وڭتۇستىك كورەيادا MERS ۆيروسىمەن جۇعىمدالعان 2 ادام قازا بولدى(1)

جۇعىمدالۋ كۇمانى بار ادام سانى 398گە جەتتى

2015.06.04 13:52  

　　حالىق تورابى، 3 – ماۋسىم، بەيجيڭ. شينحۋا تورابىنىڭ حابارلاۋىنشا، وڭتۇستىك كورەيا دەنساۋلىق ساقتاۋ جانە الەۋمەتتىك قورعاۋ مينيسترلىگىنىڭ 3 – ماۋسىمدا مالىمدەمە جاريالاپ، وڭتۇستىك كورەيادا 30 ادامنىڭ ورتا شىعىس وڭىرىندەگى تىنىس جولى سيندرۋمىمەن (MERS) جۇعىمدالعانى (ولاردىڭ ىشىندە ءبىر ادامنىڭ جۇعىمدالعانى جۇڭگودا تۇراقتاندىرىلعان) تۇراقتاندىرىلعان، بۇلاردىڭ ىشىندە 2 ادام قازا بولعان، بۇل ۆيروسپەن جۇعىمدالدى دەپ كۇماندى بولعانداردان 398 ادام بار.

　　وڭتۇستىك كورەيا دەنساۋلىق ساقتاۋ تاراۋلارى اۋرۋ جاعدايىن تەجەۋ تەبىنىن ارتتىردى. 3 – ماۋسىمعا دەيىن ورتا شىعىس وڭىرىندەگى تىنىس جولى سيندورمى سەبەبىنەن اۋاشالانعاندار سانى كۇرت ارتىپ، 1364 ادامعا جەتتى. مۇنان سىرت، وڭتۇستىك كورەيا اقپارات قۇرالدارىنىڭ حابارلاۋىنشا، جەرگىلىكتى ۋاقىت 3 – ماۋسىم تۇستەن كەيىن ساعات 5كە دەيىن (بەيجيڭ ۋاقىتى تۇستەن كەيىن ساعات 4كە دەيىن)، وڭتۇستىك كورەيادا بۇكىل ەل بويىنشا 554 مەكتەپ ساباقتى توقتاتقان نەمەسە ساباق توقتاتۋعا دايىندالعان، مۇندا وڭتۇستىك كورەيا استانا اۋماعى مەن جيڭجي ولكەسى وڭىرىندەگى 439 مەكتەپ قامتىلعان.

　　وڭتۇستىك كورەيا پرەزيدەنتى پاك كىنحە 3 – ماۋسىمدا پرەزيدەنت سارايىندا ءماجىلىس اشقان كەزدە، قاتىستى تاراۋلاردان ورتا شىعىس وڭىرىندەگى تىنىس جولى سيندرومىنان ساقتانۋ، ەمدەۋ جانە وعان توتەپ بەرۋگە باسشىلىق ەتۋ گرۋپپاسىن قۇرۋدى ءارى قولداناتىن شارالاردى بۇكىل ەل حالقىنا تەزىرەك جاريالاۋدى، جۇرتتى بەيمازا كوڭىل كۇيدەن مۇمكىندىگىنشە ارىلتىپ، اۋرۋدىڭ تارالۋىن تەجەۋدى تالاپ ەتتى.

　　كەلۋ قاينارى: حالىق تورابى