حالىق تورابىنىڭ شولۋى: نەگىزگى ساتىداعى بوس جۇرگەن قىزمەتكەرلەردى باسقارۋ ءۇشىن ءتۇزىمدى مىقتى ۇستاۋ كەرەك
شىن روچۇڭ
2021.10.27 15:45 كەلۋ قاينارى : حالىق تورابى
جۋىرداعى جىلداردان بەرى، نەگىزگى ساتىداعى ستيل قۇرىلىسى ىشكەرىلەي ورىستەتىلىپ، نەگىزگى ساتىداعى كادرلار قوسىنىنىڭ جۇمىسىقا جاۋاپكەرشىلىكپەن قاراۋى جانە اتقارۋ قابىلەتى جۇرتشىلىقتىڭ ريزالىعىنا بولەندى. دەگەنمەن، كەي جەرلەردە نەگىزگى ساتىداعى ۇكىمەت قىزمەتى كۇردەلى، قىزمەت مولشەرى زور بولعانىمەن، بىرەۋدىڭ مۇرنىنا سۋ جەتپەي جۇرسە، بىرەۋ بەكەرشىلىكپەن كۇن وتكىزگەن جاعداي ءالى ورىن تەۋىپ وتىر. جۋىردا اقپارات قۇرالدارىنىڭ تەكسەرىپ بايقاۋىنشا، از ساندى كادرلار ىرىقتى نەمەسە ىرىقسىز تۇردە نەگىزگى ساتىداعى قولى بوس ادامدارعا اينالعان، ولاردىڭ نىساناسى ايقىن ەمەس، باعالاۋعا دا اسا ءمان بەرىپ كەتپەيدى، قۇلشىنا قىزمەت ىستەيتىن تەبىنىنەن ايرىلىپ قانا قويماي، جاۋاپكەرشىلىكتى دە قايىرىپ قويعان. بۇل نەگىزگى ساتىداعى قىزمەتكە كەرى ىقپال جاسايدى، دەر كەزىندە تۇزەتۋدى قاجەت ەتەدى.
جوعارىدان بۇيرىق كەلسە تومەنگە يتەرمەلەيتىن «پاس شىعارۋشى»، وسۋىنەن ءۇمىت ۇزىلگەن «اعا بۋىن»، بارى مەن جوعى بىردەي «ەلەۋسىز ادام»، قينالسا دا ايتۋعا اۋزى بارمايتىن «جاۋاپكەرشىلىك ارقالاۋشى»، ەتكەن ەڭبەگىنىڭ ناتيجەسىن كورمەيتىن «قاتارداعى اسكەر»، بۇل بەس تۇرگە ءبولۋ ءادىسى نەگىزگى ساتىداعى قولى بوس ادامداردىڭ بەينەسىن ءدال بەينەلەگەن. امالياتتا نەگىزگى ساتىداعى كەيبىر كادرلار قىزمەتتى جاستارعا يتەرۋگە ادەتتەنگەن، ۇنەمى جۇمىسقا جولامايتىن قوجايىن سياقتى جۇرەدى؛ كەيبىرەۋى قىزمەتىنىڭ وسۋىنەن ءۇمىت ۇزگەن، تەك «جىلى ورنىن سۋىتپاي، ەپتەپ – سەپتەپ كۇنەلتۋدى» عانا ويلايدى، ناتيجەلى بولماسا مەيلى، قاتەلىك كەتىرمەۋدى ويلايدى؛ كەي جاس كادرلاردىڭ قوعامدىق تاجىريبەسى كەمشىل، سۇبەلى ناتيجە جاراتۋعا اسا تالپىنىپ كەتپەيدى؛ كەي باسشىلار جاۋاپكەرشىلىكتى باسقالارعا يتەرىپ، ادەتتە كادرلاردى جازالايدى، سونىڭ اياعىنان كادرلاردىڭ بەلسەندىلىگى سوققىعا ۇشىرايدى؛ مىندەت ۇيلەسىمدى بولىنبەگەندىكتەن، كادرلاردىڭ ءبىر توبىنىڭ مۇرنىنا سۋ جەتپەي جۇرسە، ەندى ءبىر توبى بەكەرشىلىكپەن كۇن وتكىزەدى... وسى تەكتەس جاعدايلار نەگىزگى ساتىنى جونگە سالۋدىڭ ونىمدىلىگىنە ىقپال ەتىپ قالماستان، ستيل قۇرىلىسىنا «بوگەۋ» بولىپ، نەگىزگى ساتىداعىلاردىڭ قىزمەت ىستەۋ بەلسەندىلىگىنە كەدەرگىلىك جاسايدى.
كادرلاردىڭ جۇمىس ىستەگەندەگى كۇيى جۇمىس ناتيجەسىنىڭ قانداي بولۋىمەن تىعىز قاتىستى. نەگىزگى ساتىداعى كادرلار دامۋدى ىلگەرىلەتۋ، بۇقاراعا قىزمەت وتەۋ، ساياساتتى اتقارۋدىڭ ءبىرىنشى شەبىندە ىستەيدى، ولار اناعۇرلىم تاسقىنداعان رۋحاني كۇيمەن، كوتەرىڭكى كۇرەسكەرلىك رايىمەن مىندەتتەرىن وتەپ، جاۋاپكەرشىلىكتەرىن اتقارىپ، مىندەت ارقالاۋى كەرەك. نەگىزگى ساتىدا كەيبىرەۋلەردىڭ قولىنىڭ بوس ءجۇرۋىنىڭ سەبەبى الۋان ءتۇرلى دەۋگە بولادى. سۋبيەكتيۆتىك تۇرعىدان ايتقاندا، كەيبىر كادرلار تالاپتانبايدى، ەپتەپ – سەپتەپ كۇن وتكىزۋگە ۇيرەنگەن، قىزمەتتى ەلگە يتەرمەلەيدى، قىزمەتكە كەدەرگىلىك جاسايدى، مىندەت تۇسكەندە تاسادا قالۋعا ۇرىنادى، اۋىردىڭ استىمەن، جەڭىلدىڭ ۇستىمەن جۇرەدى، مۇنداعى باستى سەبەپ مۇرات پەن سەنىمنىڭ مىعىم ەمەستىگى بولىپ تابىلادى. وبيەكتيۆتىك جاقتان العاندا، نەگىزگى ساتىداعى قىزمەتتەر سان - سالالى بولىپ، قاربالاستىق بارىسىندا قاتەلىك وڭاي تۋىلىپ وتىرادى، قاتەلىك وتكىزگەندەرگە كەڭشىلىك جاساۋ، قاتەلىكتى تۇزەتۋگە وراي بەرۋ مەحانيزمىنىڭ كەمەلدەنبەۋى، قىزمەتتەگى ءبولىستىڭ تەڭ بولماۋى قاتارلى سەبەپتەرگە بايلانىستى نەگىزگى ساتىداعى ءىشىنارا كادرلار «ىرىقسىز» تۇردە قولى بوس ادامعا اينالىپ قالادى. توراپتاستار مۇنداي جاعدايلار تۋرالى بىلاي دەپ ءدال ايتقان: «ىستەسەڭ دە، ىستەمەسەڭ دە بىردەي، اۋەلى جۇمىس ىستەمەگەن ادامنىڭ دارەجەسىنىڭ ءوسۋى جۇمىس ىستەگەن ادامنان تەز بولادى، كوپ ىستەگەن سايىن قاتەلىك كوپ كەتەدى، سوندىقتان، پايدا كەلەتىن جەردە تالاسا – تارماسا جۇگىرۋ، پايدا تۇسپەيتىن ءىستى باسقالارعا يتەرمەلەۋ كوپ، سوڭىندا بارلىعى جۇمىس ىستەۋدەن قاشاتىن بولعان». وسىعان قاراعاندا، نەگىزگى ساتىداعى جۇمىسى جوقتىقتى جويۋ ستيل قۇرىلىسىنىڭ ماڭىزدى بۋىنى بولىپ قانا قويماي، نەگىزگى ساتىداعى جونگە سالۋ قۋاتى مەن جونگە سالۋ ورەسىن جوعارىلاتۋداعى ماڭىزدى تاقىرىپ سانالادى.
اتاپ ايتقاندا، سىرقاتىنا قاراي ەم قولدانۋ كەرەك. بەكەرشىلىكپەن كۇن وتكىزگەن ادامنىڭ جۇمىسقا دەگەن جاۋاپكەرشىلىگى دە كەمشىل بولىپ، ستيلى ورنىقسىز بولادى، سوندىقتان دا جاۋاپكەرشىلىكتى تياناقتاندىرۋ — شەشۋشى ءتۇيىن. ءبىر جاعىنان، مۇرات – سەنىم جونىندەگى تاربيەنى كۇشەيتىپ، كادرلاردى «ءمانساپتى بولۋدى عانا كوكسەپ، مىندەتىن اتقارماۋىنىڭ» زيانىن جەتە تانۋعا جەتەلەۋ كەرەك، پارتيا تاريحىن ۇيرەنۋ تاربيەسىمەن ۇشتاستىرا وتىرىپ، «حالىق ءۇشىن ناقتى ءىس تىندىرامىن» دەيتىن جاۋاپكەرشىلىك پەن تالپىنىستى كۇش سالا كۇشەيتۋ كەرەك. ەندى ءبىر جاعىنان، كۇندەلىكتى باسقارۋ، باعالاۋ بارىسىندا قۋزاۋ سالۋدان باستاپ كىرىسۋ كەرەك. ءار دارەجەلى باسشىلىق القالارى پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىگىن ارقالاۋى، نەگىزگى ساتىداعى كادرلار اراسىندا ورىن تەۋىپ وتىرعان مىندەتىن اتقارماۋ، جۇمىسى جوقتىق جاعدايلارىن دەر كەزىندە بايقاۋ، دەر كەزىندە تۇزەتۋ كەرەك. ءىس جۇزىندە، كەيبىر كادرلار «جاقسى اتتانۋعا» نەمەسە جاۋىردى جابا توقۋعا، سيپاي قامشىلاۋعا دايىن تۇرادى دا، اقيقاتىن ايتا المايدى، بۇلاي ىستەۋ ستيلگە، جۇمىسقا زيان جەتكىزەدى. باسشى كادرلار ءوزى باستاپ ىسكە كىرىسۋى، جوعارىداعىلار تومەندەگىلەرگە ۇلگى بولۋعا تاباندى بولۋى، باقىلاۋ مەن تارتىپتىك جاقتان قۋزاستىرۋدى كۇشەيتىپ، ساتى بويىنشا جاۋاپكەرشىلىكتى شىنايى تياناقتاندىرۋى كەرەك.
