اۆتونوميالى رايوننىڭ 60 جىلدىق مەرەيتويىنا ارنالعان «اسقاق ارماننىڭ باستالعان جەرى» اتتى فيلىم بەيجيڭدە العاش رەت قويىلدى

2015.09.17 10:05   كەلۋ قاينارى : حالىق تورابى

　　«اسقاق ارماننىڭ باستالعان جەرى» اتتى فيلىمدى جاساۋشىلار توبى مەن ارتيستەرى 16 – قىركۇيەكتە كورەرمەندەرمەن جۇزدەستى. سول كۇنى شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىنا ارنالعان «اسقاق ارماننىڭ باستالعان جەرى» اتتى فيلىم بەيجيڭدە تۇڭعىش رەت رەسمي قويىلدى. شينجياڭ ەكونوميكا گازەتىنىڭ ءتىلشىسى لي شيۇڭشين فوتوسى

　　حالىق تورابى، 17 – قىركۇيەك، بەيجيڭ. شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىنا ارنالعان «اسقاق ارماننىڭ باستالعان جەرى» اتتى ءتۇيىندى فيلىمنىڭ بەيجيڭدەگى العاشقى قويىلىمى حالىق قۇرىلتايى سارايىندا وتكىزىلدى.

　　ورتالىقتىڭ شينجياڭ قىزمەتىن سايكەستىرۋ گرۋپپاسى كەڭسە مەڭگەرۋشىسىنىڭ ورىنباسارى دۋ يىڭ، وقۋ – اعارتۋ مينيسترىنىڭ ورىنباسارى لۋ شين، مەملەكەتتىك ۇلتتىق ىستەر كوميتەتىنىڭ ارناۋلى مىندەتتى مۇشەسى گۋان پەيجۇن، جۇڭگو ادەبيەت – كوركەمونەرشىلەر بىرلەستىگى پارتگرۋپپاسى شۋجيىنىڭ ورىنباسارى، ءتوراعاسىنىڭ ورىنباسارى، شۋجيچۋىنىڭ شۋجيى لي ي، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن قاتارلىلار فيلىمنىڭ العاشقى قويىلىمى سالتىنا قاتىناستى.

　　«اسقاق ارماننىڭ باستالعان جەرى» اتتى فيلىمدى تيانشان كينو ستۋدياسى قاتارلى ورىندار تۇسىرگەن، فيلىمدە مەملەكەتتىڭ وقۋ – اعارتۋ سالاسىندا شينجياڭعا كومەكتەسۋ ينجەنەرياسى ــ «ىشكى ولكەلەردەگى شينجياڭ تولىق ورتا كلاسى» تاقىرىپ ەتىلىپ، ءار ۇلت بالالارىنىڭ ىشكى ولكەلەردەگى تولىق ورتا كلاسىنداعى ۇيرەنۋى مەن تۇرمىسى بارىسىندا ىشكى ولكەلەردەگى مۇعالىمدەر مەن ءار سالاداعىلاردىڭ قامقورلىعىنا، ايالاۋىنا يە بولعانى، ىنتىماقتاسا وتىرىپ، دارىندىلار بولىپ جەتىلۋى سىندى اسەرلى وقيعالار باياندالادى.

　　كەلۋ قاينارى: حالىق تورابى