قاشاجار قالاشىعىنداعى قازاق سالت - سانا مادەنيەت سارايى

2014.11.12 14:02   كەلۋ قاينارى : حالىق تورابى

　　ەرىكتى ءتىلشى ەرلان شاڭقايەۆ حابارلايدى. موڭعۇلكۇرە اۋدان قالاشىعىنان شىعىسقا قاراي 33 كيلومەتر قاشىقتىقتاعى قاشاجار قالاشىعى قازاق، حانزۋ ، ۇيعۇر، حۇيزۋ قاتارلى 8 ۇلتتان قۇرام تاپقان قالاشىق. اۋدانداعى 12 مىڭ جان سانىنىڭ 89 پايىزىن قازاق ۇلتى ۇستايدى.

　　قالاشىق ورتالىعىندا قازاق ۇلتىنىڭ تۇرمىس – تىرشىلىگىنەن مالىمەت بەرەتىن «قازاق سالت – سانا مادەنيەت سارايى» ورنالاسقان، اتالعان ساراي ۇستەگى جىلى شىلدەدە بوي كوتەرگەن. ماڭدايشالىعىنا «قازاق مادەنيەت سارايى» دەپ قازاقشا، حانزۋشا ەكى تىلدە جازىلعان ەڭسەلى دە ساۋلەتتى سارايدان ۇلتتىق ەرەكشەلىك كورنەكتىلەنىپ تۇرادى.

　　كورمە سارايىندا قازاق ۇلتىنىڭ ساحارا مادەنيەتى، تاريحي مۇراعاتتار، قازاق حالقىنىڭ ايتىسى، ءداستۇرلى مۋزيكا اسپاپتارى، قولونەر بۇيىمدارى، حاتكەرلىك تۋىندىلارى جانە قازاق ۇلتتىق ەتنوگرافياسى ايشىقتى بەينەلەنگەن.

　　كورمەنىڭ كەڭ دە جارىق 11 ۇلكەن زالىندا كوشپەندىلەر مادەنيەتىنىڭ ەرتەدەن كەلە جاتقان ەسكەرتكىشتەرى ايشىقتى دا جاراسىمدى ورنالاستىرىلعان، بۇل مۇرالار تاريح، مادەنيەت، ءداستۇر، سالت - سانا، ءوندىرىس، تۇرمىستان سان تاراۋلى ساۋاتتار بەرەدى.

　　كەلۋ قاينارى: حالىق تورابى