رەسەي وتان قورعاۋ سوعىسى جەڭىسكە جەتكەندىگىنىڭ 68 جىلدىعىن قۇتتىقتادى

2013.05.10 15:01   كەلۋ قاينارى : حالىق تورابى

　　جەرگىلىكتى ۋاقىت 2013-جىلى 9-مامىردا رەسەيدىڭ استاناسى ماسكەۋدەگى قىزىل الاڭدا وتان قورعاۋ سوعىسى جەڭىسكە جەتكەندىگىنىڭ 68 جىلدىعىن اتاپ ءوتۋ بايلانىسىمەن اسكەري پارات وتكىزىلدى.

　　حابارعا قاراعاندا، رەسەي قۇرلىق ارمياسىنىڭ باس قولباسشىسى گەنەرال پولكوۆنيك ۆلاديمير چەركين پاراتقا قولباسشىلىق ەتكەن، قورعانىس مينيسترى سەرگەي شويگۋ پاراتتى كوزدەن كەشىرگەن. حاباردا قىزىل الاڭداعى اسكەري پاراتقا جيىنى 11 مىڭ 312 ادام قاتىناسقاندىعى ايتىلدى. پاراتتا قورلىق ارمياسى، ستراتەگيالىق باسقارىلمالى راكەتا قوسىنى، پاراشوتشىلار قوسىنى جانە اۋە قورعانىس قوسىنىڭ 101 دانا قارۋى مەن اسكەري جابدىقتارى كورسەتىلگەن. ولاردىڭ اراسىندا جولبارىس، ءمالىن ماركالى دالالىق اۆتوموبيل، BTR-82A تۇرپاتتى ساۋىتتى تاسىمال اۆتوموبيلى، T-90 تۇرپاتتى تانكى، اق تەرەك –M تۇرپاتتى باسقارىلمالى راكەتا، ەسكەندر–M تۇرپاتتى باسقارىلمالى راكەتا، MSTA-S تۇرپاتتى اۆتوماتتى بومبى اتار، BUK-M2 تۇرپاتتى اۋەدەن قورعاناتىن باسقارىلمالى راكەتا، جەڭىس 400-S تۇرپاتتى جەردەن اۋەگە اتىلاتىن باسقارىلمالى راكەتا جۇيەسى، ساۋىت–C تۇرپاتتى راكەتا مەن زەڭبىرەك بىرلەستىرىلگەن اۋەدەن قورعانۋ جۇيەسى بار. 1.51 كيلومەتر قاشىقتىقتاعى ساۋىتتى اسكەرلەر شارشى توبىنىڭ ساپقا تۇرۋىنا 12 مينۋت ۋاقىت كەتكەن.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى