- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جان سانى جانە جوسپارلى تۋىت زاڭى بۇگىننەن باستاپ قارالادى: «جاپپاي ەكى بالالى بولۋ» بۇكىل ەل بويىنشا ءبىر تۇتاس تياناقتاندىرىلادى
2015.12.21 14:08 كەلۋ قاينارى : حالىق تورابى
حالىق تورابى، 21 – جەلتوقسان، بەيجيڭ (ءتىلشى ليۋ روڭ). بۇگىننەن باستاپ مەملەكەتتىك حالىق قۇرىلتايى تۇراقتى كوميتەتىنىڭ 18 –ءماجىلىسى اشىلادى، ۋاقىتى 7 كۇن. ءتىلشىنىڭ ۇعىسۋىنا قاراعاندا، وسىنىڭ الدىندا ەكى رەت قاراۋدان وتكەن لاڭكەستىككە قارسى تۇرۋ زاڭ جوباسى وسى رەتكى ماجىلىستە 3 – رەت قارالماق؛ «جاپپاي ەكى بالالى بولۋ» ساياساتى ماقۇلدانعاننان كەيىن، جان سانى جانە جوسپارلى تۋىت زاڭىنا وسى رەتكى ماجىلىستە سايكەستى وزگەرتۋلەر ەنگىزىلەدى.
جان سانى جانە جوسپارلى تۋىت زاڭىنا وزگەرىستەر ەنگىزىلەدى: «جاپپاي ەكى بالالى بولۋدىڭ» سايكەستى ۋاقىت كەستەسى شىعارىلادى
2013 – جىلى «اتا – انانىڭ ەكەۋى دە جالعىز پەرزەنت بولسا، وندا ولاردىڭ ەكىنشى پەرزەنت سۇيۋىنە بولادى» دەگەن ساياساتتى ماقۇلداعاندا، مەملەكەتتىك حالىق قۇرىلتايى تۇراقتى كوميتەتى جان سانى جانە جوسپارلى تۋىت زاڭىنا وزگەرىس ەنگىزبەگەن بولاتىن، تەك جوسپارلى تۋىت ساياساتىن كەمەلدەندىرۋ جونىندەگى ءبىر ءتۇرلى شەشىمدى عانا ماقۇلداپ، «اتا – انانىڭ ەكەۋى دە جالعىز پەرزەنت بولسا، وندا ولاردىڭ ەكىنشى پەرزەنت سۇيۋىنە بولادى» دەگەن ساياساتتىڭ جۇرگىزىلۋىنە زاڭدىق كەپىلدىك بەرىلگەن. ال تۋىلعان پەرزەنتتەر جونىنەن، قازىر اتقارىلىپ وتىرعان جان سانى جانە جوسپارلى تۋىت زاڭىندا مىناداي بەلگىلەمەلەر بار ەدى: زاڭ – ەرەجە، بەلگىلەمەلەرگە ۇيلەس كەلۋ شارتىندا، ەكىنشى پەرزەنت ءسۇيۋدى تالاپ ەتسە بولادى. ناقتى اتقارۋ ادىستەرىن ولكە، اۆتونوميالى رايون، توتە قاراستى قالالاردىڭ حالىق قۇرىلتايى نەمەسە تۇراقتى كوميتەتتەرى بەلگىلەيدى.
جوعارىدا ايتىلعان قارار ماقۇلدانعاننان كەيىن، ءارقايسى جەرلەر اتقارۋ ادىستەرىن بەلگىلەپ، «اتا – انانىڭ ەكەۋى دە جالعىز پەرزەنت بولسا، وندا ولاردىڭ ەكىنشى پەرزەنت سۇيۋىنە بولادى» دەگەن ساياساتتى اتقارعان. الايدا ناقتى ەرەجە شىعارۋ ۋاقىتى بىردەي بولماۋعا بايلانىستى، جەر – جەردىڭ ساياساتتى اتقارۋ ۋاقىتىندا ىلگەرى – كەيىندىك پارىق قالىپتاسقان – دى.
وسى رەتكى «جاپپاي ەكى بالالى بولۋ» ساياساتىندا «ەرلى – زايىپتىلاردىڭ جالعىز پەرزەنت ءسۇيۋى» دارىپتەلمەگەندىكتەن، جوسپارلى تۋىت نەگىزگى زاڭىنىڭ بايىمداۋلارىنا، ءسوزسىز، سايكەستى وزگەرىستەر ەنگىزۋدىڭ قاجەت ەكەنىن اڭعارتتى. ءتىلشىنىڭ ۇعىسۋىنا قاراعاندا، زاڭعا وزگەرىس ەنگىزىلىپ اتقارىلعاننان كەيىن، «جاپپاي ەكى بالالى بولۋ» ساياساتى بۇكىل ەلىمىزدىڭ ءارقايسى جەرلەرىندە ءبىر تۇتاس ۋاقىت كەستەسى بويىنشا تياناقتانادى ەكەن.
وسىنىڭ الدىندا مەملەكەتتىك دەنساۋلىق ساقتاۋ، جوسپارلى تۋىت كوميتەتىنىڭ ورىنباسار مەڭگەرۋشىسى ۋاڭ پەي – ان جاريا لەبىز ءبىلدىرىپ، كەلەسى جىلدىڭ 1 – ماۋسىمىندا بۇكىل ەلدەگى كوپ ساندى ولكە، اۆتونوميالى رايون، توتە قاراستى قالالاردا «جاپپاي ەكى بالالى بولۋ» ساياساتىنىڭ ناقتى اتقارىلاتىنىن اڭعارتقان ەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
