حىنان لوياڭ: «نازىك قىز» ۋنيۆەرسيتەتتى ءبىتىردى، ينيستيتۋت باستىعى تىزەرلەي وتىرىپ بىرگە سۋرەتكە ءتۇستى

2014.06.12 15:57   كەلۋ قاينارى : حالىق تورابى

　　لوياڭ پەداگوگيكا ينيستيتۋتىنىڭ وقۋ ءبىتىرۋ سالتى 10 – ماۋسىمدا وتكىزىلدى، وقۋ ءبىتىرۋ سالتىندا اتالعان مەكتەپتىڭ باستىعى لياڭ ليۋكى تىزەسىن بۇگىپ، بويىنىڭ بيىكتىگى 1.2 عانا كەلەتىن «نازىك قىز» حاي لۋلۋمەن بىرگە سۋرەتكە ءتۇستى، ساحنا الدىنداعى 5000نان استام ستۋدەنت بۇل كورىنىسكە اسەرلەنىپ، دۋ قول شاپالاق سوقتى.

　　«نازىك قىز» اتالىپ كەتكەن حاي لۋلۋ اتالعان مەكتەپتىڭ كوركەمونەر ينيستيتۋتى جوبالاۋ كاسىبىندە وقيدى، ەرگەجەيلىلىك اۋرۋىنا شالدىققان بۇل قىزدىڭ بويىنىڭ بيىكتىگى تەك 1.2 مەتر. ول ىلگەرىندى – كەيىندى «حىنان ولكەسى بويىنشا وقۋدى ۇزدىك تاۋىسقان وقۋشى» «حىنان ولكەسى بويىنشا ۇشتە جاقسى وقۋشى» «مەكتەپ بويىنشا ۇشتە جاقسى وقۋشى» بولىپ باعالانعان، ونىڭ قايسار دا ءتوزىمدى مىنەزى بۇكىل مەكتەپتەگى ستۋدەنتتەردىڭ ۇيرەنۋدەگى ۇلگىسىنە اينالعان. وقۋ ءبىتىرۋ سالتىندا حاي لۋلۋ كوركەمونەر ينيستيتۋتىنداعى بارلىق ستۋدەنتكە ۋاكىل رەتىندە مىنبەگە شىعىپ، عىلمي دارەجە كۋالىگىن الدى.

　　كەلۋ قاينارى: حالىق تورابى