- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«شينجياڭعا ماحاببات. اۋىلعا ساياحات» ارناۋلى قيمىلى ايشىقتالا ءتۇستى
2015.12.24 13:29 كەلۋ قاينارى : ءتاڭىرتاۋ تورابى
شينجياڭنىڭ بيىلعى قار - مۇز ساياحاتى بۇرىنعىدان وزگەشە بولايىن دەپ تۇر.
جەلتوقسان ايىنىڭ ورتا شەنىندە جاۋعان قالىڭ قار شينجياڭنىڭ قار - مۇز ساياحاتىنىڭ توماعاسىن سىپىرسا، ءسات - ساعاتى تاياپ قالعان قىسقى سپورت جارىسى وعان مول مۇمكىندىكتەر الا كەلمەك.
اۆتونوميالى رايوندىق ساياحات مەكەمەسى ۇيىمداستىرعان «شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحات قيمىلى اي باسىندا دۇركىرەي باستالىپ، شينجياڭنىڭ قار - مۇز ساياحاتىنىڭ مىڭ بوياۋلى سۇلۋ سيپاتىن ايگى ەتىپ، مەملەكەتتىك 13 - كەزەكتى قىسقى سپورت جارىسىنا دەم بەردى.
مول تيىمدىلىكتەر ساياحاتشىلاردىڭ ىنتاسىن كوتەردى
«3 - كەزەكتى بوعدا كولى تايقازان قوي ەتى فەستيۆالىنىڭ باستالۋىنا نە ءبارى ءۇش - اق كۇن قالدى، 8 - جەلتوقساننان بەرى تىركەلگەن ادام سانى 1400دەن استى»، - دەدى 23 - جەلتوقساندا جينچياۋ حالىقارالىق ساياحات سەرىكتەستىگىنىڭ باس ديرەكتورى چۇي چي. ولار: «شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحات قيمىلىنا بيىل العاش رەت ات سالىسىپ وتىر. «وسىنشاما ناتيجەلى بولادى دەپ كۇتپەگەن ەدىك، مەجەمىزدەن كوپ ارتىق شىقتى»، - دەدى چۇي چي.
ۇعىسۋىمىزشا، جايشىلىقتا بوعدا كولىنە «ءبىر كۇندىك ساياحاتتىڭ» اقىسى مولشەرمەن 230 - 240 يۋان بولادى ەكەن. «شينجياڭعا ماحاببات. اۋىلعا ساياحات» اتىنداعى قيمىلعا اۆتونوميالى رايوندىق ساياحات مەكەمەسى ارناۋلى قوسىمشا قاراجات بولگەندىكتەن، ساياحات كولىگىندەگى سەرۋەنشىلەر كىسى باسىنا 99 يۋاننان اقى تاپسىرادى ەكەن، جەكە كولىكپەن جۇرگەندەرگە ءتىپتى كوپ تيىمدىلىك جاسالىپ، تەك 60 يۋان اقى الىنادى ەكەن. ونىڭ ۇستىنە، بۇرىنعى كەزدە «ءبىر كۇندىك ساياحات» اقىسى ەسىك بەلەتىن، ساياحات كولىگىن جانە ءبىر تاباق ەتسىز پالاۋدى عانا قامتىسا، ارناۋلى قيمىل اياسىندا تاماقتىڭ ولشەمى جوعارىلاتىلۋمەن قاتار، قار ادام جاساۋ، قارمەن اتىسۋ، ارقان تارتۋ، تەپكىش تەبۋ سەكىلدى قىزىققا تولى ويىندار ورنالاستىرىلعاندىقتان، ساياحاتشىلاردى باۋراي ءتۇسىپتى.
قيمىلدىڭ مازمۇنى باي، قوسىمشا قاراجاتى مول بولدى
«شينجياڭعا ماحاببات. اۋىلعا ساياحات» اتىنداعى قيمىلدىڭ مازمۇنى باي، قار - مۇز ساياحاتىمەن قاتار، اراسان ساياحاتى، شەكارا ساياحاتى، وتباسى ساياحاتى، اۋىل ساياحاتى سەكىلدى قيمىلداردى قامتيدى، ونىڭ ۇستىنە قيمىلعا شينجياڭ اۋماعىنداعى ساياحات كاسىپورىندارى جابال ات سالىسقاندىقتان، مەملەكەتتىك 13 - كەزەكتى قىسقى سپورت جارىسى باستالۋدان ىلگەرى، جالپى حالىقتى قىسقى سپورت قيمىلدارىنا ءونىمدى تۇردە جۇمىلدىرىپ، شينجياڭنىڭ قار - مۇز ساياحاتىنىڭ دامۋىن پارمەندى تۇردە ىلگەرىلەتتى.
