- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اسىل تۇقىمدى قازاق قويى كاسىپتىك سەلبەستىك كووپەراتيۆى قۇرىلدى
2015.12.24 13:48
كۇنەس اۋدانىنىڭ تۇرگەن اۋىلى قازاق قويى كوپ باعىلاتىن ورىنداردىڭ ءبىرى بولعاندىقتان، بۇل اۋىل ارناۋلى قازاق قويى باعىمشىلىق سەلبەستىك كووپەراتيۆىن قۇرىپ، شارۋالاردىڭ اسىل تۇقىمدى قوي باعىمشىلىعىمەن شۇعىلدانۋىنا قولايلىلىق جاراتتى. كۇنەس اۋداندىق مال شارۋاشىلىق مەكەمەسىنىڭ تەكسەرۋىنەن ءوتىپ، اسىل تۇقىمدى قوي باعىمشىلىعى تولىمدىلىق كۋالىگىن العان بۇل سەلبەستىك كووپەراتيۆى بيىل تۇڭعىش توپتا 50 تۇياق اسىل تۇقىمدى قازاق قوي قوشقارىن جەتىلدىردى.
تۇرگەن اۋىلى مال شارۋاشىلىعى مەن باعىمشىلىقتى نەگىز ەتەتىن ورىن، بۇرىن ونداعى شارۋالار نىلقى، تەكەس سياقتى ورىنداردان اسىل تۇقىمدى قوشقار ساتىپ الاتىن دا، جولدىڭ الىستىعى مەن مالدى تاسىمالداۋدىڭ قيىندىعى شارۋالارعا اۋرەشىلىك اكەلەتىن، اسىل تۇقىمدى قوشقاردى جەتكىزۋ اقىسى دا جوعارى ەدى. وسى اۋىلداعى اسىل تۇقىمدى قوي باعىمشىلىعىمەن شۇعىلداناتىن مالشىلارعا قولايلىلىق جاراتۋ ءۇشىن وتكەن جىلى شىلدەدە تۇرگەن اۋىلى قاراوي قىستاعىنىڭ قىستاق كادرى ەرجان مەن 24 قىستاق تۇرعىنى بىرلەسىپ سۋلىساي قازاق قويى كاسىپتىك سەلبەستىك كووپەراتيۆىن قۇردى. يەلەگەن جەر كولەمى 20 مۋ كەلەتىن، ءبىر مىڭ 920 شارشى مەترلىك بەس ولشەمدى قوي قوراسى، 6 مىڭ 300 تۇياق اسىل تۇقىمدى قازاق قويى، 47 مىڭ 760 مۋ جايىلىمى، 920 مۋ جەم – ءشوپ ەگەتىن اتىزى بار بۇل كاسىپتىك سەلبەستىك كووپەراتيۆى ىلە وبلىسىنداعى ەڭ ۇلكەن اسىل تۇقىمدى قازاق قويىن وسىرەتىن بازا ەكەن. جاڭادان قۇرىلعان وسى قازاق قوي باعىمشىلىعى سەلبەستىك كووپەراتيۆىندە مالشىلاردىڭ 2 مىڭ 800 يۋانعا ءبىر تۇياق اسىل تۇقىمدى قازاق قويى قوشقارىن ساتىپ الۋىنا بولادى. مۇندا اۋداندىق مال شارۋاشىلىق مەكەمەسى اسىل تۇقىمدى قوشقار ساتىپ الۋشىعا 800 يۋان كومەك قاراجات بەرەدى، ال، مالشى تەك 2 مىڭ يۋان عانا تولەيدى. مالشى انىقباي: «قازاق قوي باعىمشىلىعى سەلبەستىك كووپەراتيۆى قۇرىلعان سوڭ اسىل تۇقىمدى قوشقاردى ىرگەمىزدەن عانا ساتىپ الاتىن بولدىق، باعاسى دا بۇرىنعىدان كوپ ارزان، بۇدان بىلاي بازاردىڭ قاجەتىنە قاراي ساپالى، اسىل تۇقىمدى قويدى كوبەيتۋدى كوزدەپ وتىرمىن» دەيدى.
تۇرگەن اۋىلدىق مال شارۋاشىلىق، مال شيپاگەرلىگى پۋنكتىنىڭ باستىعى قۇرمانباي اسەنباي ۇلى: «سۋلىساي قازاق قويى باعىمشىلىق سەلبەستىك كووپەراتيۆىنىڭ مۇشەسى باستاپقى بەس مالشى وتباسىنان قازىرگى 42 مالشى وتباسىنا كوبەيدى. بۇل سەلبەستىك كووپەراتيۆ كاسىپتىك ابزالدىقتى ساۋلەلەندىرىپ، بىتىراندى مال شارۋاشىلىعىن جۇيەلى، عىلمي باعىمشىلىققا ويىستىرۋمەن بىرگە، ءداستۇرلى ەگىن شارۋاشىلىق قۇرىلىمىن دا رەتكە ءتۇسىردى. مۇنىمەن مال شارۋاشىلىعى ونىمدىلىگىن، قوعامدىق ونىمدىلىكتى جانە ەكونوميكالىق ونىمدىلىكتى بىردەي جوعارىلاتۋعا بولادى. كەزەكتە سەلبەستىك كووپەراتيۆكە مۇشە بولعان مالشى وتباسى كوبەيىپ كەلەدى. بيىل اۋىلىمىز 365 اسىل تۇقىمدى بۇزاۋدىڭ ءار باسىنا مىڭ يۋان، ال، ءبىر مىڭ 600 اسىل تۇقىمدى قوزىنىڭ ءار تۇياعىنا 200 يۋاننان كومەك قاراجات بەرىپ، مالشىلاردى اسىل تۇقىمدى مال باعۋعا شابىتتاندىرىپ وتىر»، - دەدى.
اقىلباي مۇقامەتالي ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
