56 ۇلتتىڭ ىنتىماق مەرەكەسى بەيجيڭدە تويلاندى

2013.05.13 16:05   كەلۋ قاينارى : حالىق تورابى

　　حالىق تورابى قازاقشا ارناسىنىڭ بەيجيڭنەن بەرگەن حابارى. ەلىمىزدەگى 56 ۇلتتىڭ تۇڭعىش كەزەكتى ىنتىماق مەرەكە كۇنى 5-مامىر، بەيجيڭ قالالىق ۇلتتار دوستىق بىرلەستىگىنىڭ باس بولۋىمەن، جۇڭحۋا ۇلتتار مۇراجايى، ورتالىق ۇلتتار ۋنيۆەرسيتەتى پارتكومى بىرلىكساپ ءبولىمىنىڭ دەمەۋىمەن، استانا بەيجيڭدە جۇڭحۋا ۇلتتار مۇراجايىندا وتكىزىلدى.

　　مەرەكە كونسەرتپەن تويلاندى، ءار قايسى ۇلت ءوز ۇلتىنىڭ ۇلتتىق ەرەكشەلىگىنە يە كونسەرتىن ورىندادى. ۇيعۇر ۇلتىنىڭ «شينجياڭعا ەلەس»، زاڭزۋ ۇلتىنىڭ «جەر انا ءبيى»، موڭعۇل ۇلتىنىڭ «شاراپ ءانى»، قازاق ۇلتىنىڭ «قارا جورعا ءبيى»، كورەي ۇلتىنىڭ «قۋانىش ءبيى» قاتارلى نومەرلەر ساحىنانى سانگە بولەدى.

　　بۇدان سىرت، باسقا دا «دەنساۋلىق بىلىمىنەن ساۋات»، «زاڭ-ساياسات جونىندە تۇسىنىك»، «ۇلتتق ەرەكشەلىككە يە ازىقتىق ونىمدەر كورگىزبەسى»، «ۇلتتىق البوم» قاتارلى الەۋمەتتىك قيمىلدار وتكىزىلىپ، مەرەكەلەي كەلگەندەردى ايرىقشا باۋرادى.

　　كەلۋ قاينارى: حالىق تورابى