەك.
ويىن قويۋ ارەكەتتەرىن باقىلاۋ – باسقارۋدى كۇشەيتۋ جاعىندا، ونەرپازداردى جاساندى ءان ايتۋعا ۇيىمداستىرماۋ، جاساندى ءان ايتۋشىلارعا شارت – جاعداي جاراتىپ بەرمەۋ باسا دارىپتەلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
