بلاتتەر مەن پلاتيني 8 جىلعا دەيىن «فۋتبولدان شەتتەتىلەدى»

2015.12.22 13:53   كەلۋ قاينارى : حالىق تورابى

　　حالىق تورابى، 22 – جەلتوقسان، بەيجيڭ. حالىقارالىق فۋتبول بىرلەستىگى ءمورال كوميتەتىنىڭ 21 – جەلتوقساندا حابارلاۋىنشا، حالىقارالىق فۋتبول بىرلەستىگىنىڭ ءتوراعاسى بلاتتەر مەن حالىقارالىق فۋتبول بىرلەستىگى ءتوراعاسىنىڭ ورىنباسارى، ەۆروپا فۋتبول بىرلەستىگىنىڭ ءتوراعاسى پلاتينيعا فۋتبولمەن قاتىستى ءارقانداي قيمىلعا قاتىناسۋىنا 8 جىل تيىم سالۋ جازاسى بەرىلدى.

　　بيىل قىركۇيەكتە شۆەتساريا پروكۋراتۋرا جاعى بلاتتەردىڭ ەۆروپا فۋتبول بىرلەستىگىنىڭ ءتوراعاسى پلاتينيعا بەلگىلەمەگە قايشى 2 ميلليون شۆەتساريا فرانكى اقى بەرگەنى تۋرالى قىلمىستىق ءىسىن تەكسەرگەننەن كەيىن، حالىقارالىق فۋتبول بىرلەستىگى ءمورال كوميتەتىنىڭ قول استىنداعى تەكسەرۋ تاراۋلارىنا بۇل ءىستى تەكسەرۋدى تاپسىرعان. وسى ىسكە بايلانىستى، حالىقارالىق فۋتبول بىرلەستىگىنىڭ ءمورال كوميتەتى قازاننىڭ باسىندا اتالعان ەكى جوعارى ءمانساپتىعا 90 كۇندىك «فۋتبولدان شەكتەۋ» بۇيرىعىن ءتۇسىرىپ، ولاردىڭ ءارقانداي فورماداعى فۋتبولعا قاتىستى قيمىلعا قاتىناسۋىنا شەكتەۋ سالعان.

　　الايدا، بلاتتەر مەن پلاتيني وسىنىڭ الدىندا وزدەرىنىڭ ەشقانداي ۇيلەسىمسىز ارەكەت ىستەمەگەنىن قايتا- قايتا باسا دارىپتەگەن بولاتىن.

　　كەلۋ قاينارى: حالىق تورابى