12 - جەلتوقسان كۇنى، «شينجياڭعا ماحاببات. اۋىلعا ساياحات» اتىنداعى قار شاڭعى تەبۋ قيمىلى رەسمي باستالدى. شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى (قىسقارتىلىپ «حۋاليڭ توبى» دەلىنەدى)، شينجياڭ حۋاليڭ حوتان قاس تاسى ساۋدا ورتالىعى سەكىلدى كاسىپورىندار قيمىلدىڭ تۇساۋ كەسەرىنە قاتىسۋعا ساۋداگەرلەر مەن قالا تۇرعىندارىنان 1000نان اسا ادامدى ۇيىمداستىردى. 19 -، 20 - جەلتوقسان كۇندەرى جۇڭگو جاستار ساياحات توبى شينجياڭ حالىقارالىق جاستار ساياحات شەكتى جاۋاپكەرشىلىك سەرىكتەستىگى، شينجياڭ ۋسايۋان اراسانى ساۋىق - سايران شەكتى جاۋاپكەرشىلىك سەرىكتەستىگى سەلبەسىپ وتكىزگەن «تۇڭعىش كەزەكتى گۋحاي اراسانى قىسقى ساياحات فەستيۆالى» گۋحاي اراسانى كورىنىس رايونىندا شىمىلدىعىن اشتى، ءۇرىمجى قالاسىنان 320 ساياحاتشى ارناۋلى ساياحات اۆتوبۋزىمەن جولعا شىعىپ، اراساننىڭ قىسقى قىزىعىنا شومدى.
«2016 - جىلى 20 - ناۋرىزعا دەيىنگى 3 ايدا، قار شاڭعى تەبۋ قيمىلىنا 20 - 50 مىڭ ادام ۇيىمداستىرامىز دەپ مەجەلەپ وتىرمىز»، - دەدى شينجياڭ سۋانني يۋانيە ساياحات قارجى قوسۋ، باسقارۋ سەرىكتەستىگىنىڭ باسالقاسى جوۋ گاڭ. قار شاڭعى تەبۋ قيمىلىنا قاتىناسقان ساياحاتشىلاردىڭ بارلىعى قوس تيىمدىلىككە كەنەلەدى، اۆتونوميالى رايوندىق ساياحات مەكەمەسىنىڭ قوسىمشا قاراجاتىنا قول جەتكىزۋمەن قاتار، شينجياڭ «حۋاليڭ توبى» سەكىلدى كاسىپورىندار قامداعان ساياحات قوسىمشا قاراجاتىنان يگىلىكتەنىپ، حوتان قاس تاسىن ەڭ تومەنگى باعادا ساتىپ الادى، حوتان قاس تاسىن تەگىن الۋ ورايىنا دا يە بولادى.
جالپى حالىقتىق سپورتتىڭ ورلەۋى كوتەرىلدى
«شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحات قيمىلى 1 - قاراشادا باستالعاننان بەرى، «يچىڭتۇڭ» سالا باسقارۋ تۇعىرى جۇرگىزگەن ساناققا سايكەس، 22 - جەلتوقسانعا دەيىن، شينجياڭنىڭ ءىشى - سىرتىنان 615 ساياحات ۇيىرمەسىن، 18 مىڭ 765 ساياحاتشى قابىلدانعان، ونىڭ 9842سى ىشكى ولكەنىڭ ساياحاتشىلارى، 2014 - جىلداعى سايكەس مەزگىلدەگىمەن سالىستىرعاندا، كورسەتكىشتەر%39، %42 جانە %76وسكەن.
كوپ جىلدان بەرى «شينجياڭعا ماحاببات. اۋىلعا ساياحات» اتىنداعى ساياحات قيمىلدارىن ۇستىنە الىپ وتكىزىپ كەلە جاتقان شينجياڭ حالىقارالىق ساياحات شەكتى سەرىكتەستىگىنىڭ ەل ءىشى ساياحاتى بولىمشە سەرىكتەستىگىنىڭ باس ديرەكتورى ما لي: قازىرگى ساياحاتشىلار ءتيىمدى ساياساتتارعا بەس ساۋساعىنداي قانىق بولۋمەن بىرگە، بۇرىنعىدان دا جوعارى تالاپتار قويىپ وتىر، ولار كورىنىس رايوندارىن تاماشالاۋدى عانا مىسە تۇتپايدى، ولاردىڭ اۋەسى بارعان سايىن كەڭەيىپ، ساياحاتتان ءتىپتى كوپ نارسە سەزىنۋدى قالاپ وتىر، - دەدى.
ۇعىسۋعا قاراعاندا، مەملەكەتتىك 13 - كەزەكتى قىسقى سپورت جارىسى كەزىندە، «شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحات قيمىلى اياسىندا «قار قىمتاعان ىلە، گۇلگە ورانعان قۇلجا» اتىنداعى ارناۋلى قيمىل، «قار - مۇز سالتاناتى» اتىنداعى قاناس قار - مۇز ساياحات فەستيۆالى جانە قوم بايىرعى قار شاڭعى جارىسى؛ «قار - مۇز سالتاناتى» اتىنداعى ۇلىڭگىر كولىنەن قىسقى بالىق اۋلاۋ ساياحات - مادەنيەت قيمىلى، «جەكە كولىكپەن سولتۇستىك شينجياڭعا ساپار» اتىنداعى ەكولوگيالىق فوتو سۋرەت ساياحاتى، «اراسان ايدىنى، بۇراتالاعا ساپار» اتىنداعى بۇراتالا قىسقى قار - مۇز ساياحات - مادەنيەت فەستيۆالى سەكىلدى 10 نەشە ءتۇرلى الۋان مازمۇندى ارناۋلى قيمىلدار وتكىزىپ، مەملەكەتتىك 13 - كەزەكتى قىسقى سپورت جارىسىنا دەم بەرىلىپ، جالپى حالىق قىسقى سپورت ارەكەتتەرىنە ات سالىسۋعا جۇمىلدىرىلادى ەكەن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
