قىسقى دەنە تاربيە جارىسىنا ارنالعان ەرەكشە ساۋعا، ىزگى تىلەك

2016.01.20 14:03   كەلۋ قاينارى : حالىق تورابى

　　حالىق تورابى، 20 – قاڭتار، بەيجيڭ. ۇزىندىعى 13 مەترلىك ىلمە كىلەم قالىڭ ساۋعالاردىڭ ىشىنەن ايرىقشا كوزگە تۇسەدى، كىلەمنىڭ بەتىنە:«كوركەم شينجياڭدا جۇزدەسىپ، قىسقى دەنە تاربيە جارىسىن بىرگە تاماشالايىق» دەگەن تىلەك حانزۋ ارپىمەن كەستەلەنگەن. بۇل ساۋعانى ءۇرىمجى اۋدانى سارتابان قۇرالاي ديقاندار كاسىپتىك كەستە تىگۋ كووپەراتيۆى ۇسىنعان، جوبالاۋشى قانات ۇلىقپان ۇلى ءبىر اپتا ۋاقىت جۇمساپ جوبالاپ شىققان، 13 قازاق كەستەشى قىز ءبىر اي ۋاقىت جۇمساپ كەستەلەگەن.

　　قانات ۇلىقپان ۇلى: جوبالاۋ بارىسىندا كوپ وزگەرتتىم، سوڭىندا نەگىزگى رەڭگە كوكتى تاڭداپ، شەتىن كۇمىس رەڭمەن جۇرگىزدىم، كوك رەڭ كوك اسپاندى، كۇمىس رەڭ اق بۇلتتاردى بەينەلەيدى، ءدال ورتاسىنا قازاق ۇلتىنىڭ شاڭىراعى ايشىقتالا ورنەكتەلگەن كيىز ءۇيى كەستەلەندى، شاڭىراق ءبىزدىڭ نىشانىمىز بولىپ، تاماشا ءومىرىمىزدىڭ كۋاسى، شاڭىراققا قىزىل رەڭمەن روزا گۇلى كەستەلەندى، قىزىل ىستىق ىقىلاسىمىزدى بەينەلەيدى، 13 قارعالداق گۇلى قايسارلىق پەن ءۇمىتتى بەينەلەپ، مەملەكەتتىك 13 – كەزەكتى قىسقى دەنە تاربيە جارىسىنىڭ ءساتتى وتكىزىلۋىنە تىلەكتەس ەكەنىمىزدى بىلدىرەدى،-دەدى.

　　كەلۋ قاينارى: حالىق تورابى