2015 – جىلعى جاڭا نۇسقاداعى 100 يۋاندىق اقشا 12 – قاراشادا اينالىمعا شىعارىلادى. ورتالىق بانكە بۇل اقشانىڭ سۋرەتىن جاريالادى، ءبىر قاراعاندا، سۋرەت پەن ونىڭ رەڭىنەن ەشقانداي وزگەرىس بايقاي المايسىز، قاي جەرى «جاڭا»؟ ءتىلشى اقشا باسىپ شىعارۋ زاۆودىنا بارىپ، كاسىپتىك مامانداردان سۇراۋ ارقىلى، جاڭا نۇسقاداعى 100 يۋاندىق حالىق اقشاسىنىڭ جالعاننان ساقتانۋ ەرەكشەلىكتەرىن يگەرۋدەگى 4 ءتۇرلى امالدى ۇيرەنىپ قايتتى.
ءبىرىنشى، رەڭدى، قۇبىلمالى «100» سانى اقشا قاعازىنىڭ ورتا بولەگىندە جارقىراپ تۇرادى
بەيجيڭدەگى اقشا باسىپ شىعارۋ سەرىكتىگىنىڭ زاۆودىندا جاڭا باسىلىپ شىققان، كەسىلمەگەن 100 يۋاندىقتاردىڭ باسۋ ماشيناسىنىڭ قاسىنا جينالعانىن كوردى. كاسىپتىك ماماندار اقشانىڭ بەتىندەگى جارقىراعان «100» سانىنان – اق، بۇل اقشالاردىڭ جاڭا نۇسقاداعى 100 يۋاندىق ەكەنىن الىستان پارىقتايدى.