ازيا اۆياتسيا سەرىكتىگىنىڭ ۇشاعى دەرەكسىز كەتتى

ۇشاقتا 162 ادام بار بولاتىن، ۇشاقتا جۇڭگو ازاماتى جوق

2014.12.29 17:48   كەلۋ قاينارى : حالىق تورابى

　　ازيا اۆياتسيا سەرىكتىگى 28 – جەلتوقساندا يندونەزيانىڭ سۇرابايا قالاسىنان سينگاپۋرعا ۇشقان QZ8501 كەزەكتى ۇشاعىنىڭ سول كۇنى تاڭەرتەڭ ساعات 7دەن 24 مينۋت وتكەندە حابارسىز كەتكەنىن مالىمدەدى. سۋرەتتە: سينگاپۋردىڭ چاڭ – ي اۋەجايى جولاۋشى تاسىمالى 1 – بەكەتىندەگى ازيا اۆياتسيا سەرىكتىگىنىڭ قىزمەت وتەۋ تەكشەسى. شينحۋا اگەنتتىگى

　　يندونەزيا ازيا اۆياتسيا سەرىكتىگىنىڭ سۇرابايا قالاسىنان سينگاپۋرعا ۇشقان جولاۋشىلار ۇشاعى 28 – جەلتوقسان كۇنى ساعات 7دەن 24 مينۋت وتكەندە حابارسىز كەتكەن، ۇشاقتا 155 جولاۋشى مەن 7 ۇشاق قىزمەتكەرىن قامتىعان 162 ادام بار. جۇڭگونىڭ يندونەزيادا تۇراتىن باس ەلشىلىگىنىڭ گازەتىمىزگە راستاۋىنشا حابارسىز كەتكەن ۇشاقتا جۇڭگو ازاماتى جوق. جۇڭگو سىرتقى ىستەر مينيسترلىگىنىڭ اقپارات مالىمدەمەشىسىنىڭ 28 – جەلتوقساندا مالىمدەمە جاريالاپ، جۇڭگو جاقتىڭ بۇل ۇشاقتاعىلاردىڭ اماندىعىنان الاڭدايتىنىن جەتكىزىپ، ولاردىڭ وتباستارىنان حال سۇرادى. جۇڭگو جاق بۇل ءىستىڭ جاعدايىنا ايرىقشا نازار اۋداردى.

　　QZ8501 كەزەكتى ۇشاق يندونەزيا ۋاقىتى تاڭ ءسارى ساعات 5تەن 35 مينۋت وتكەندە يۋاندا حالىقارالىق اۋەجايىنان اۋەگە كوتەرىلگەن، ۇشاقپەن حابار ۇزىلگەن كەزدە بۇل ۇشاق يندونەزيانىڭ سەگنال ايماعىندا بولاتىن. ۇشاق سينگاپۋر ۋاقىتى ساعات 8دەن 30 مينۋت وتكەندە چاڭ – ي حالىقارالىق اۋەجايىنا جەتەدى دەپ مەجەلەنگەن.

　　كەلۋ قاينارى: حالىق تورابى