بىيجيڭدە قازاق ستۋدەنتتەر بيلەر سوتىن ارقاۋ ەتكەن درامما ورىندادى

2013.05.07 16:34  

　　حالىق تورابى قازاقشا ارناسىنىڭ بىيجيڭنەن بەرگەن حابارى. بىيجيڭ قالاسىنداعى ستۋدەنتتەردىڭ 4-كەزەكتى ەلىكتەمەلى سوت اشۋ جارىسىنداعى قازاقشا ەلىكتەمەلى سوت اشۋ قيمىلى 4-مامىر كۇنى استانامىز بىيجيڭدەگى جۇڭگو ساياسي-زاڭ ۋنيۆەرسيتەتىندە وتكىزىلدى. قيمىلعا قازاق ستۋدەنتتەردەن سىرت، بىيجيڭدە قىزمەت ىستەيتىن جانە ۇيرەنۋگە كەلگەن ءىشىنارا قىزمەتكەرلەر قاتىناستى.

　　سول كۇنى كەشتە جۇڭگو ساياسي-زاڭ ۋنيۆەرسيتەتىنىڭ ستۋدەنتتەرى مەكتەپ زالىندا قازاق تاريحىنداعى بيلەر سوتىن نەگىز ەتكەن ساحنالىق شىعارمانى ورىندادى. وقۋشىلاردىڭ ساباقتان سىرتقى قيمىلىنا ارنالعان ۇلكەن زالدىڭ ءبىر بۇرىشىنان قاراپايىم قازاق ءۇي تىگىلىپ، درامما بارىسىندا قازاقتىڭ توي سالتى كورسەتىلدى. دراممانىڭ سوڭعى باسقىشىندا قازاقتىڭ بيلەر سوتى نەگىزگى ارقاۋ بولىپ، سول زامانداعى ساحارا سوتىن زالداعى كورەرمەنگە نانىمدى تۇردە تانىستىردى. ساحناعا ورنالاستىرىلعان ۇلكەن ەكراندا دراممانىڭ بارىسى حانزۋ تىلىندە تۇسىندىرىلىپ، زالدا وتىرعان وزگە ۇلت كورەرمەندەرىنە دە دراممانى تاماشالاۋعا وراي جاراتتى.

　　كەلۋ قاينارى: حالىق تورابى

　　تولىق مازمۇنىن مىنا ارادان كورىڭىز