ءبىر توپ جاڭا كوشە اۆتوبۋزى پايدالانۋعا بەرىلدى

2013.12.16 16:09   كەلۋ قاينارى : حالىق تورابى

　　ساعىنبەك رابات ۇلى حابارلايدى. تاياۋدا، التاي قالاسىنىڭ تۇرعىندارى قالانىڭ 2-جولىندا جاڭادان 10 كوشە اۆتوبۋزىنىڭ قاتىناعانىن كورىپ قاباعات قۋاندى. بۇل اۆتوبۋزدىڭ ۇزىندىعى 10.5 مەتر، 22 ورىندىعى بار، 100 شامالى ادام سيادى.

　　بۇدان بۇرىنعى جىلدارى التاي قالاسىنىڭ كوشە اۆتوبۋزى حالىقتىڭ قاجەتىن قاناعاتتاندىرا الماي كەلگەن بولاتىن. ايتالىق: تۇراقتى ايالداماسى جوق، كوشە بويىنان قول كوتەرسەڭ بولدى، كەز-كەلگەن جەرگە توقتاي قالىپ الىپ كەتەتىن «كوڭىلشەك كولىك» اتانىپ، وقۋشىلاردىڭ مەكتەپكە ءدال ۋاقىتىندا جەتۋى مەن قىزمەتكەرلەردىڭ قىزمەتكە ۋاعىندا شىعۋىنا ىقپالىن تيگىزىپ كەلگەن-دى.

　　2 جىلدان بەرى، التاي قالاسى قالا حالقىنىڭ ءجۇرىس-تۇرىسىنا قولايلىلىق جاراتۋدى حالىق تۇرمىسىنا قاتىستى يگى ءىس رەتىندە مىقتى يگەرىپ، بۇرىنعى كوشە اۆتوبۋزى سەرىكتەستىگىنىڭ مەنشىك ۇقىعىنا رەفورما جاساپ، كونەرگەن، شاعىن تۇرپاتتى كوشە اۆتوبۋزدارىن جاڭالاۋعا ىلگەرىندى-كەيىندى 15 ميلليون يۋاننان استام قارجى قوسىپ، 108 ورىننان كوشە اۆتوبۋزى ايالداماسىن ورناتىپ، ورتانى قورعاۋ تالابىنا ۇيلەسەتىن 43 ءىرى تۇرپاتتى كوشە اۆتوبۋزىن اكەلىپ، قالانىڭ 1-، 101-، 2- جولىندا قاتىناتتى. قازىر التاي قالاسىنىڭ كوشە اۆتوبۋزى قاتىنايتىن 4 تارماق لەنياسىندا 106 اۆتوبۋز قاتىناپ، قالانىڭ الەۋمەتتىك قاتىناس ورەسى ەداۋىر جوعارىلادى.

　　التاي قالالىق ليجۇڭ الەۋمەتتىك قاتىناس شەكتى سەرىكتەستىگى كەڭسەسىنىڭ مەڭگەرۋشىسى چىن رۇيچين: التاي قالاسىنىڭ قازىرگى جاڭا كوشە اۆتوبۋزدارى تىنىستى، جايلى، قالا تۇرعىندارى اۆتوبۋزعا وتىرعاندا بۇرىنعىداي قىسىلىپ-قىمتىرىلمايدى، قىستا ءىشى جىلى، تەرەزەسىنە قىراۋ قاتپايدى. تۇرعىندار الەۋمەتتىك قاتىناس شەكتى سەرىكتەستىگىنە ازاماتتىق كۋالىگىن الا بارىپ، كوشە اۆتوبۋزى كارتچكاسىن ءبىتىرىپ السا بولعانى، كەز-كەلگەن جولدىڭ كوشە اۆتوبۋزىنا تۇسە بەرۋىنە بولاتىن بولدى،- دەدى. سۋرەتتە: التاي قالاسىنىڭ 2-جول كوشە اۆتوبۋزىنان بىرنەشە كورىنىس.

　　سۋرەتىن تۇسىرگەن ساعىنبەك رابات ۇلى (التاي گازەتى قازاق رەداكسياسىنان)

　　كەلۋ قاينارى: حالىق تورابى