ءتۇزىمنىڭ ءتۇبىرلى جاقتان باسقارۋ، ۇزاق ۋاقىت بويى باسقارۋ رولى بار. نەگىزگى ساتىداعى جۇمىسى جوقتىقتى جويۋ ءۇشىن ءتۇزىم قۇرىلىسى جاعىندا دا شىنايى شارا قولدانۋ، ناقتى ونىمدىلىككە قول جەتكىزۋ كەرەك. ءىس جۇزىندە، نەگىزگى ساتىداعى كەيبىر كادرلاردا «تەمىر توستاعان» تانىمى ءالى دە ءبىرشاما كۇشتى، «قىزمەتكە ورنالاسۋ قيىن بولسا، قىزمەتتەن بوساتۋ ودان دا قيىن» دەپ قارايدى. مۇنداي قاتە كوزقاراس يدەيالىق جاقتاعى بوساڭسۋدى، ارەكەتتە جالقاۋلىق تانىتۋدى كەلتىرىپ شىعارادى، مۇنى ءتۇزىم ارقىلى جونگە سالۋ قاجەت. مىسالى، كادرلاردىڭ قىزمەتىن باعالاعاندا، تۇزىمدەگى بەلگىلەمەلەردى ىشكەرىلەي تياناقتاندىرىپ، دۇرىس باعىتتاعى، عىلىمي اتقارىلاتىن، دۇرىس ءارى شىنايى باعالاۋ جۇرگىزىلەتىن، قولايلى دا ءونىمدى، عىلىمي دامۋدى ىلگەرىلەتەتىن باعالاۋ كورسەتكىشتەرىن قولدانۋ، باعالاۋ ناتيجەسىن سيلاۋ مەن جازالاۋعا بىرلەستىرۋ، سيلاۋ مەن جازالاۋ ايقىن بولۋ پرينسپىندە تاباندى بولىپ، قابىلەتى بارلار وسەتىن، قابىلەتى جوقتار قالدىرىلاتىن، ناشارلارى قاتاردان شىعارىلاتىن مەحانيزم ورناتىپ، تياناقتى جۇمىس ىستەمەيتىن، بوس جۇرەتىن، باعالاۋ ناتيجەسى شارتقا تولمايتىن قىزمەتكەرلەردى رەتتەۋگە ءتيىستى كەزدە رەتتەۋ كەرەك. تاعى ءبىر مىسال كەلتىرسەك، «ىرىقسىز» تۇردە قولى بوس كۇيدە قالعاندارعا باعىتتاي وتىرىپ، كادرلاردىڭ قاتەلىك وتكىزۋىنە كەڭشىلىك جاساۋ، قاتەلىگىن تۇزەتۋىنە وراي بەرۋ مەحانيزمىن كەمەلدەندىرىپ، كادرلاردى قىسىمنان ارىلىپ جۇمىس ىستەۋگە جەتەلەۋ كەرەك.
قازىر جاپپاي سوتسياليستىك وسىزاماندانعان مەملەكەت قۇرۋ جاڭا ساپارى باستالىپ كەتتى، مەيلى، ىندەتتەن ساقتانۋ – تىزگىندەۋ مەن ەكونوميكا، قوعام دامۋىن ءبىرتۇتاس جوسپارلاۋ بولسىن، الدە، جاڭا دامۋ كەزەڭىن تياناق ەتىپ، جاڭا دامۋ تانىمىن دايەكتىلەندىرىپ، جوعارى ساپالى دامۋدى ىلگەرىلەتۋدە بولسىن، ياكي، حالىق جۇرتشىلىعىنىڭ شۇعىل، كۇردەلى، قامىققان، زارىققان رەال ماسەلەلەرىن شەشىم ەتۋدە بولسىن، بارلىعىندا دا نەگىزگى ساتىنى جونگە سالۋ ورەسىن جوعارىلاتۋعا، ءار دارەجەلى كادرلاردىڭ مىندەت ارقالاۋىنا تۋرا كەلەدى. نەگىزگى ساتىداعى جۇمىسى جوقتىق جاعدايىن جويىپ، ءىس تىندىرۋ مەن كاسىپ كوزىن اشۋ اۋقىمىن اناعۇرلىم ويداعىداي قالىپتاستىرۋ — جاڭا ساپارعا ۇدەرە تارتىپ، تىڭ ناتيجەلەردى جاراتۋداعى قاجەتتى شارا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
