حالىق قۇرىلتايى تۇراقتى كوميتەتىنىڭ 12 – رەتكى ءماجىلىسى جابىلدى

2014.12.29 17:10   كەلۋ قاينارى : حالىق تورابى

　　حالىق گازەتى، 28 – جەلتوقسان، بەيجيڭ. 12 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 12 – رەتكى ءماجىلىسى 28 – جەلتوقسان تۇسكەن كەيىن بەيجيڭ حالىق قۇرىلتاي سارايىندا جابىلدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ ءماجىلىستى باسقاردى.

　　تۇراقتى كوميتەتتىڭ قۇرامىنداعى 163 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

　　ءماجىلىس جۇڭحۋا حالىق رەسپۋبليكاسىنىڭ سۋ جولى زاڭى داۋىسقا سالىنىپ، قابىلداندى، مەملەكەت ءتوراعاسى شي جينپيڭ 17 – ءنومىرلى ءتوراعا بۇيرىعىنا قول قويۋىمەن جاريالاندى.

　　ءماجىلىس داۋىسقا سالۋ ارقىلى مادەنيەت مينيسترلىگىنىڭ مينيسترى ساي ۋدىنى مىندەتىنەن قالدىرۋدى، لو شۋگاڭدى مادەنيەت مينيسترلىگىنىڭ مينيسترىنە تاعايىنداۋدى ۇيعاردى. مەملەكەت ءتوراعاسى شي جينپيڭ 18 – ءنومىرلى ءتوراعا بۇيرىعىنا قول قويۋىمەن جاريالاندى.

　　ءماجىلىس مەملەكەتتىك حالىق قۇرىلتايى تۇراقتى كوميتەتى قاراۋعا ۇسىنعان زاڭ شىعارۋ زاڭىنا وزگەرىس ەنگىزۋ جوباسىنىڭ ۇسىنىس جوباسىن داۋىسقا سالىپ، قابىلدادى، ورىنباسار كوميتەت باستىعى لي جيانگوعا تۇراقتى كوميتەتتىڭ اتىنان 12 – كەزەكتى مەملەكەتتىك حالىق قۇرىلتايىنىڭ 3 - رەتكى ماجىلىسىنە تۇسىنىك جاساۋدى تاپسىردى.

　　ءماجىلىس مەملەكەتتىك كەڭەستىڭ جۇڭگو (گۋاڭدۇڭ) ەركىن ساۋدا سىناق رايونى، جۇڭگو (تيانجين) ەركىن ساۋدا سىناق رايونى، جۇڭگو (فۋجيان) ەركىن ساۋدا سىناق رايونى، سونداي – اق جۇڭگو (شاڭحاي) ەركىن ساۋدا سىناق رايونىنىڭ كەڭەيتىلگەن رايونىن ۋاقىتشا رەتتەۋگە ۇقىق بەرۋ جونىندەگى قاتىستى زاڭ بەلگىلەمەلەرىنىڭ اكىمشىلىك تەكسەرىپ بەكىتۋ قاۋلىسىن داۋىسقا سالىپ، قابىلدادى.

　　ءماجىلىس مەملەكەتتىك حالىق قۇرىلتايى تۇراقتى كوميتەتى 12 – كەزەكتى مەملەكەتتىك حالىق قۇرىلتايىنىڭ 3 – رەتكى ءماجىلىسىن اشۋ جونىندەگى قاۋلىسىن داۋىسقا سالدى. قاۋلى بويىنشا، 12 – كەزەكتى مەملەكەتتىك حالىق قۇرىلتايىنىڭ 3 – رەتكى ءماجىلىسى 2015 – جىلى 3 – ايدىڭ 5 – كۇنى بەيجيڭدە اشىلادى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى