وتاردان قايتار كوش جولىندا (16)

2015.03.03 15:59  

　　نۇرقىزىر ياسىن ۇلى 1946 - جىلى قىركۇيەكتە تۋىلعان. اۋىلدا ورتالاۋ مەكتەپتى تاۋىسىپ، 1964 - جىلى قىزمەتكە قاتىناسقان. 1978 - جىلدان باستاپ تەكەس اۋدانى قاراتوعاي اۋىلى 2 - باستاۋىش مەكتەپتە حالىق وقىتۋشىسى بولعان. ىستەي ءجۇرىپ وقىپ، ءبىلىم اسىرىپ جوعارى تەحنيكۋم ديپلومىن العان. 1998 - جىلى قازان ايىندا پەنسياعا شىققان.

　　نۇكەڭ پەنسياعا شىققاننان كەيىن حالىق اراسىنداعى اۋىز ادەبيەتى شىعارمالارىن جيناپ رەتتەۋ، مادەني مۇرالاردى، تاريحي جادىگەرلەردى، كوركەم تابيعات كورىنىستەرىن، قورعالاتىن باعالى اڭ قۇستاردى سۋرەتكە، كەسكىنگە الىپ ساقتاۋ سياقتى جۇمىستارمەن اينالىسىپ كەلەدى. وتكەن جىلى ول تەكەس اۋدانىندا 130 پارشادان ارتىق سۋرەتتى جەكە فوتو تۋىندىلار كورمەسىن اشىپ، حالقىنا ءوز ەڭبەگىنەن ەسەپ بەردى. كورمەنىڭ مازمۇنى مەن ۇگىت ءونىمىن اۋدان باسشىلارى جوعاى باعالاپ، جۇرتشىلىق قىزىعا تاماشالادى. نۇكەڭ قازىر دە جاسىنىڭ ەگدەلەپ قالعانىنا قاراماي، جاپا ماشاقاتقا شىداپ، تاۋ اسىپ، تاس باسىپ فوتو سۋرەتشىلىك كاسىبىن باتىل جالعاستىرپ كەلەدى. ول كىسىنىڭ كاسىپكە ءوزىن ارناعان مۇنداي جانقىيار رۋحى جاستارىمىزعا جارقىن ۇلگى بولارى حاق. ءبىز نۇكەڭە مىقتى دەنساۋلىق، مول شىعارماشىلىق تابىس تىلەپ، ونىڭ بيىلعى شاعان قارساڭىندا قارلى بوران، قاتتى سۋىققا قاراماي، كۇدىر تاۋ جولىندا اتتى - جاياۋ ءجۇرىپ شالعايداعى بوزادىرعا بارىپ، وتارداعى مالشىلار ومىرىنەن تۇسىرگەن «وتاردان قايتار كوش جولىندا» دەگەن تىزبەكتى سۋرەتتى تۋىندىسىن نازارلارىڭىزعا ۇسىنىپ وتىرمىز.

　　كەلۋ قاينارى: حالىق تورابى