ەڭ جاڭا ۇلگىدەگى وكىل اسۋ اسپابىن تاپقىرلاعان ستۋدەنت ــ كۇلشاش

مادەن جانىمقان ۇلى

2015.02.28 13:37   كەلۋ قاينارى : حالىق تورابى

　　كۇلشاش عالىمبەك قىزى كوكتوعاي اۋدانى دۇرە قالاشىعى قىزىلجار قستاق كوميتەتىنە قاراستى قىزىلۇيەڭگى قىستاعىندا قاراپايىم ەگىنشى وتباسىندا 1992 - جىلى ءومىر ەسىگىن اشقان. 2008 - جىلى ورتالاۋدى دۇرە قالاشىعىنداعى ورتا مەكتەپتەن ءبىتىرىپ، التاي ايماقتىق ورتا مەكتەپكە قابىلدانىپ، 2011 - جىلى ۇزدىك ناتيجەمەن وقۋىن تاۋىسىپ، شينجياڭ قازىنا ەكونوميكا ۋنيۆەرسيتەتىنە وقۋعا تۇسكەن.

　　بالا كەزىنەن وقۋعا ىنتالى، زەرەك وقۋشى كۇلشاش ۋنيۆەرسيتەت تابالدىرىعىن اتتاعان كۇننەن باستاپ، بار زەيىن - زەردەسىن ۇيرەنۋگە شوعىرلاندىرىپ، ساباقتان تىس ۋاقىتىندا پىسىقتاۋدى ۇزدىكسىز تاباندىلىقپەن جالعاستىرىپ، «3تە جاقسى وقۋشى»، «ۇيرەنۋدە وزات وقۋشى» بولىپ ماراپات تورىنەن كورىنۋمەن قاتار،«ەڭ جاڭا ۇلگىدەگى وكىل اسۋ اسپابىن» تاپقىرلاپ، مەملەكەتتىك ءبىلىم مەنشىك ۇقىعى مەكەمەسى جاعىنان مويىندالعان پاتەنت ۇقىعى كۋالىگىن الدى.

　　ــ تاپقىرلىق جاراتۋىڭا نە سەبەپ بولدى، - دەگەن سۇراۋىما كۇلشاش بىلاي جاۋاپ قاتتى:

　　ــ باستاۋىش وقىپ جۇرگەن كەزىمنەن باستاپ، شەشەم اۋرۋشاڭ بولعاندىقتان، ۇيدەن الىستاپ وقۋعا اتتانعانعا دەيىن، شەشەمە ۇزدىكسىز وكىل اسىپ كەلدىم. 2008 - جىلى التاي ورتا مەكتەبىنە وقۋعا ءتۇستىم، مەكتەپتەگى ۇلاعاتتى ۇستازداردىڭ قولداۋىندا، بالا كەزىمنەن شەشەمە وكىل اسقاندا ارمانداپ كەلگەن جاڭا ۇلگىدەگى وكىل اسۋ اسپابىن تاپقىرلاسام دەگەن ويىمدى جۇزەگە اسىرۋعا قۇلشىنس جاساپ، 2012 - جىلى التاي ايماقتىق ءبىلىم مەنشىك ۇقىعى مەكەمەسىنە ءوتىنىش جولدادىم، 2013 - ايماق ورتالىققا جولداپتى، اقىرى ارمانىم جۇزەگە اسىپ، پاتەنت كۋالىگىن قولىما الىپ قۋاندىم.

　　بۇل اسپاپتىڭ باستى ەرەكشەلىگى مىنالار:

　　1) شاعىن ەلەكتر قۋاتى ارقىلى جۇمىس ىستەۋگە بولادى.

　　2) كومەكشى ادام قاجەت ەمەس، ناۋقاس ادام وكىلىن ءوزى اسا بەرەدى.

　　3) وكىلدى بيىكتەن اسۋ قاجەتسىز.

　　4) شاعىن، زالالسىز، اۋا تولتىرىلعان تۇتىكشەدەگى اۋانىڭ قىسىمى ارقىلى وكىل وزدىگىنەن تاما بەرەدى.

　　5) قاراپايىم وكىل قۇيۋ تاسىلىمەن ۇقساس پايدالانىلادى.

　　6) الىپ جۇرۋگە قولايلى، ەبدەيلى، كەز كەلگەن جەردە ىستەتۋگە بولادى.

　　كۇلشاشتان الداعى ارمانى جايلى سۇراعانىمدا، ول:

　　ــ ۇستازدارىمنىڭ تاربيەلەۋىندە ۇزدىكسىز قۇلشىنىپ، جالىقپاي ۇيرەنىپ، قوعامعا جارامدى ازامات بولىپ شىعۋ، تاعى دا بىرنەشە تاپقىرلىق تۋرالى ويلانىپ ءجۇرمىن، سولاردى ىسكە اسىرۋعا كۇش سالسام؛ شەشەم اۋرۋشاڭ، اكەم ەگىنشى، اتا - انام قوس قولدارىنا سۇيەنىپ، ەگىن ەگىپ، مال باعىپ وتىرعان قاراپايىم اۋىل ادامدارى. اپەكەم ۇزاتىلىپ، اكە - شەشەم عانا وتباسىندا مەنى وقىتامىن دەپ ماڭداي تەرلەرىن توگۋدە. اكە – شەشەمنىڭ كۇتكەن ۇمتىنەن شىعىپ، وقۋىمدى تامامداپ، كاسىپتەنىپ، پەرزەنتتىك بورىشىمدى وتەسەم دەگەن ويدامىن.

　　كۇلشاشتىڭ اقكوڭىل، مەيىربان اكەسى، قاراپايىم ەگىنشى عالىمبەك:

　　1987 - جىلى ەركىنگۇل داۋلەتقان قىزىمەن وتاۋ كوتەردىم. كۇلگىن، كۇلشاش اتتى ەكى بالام بار، ۇلكەن بالامدى قۇتتى ورنىنا قوندىردىم. ال مىنا بالام بالا كەزىنەن وقۋعا ىنتالى بولىپ ،جىل سايىن ۇزدىك ناتيجەمەن وقۋىن وقىپ كەلەدى. 2013 - جىلى تاپقىرلىق جاراتىپ، كىناشقاسىن قولىمىزعا اكەلىپ، بىزدى قۋاندىردى. بالامنىڭ الداعى جەردە داندايسىماي، ماساتتانباي جالعاستى جاقسى ۇيرەنىپ، قوعامعا ەسەلى ۇلەس قوسۋىن تالاپ ەتەمىن، - دەدى. سۋرەتتە: كۇلشاش العان سيلىقتار جانە ول تاپقىرلاعان جاڭا ۇلگىدەگى وكىل اسۋ اسپابى.

　　اۆتوردىڭ ورنى: كوكتوعاي اۋدانى دۇرە قالاشىعى

　　كەلۋ قاينارى: حالىق تورابى