جۇڭگو شينجياڭ 2015- جىلى«التاي تاۋى ءوڭىرى» حالىقارالىق دەنەتاربيە، ساياحات مەرەكەسى ءساتتى اياقتادى

4 ەل دوستىعى ءتىپتى دە نىعايا تۇسەتىن بولادى

2015.08.14 16:42   كەلۋ قاينارى : حالىق تورابى

　　گۇلميرا داۋلەتبەك قىزى حابارلايدى. 6 كۇندىك ۋاقىتپەن وتكىزىلگەن جۇڭگو. شينجياڭ 2015 – جىلى« التاي تاۋى ءوڭىرى» حالىقارالىق دەنەتاربيە، ساياحات مەرەكەسى بەلگىلەنگەن ءتۇرلى مىندەتتەرىن ورىنداپ، 13 - تامىز كۇنى كەشتە تابىسپەن اقىرلاستى. جابىلۋ سالتىندا، قاتىستى باسشىلار ءسوز سويلەپ، قيمىلدىڭ ءساتتى وتكەنىن، 4 ەل دوستىعى ماڭگىلىلىككە جالعاسىپ، قارىم - قاتىناسىنىڭ بۇدان دا نىعايا تۇسەتىنىن ءبىلدىردى.

　　جابىلۋ سالتىندا التاي شەكارا رايونى جاستار مەن جاس وسپىرىمدەر دەنەتاربيە، ساياحات قوعامىنىڭ ءتوراعاسى سەرگەيوۆا. انتون.الاديميروايچ ءسوز سويلەپ بىلاي دەدى:«ءبىزدىڭ ورتاق مەكەنىمىز التاي تاۋى ءوڭىرى اتتى 2- كەزەكتى حالىقارالىق دەنەتاربيە، ساياحات مەرەكەسىن وتكىزگەن جۇڭگو جاققا شىنايى راقىمەتىمدى ايتامىن. سونىمەن قاتار 15 ءتۇرلى دەنەتاربيە قيمىلىنا قاتىناسقان سپورتشىلارمەن تورەشىلەرگە شىنايى راقىمەت ايتامىن. دەنەتاربيە، ساياحات مەرەكەمىزدىڭ بۇدان دا تارتىمدى بولۋىنا تىلەكتەستىك بىلدىرەمىن ءارى ءتىپتى دە كوپ سپورتشىلارمەن جارىس تۇرلەرىنىڭ 2017 - جىلى قازاقىستاندا وتكىزىلەتىن حالىقارالىق دەنەتاربيە، ساياحات مەرەكەسىنىڭ كۇن تارتىبىنە ەنگىزىلۋىن تىلەيمىن».

　　بۇل رەتكى حالىقارالىق دەنەتاربيە، ساياحات مەرەكەسى قىزعىندى، سالتاناتتى، تارتىمدى ءوتتى، ءارى جۇڭحۋا مادەنيەتى مەن ازياداعى ءار ەل مادەنيەتىنىڭ توعىسۋىن بارىنشا ىلگەرىلەتىپ، جىبەك جٶلى ەكونوميكالىق بەلدەۋىندەگى ەلدەردىڭ دوستىق قارىم - قاتىناسىن ونان ارى نىعايتا تۇسكەن ءبىر رەتكى حالىقارالىق سيپاتىندىق سالتاناتتى دەنەتاربيە جينالىسى بولدى.

　　«التاي تاۋى ءوڭىرى» حالىقارالىق دەنەتاربيە، ساياحات مەرەكەسىنىڭ 3 - كەزەگى 2017 - جىلى قازاقىستاندا وتكىزىلەتىن بولىپ، التاي تاۋى ءوڭىرى حالىقارالىق دەنەتاربيە، ساياحات مەرەكەسىنىڭ تۋىن قازاقىستان رەسپۋبىليكاسىنا وتكىزىپ بەردى. قيمىل سوڭىندا، ءارقايسى ەلدەن كەلگەن جارىستا وزىپ شىققان سپورتشىلاردى ءارقايسى جارىس ءتۇرى بويىنشا سيلادى.ءبىزدى قۋاندىرعان، تاۋعا شىعۋ جارىسىندا بىرىنشىلىكتى جۇڭگو. شينجياڭ التاي ايماعىنان شاتتىق نۇربولات ۇلى، ەكىنشى بولعان قابىل مۇرات ۇلى، ءۇشىنشى بولعان اياتبەك قادىلقان ۇلى بولسا، ارقان تارتۋدا توپتىق 2- دارەجەلى سيلىقتى، 87 كيلوگرامدىق سالماقتاعىلار بويىنشا قازاقشا كۇرەستەن ءبىرىنشى بولعان جايداربەك سەرىك ۇلى، ەكىنشى بولعان ارايبەك كاجىڭ ۇلى بولىپ، بىلەك كۇشىن سىناسۋدا 55 كيلوگرامنان جانىبەك جاناربەك ۇلى، 61 كيلوگرامنان قايناربەك قىزىربەك ۇلى،68 كيلوگرامنان شالقار نۇرلان ۇلى، 76 كيلوگرامنان ۇلاعات وجەت ۇلى، 85 كيلوگرامنان قايرات سابىربەك ۇلى، 95 كيلوگرامنان ءمامي مادەنيەت ۇلى، 100 كيلوگرامنان جٶعارى سالماقتاعىلاردان عىلىمبەك بازارباي ۇلى بىرىنشىلىكتى جەڭىپ الىپ، التايعا داڭىق اپەردى.

　　رەسەي، جۇڭگو، قازاقىستان، موڭعۇليا سىندى 4 ەل، 6 جاقتىڭ سپورتشىلارى وزدەرىندەگى بار ونەرلەرىن ساۋلەلەندىرىپ، شەبەرلىكتەرىن ايگىلەدى. وسى رەتكى حالىقارالىق دەنەتاربيە، ساياحات مەرەكەسى جەرگىلىكتى ءار قايسى ورىن مەن التاي ايماعىنداعى بارلىق حالىقتىڭ ساناسىنا ماڭگىلىك ۇيالاعان سالتاناتتى مەرەكە بولدى. ارينە، بۇل 4 ەلدىڭ ەكونوميكا، مادەنيەت، سپورت، ساياحات قاتارلى سالالارىنداعى بارىس - كەلىسىن، ىستەستىگىن، دامۋىن جەبەيتىندىگى داۋسىز.

　　وسى كەزەكتى حالىقارالىق دەنەتاربيە، ساياحات مەرەكەسى كەزەگىنىڭ جۇڭگوعا كەلىپ، التايدا وتكىزىلۋىنىڭ ءوزى التايداعى ءارۇلت بۇقاراسىنىڭ ورتاق ارمانى جانە ىزگى تىلەگى بولدى.

　　ۇعىسۋعا قاراعاندا، وسى رەتكى حالىقارالىق دەنەتاربيە، ساياحات مەرەكەسىندە، توپتىق ناتيجەدەن رەسەي بىرىنشىلىكتى، جۇڭگو ەكىنشىلىكتى، قازاقىستان ۇشىنشىلىكتى ، موڭعۇليا ءتورتىنشى ورىندى يەلەدى. مۇندا جۇڭگو شينجياڭ التاي ايماعى كومانداسى 11 التىن مەدال، 21 كۇمىس مەدال، 121 مىس مەدال الدى.

　　كەلۋ قاينارى: حالىق تورابى