حالىق تورابى، 15 – قاراشا، بەيجيڭ. سۋرەتتە: 14 – قاراشا تاڭەرتەڭ، شينجياڭ التاي قالالىق قالا قۇرىلىس تاراۋلارى ۇلكەن تيۆتى ماشينا جابدىعىن شىعارىپ قار تازالاۋدا. سول كۇنى ساعات 6دان 40 مينۋت وتكەندە، شينجياڭ اۋا رايى ستانسياسى اۋا رايىنان الدىن – الا مالىمەت بەرىپ، 14 – قاراشادان 15 – قاراشاعا دەيىن، ىلە اڭعارى، تارباعاتايدىڭ سولتۇستىگى، التاي قاتارلى جەرلەردىڭ ءبىر ءبولىم رايوندارىندا ورتاشا دارەجەدە قار جاۋاتىنىن، ٴءىشىنارا جەرلەردە ەرەكشە قالىڭ قار جاۋاتىنىن مالىمدەدى. 9 – قاراشادان باستاپ شينجياڭنىڭ التاي ايماعىندا تولاسسىز قار جاۋعان اۋا رايىنا قاراتا، التاي قالاسى ءارقايسى اۋىل – قالاشىقتاردى، مال شارۋاشىلىعى تاراۋلارىن مال تۇلىكتەرىنىڭ قىسقى جەم – ٴشوبىن دايارلاۋ قىزمەتىن كۇنى بۇرىن جاقسى ىستەۋگە ۇيىمداستىرىپ، جەم – ٴءشوپتى مول دايارلاپ، مال تۇلىكتەرىنىڭ قىس قىرىنان امان وتۋىنە كەپىلدىك ەتتى.
كەلۋ قاينارى: حالىق تورابى