جاڭ گاۋلي مەن قازاقستان پرەمەر – مينيسترىنىڭ ءبىرىنشى ورىنباسارى باقىتجان ساعىنتايەۆ جۇڭگو – قازاقستان سەلبەستىك كوميتەتىنىڭ 7 – ءماجىلىسىن اشتى

2015.08.26 14:29   كەلۋ قاينارى : حالىق تورابى

　　حالىق گازەتى، 25 – تامىز، بەيجيڭ. مەملەكەتتىك كەڭەستىڭ ورىنباسارى زۇڭليى، جۇڭگو – قازاقستان سەلبەستىك كوميتەتىنىڭ جۇڭگو جاقتان سايلانعان ءتوراعاسى جاڭ گاۋلي مەن قازاقستان پرەمەر – مينيسترىنىڭ ءبىرىنشى ورىنباسارى، كوميتەتتىڭ قازاقستان جاقتان سايلانعان ءتوراعاسى ساعىنتايەۆ 25 – تامىزدا بەيجيڭدە جۇڭگو – قازاقستان سەلبەستىك كوميتەتىنىڭ 7 – ءماجىلىسىن اشتى.

　　جاڭ گاۋلي بىلاي دەدى: ءتوراعا شي جينپيڭ مەن پرەزيدەنت نازاربايەۆتىڭ تىكەلەي ارالاسۋىندا، جۇڭگو – قازاقستان جالپى بەتتىك ستراتەگيالىق سەرىكتەستىك قارىم – قاتىناسى ۇزدىكسىز تەرەڭدەۋدە. جۇڭگو – قازاقستان سەلبەستىك كوميتەتى ەكى ەل ۇكىمەتى اراسىنداعى جان - جاقتىلى، جوعارى دەڭگەيدەگى، مەحانيزمدەنگەن سەلبەستىك تەكشەسى، ول ەكى جاقتى قارىم – قاتىناستىڭ دامۋىندا جانە ءار سالاداعى ناقتى سەلبەستىكتى ىلگەرىلەتۋدە ماڭىزدى رول اتقارادى. ءبىزدىڭ بۇل رەتكى ءماجىلىسىمىزدىڭ العا قويعان ماقساتى ەكى ەل باسشىلارى كەلىسىمگە كەلگەن ورتاق تانىمدى ونان ارى تياناقتاندىرىپ، جۇڭگو مەن قازاقستاننىڭ ءار سالاداعى ءوزارا تيىمدىلىك جاراتۋ سەلبەستىگىن ونان ارى ىلگەرىلەتۋ ءارى ەكى ەل باسشىلارىنىڭ جۋىق ارادا كەزدەسۋىنە جان – جاقتى دايىندىق جاساۋ.

　　ساعىنتايەۆ بىلاي دەدى: قازاقستان مەن جۇڭگونىڭ جان – جاقتىلى ستراتەگيالىق سەرىكتەستىك قارىم – قاتىناسى جوعارى ورەنى ساقتاۋدا. قازاقستان جۇڭگومەن تىعىز سەلبەسىپ، قازاقستان – جۇڭگو سەلبەستىك كوميتەتى، سونداي – اق، ءارقايسى بولىمشە كوميتەتتەردىڭ رولىن ۇزدىكسىز ساۋلەلەندىرىپ، ەكى ەل قارىم – قاتىناسى مەن ءتۇرلى سالالارداعى سەلبەستىكتىڭ ءتىپتى دە جوعارى ورەگە كوتەرىلۋىن ىلگەرىلەتۋدى قالايدى.

　　كەلۋ قاينارى: حالىق تورابى