حالىق تورابى جاڭا جىلدى جاياۋ جۇرىسپەن قارسى الۋ قيمىلىن ۇيىمداستىردى

40تان استام قالادان 100 مىڭنان استام توراپكەر تىزىمدەلدى

2017.01.01 09:29   كەلۋ قاينارى : حالىق تورابى

　　حالىق تورابى، 30 – جەلتوقسان، بەيجيڭ. 30 – جەلتوقساننان 1- قاڭتارعا دەيىن، بۇكىل ەلىمىزدەگى 40 نەشە قالادان 100 مىڭنان استام توراپكەر حالىق تورابىنىڭ 20 جىلدىعى بايلانىسىمەن ۇيىمداستىرىلعان «ءتۇپ ماقساتتى ۇمىتپاي، بولاشاققا قادام تاستايىق» اتىنداعى جاياۋ جۇرىسپەن جاڭا جىلدى قارسى الۋ قيمىلىنا قاتىناساستى. شىعىستاعى فۋيۋان قالاسىنان چيڭحاي – شيزاڭ ۇستىرتىندەگى چيڭحاي كولىنە دەيىن، شياڭجياڭ وزەنىنىڭ باتىس جاعالاۋىنداعى يۋەلۋ تاۋىنان وتانىمىزدىڭ وڭتۇستىگىندەگى حاينان ارالىنا دەيىن، ۇلى جۇڭگو دالاسىندا، چاڭجياڭنىڭ تۇستىگى مەن تەرىستىگىندە ايرىقشا اسەم كورىنىس قالىپتاستىردى.

　　حالىق تورابى 1997 – جىلى 1 – قاڭتاردا رەسمي عالامتورعا شىعارىلعان. 20 جىلدان بەرى، حالىق تورابى پارتيا مەن مەملەكەتتىڭ ەل باسقارۋداعى ماڭىزدى بايلىعى مەن ءتاسىلى بولىپ، عالامتورداعى اڭىس ەكولوگياسىندا «جەتەكشىلىك»، «سەركەلىك» جانە «ءتۇپ قازىق، ورنىقتىرعىشتىق» رولىن اتقاردى. قۇرىلعانىنا 20 جىل تولۋ بايلانىسىمەن، حالىق تورابى «ءتۇپ ماقساتتى ۇمىتپاي، بولاشاققا قادام تاستايىق» اتىنداعى جاياۋ جۇرىسپەن جاڭا جىلدى قارسى الۋ قيمىلىن ۇيىمداستىردى. مۇنداعى ماقسات: «‹اقاۋسىز جۇڭگو 2030›جوسپارى» مەن «مەملەكەتتىك كەڭەس كەڭسە مەڭگەرمەسىنىڭ دەنە شىنىقتىرۋ – دەمالىس كاسىپ سالاسىن جەدەل دامىتۋ تۋرالى جەتەكشى پىكىرىن» تياناقتاندىرىپ، بۇقارانىڭ كەڭ كولەمدە قاتىناسۋىنا ۇيلەسەتىن دەنە شىنىقتىرۋ – دەمالىس نىساندارىن جالپىلاستىرۋ، جالپى حالىقتىق دەنە شىنىقتىرۋعا تاماشا اڭىس ورتاسىن جاراتۋ، بۇقارانى ارەكەتتەنۋگە ىنتالاندىرۋ، جالپى حالىقتىق دەنە شىنىقتىرۋدىڭ ستراتەگيالىق ءمانىن ۇگىتتەۋ.

　　بۇل رەتكى قيمىلدى جەرگىلىكتى ۇكىمەتتەر مەن حالىق تورابىنىڭ جەرگىلىكتى بولىمشەلەرى ۇيىمداستىرعان. توراپكەرلەر حالىق تورابىنىڭ جەرگىلىكتى ارنالارىنىڭ باس بەتىندەگى، ميكروبلوگىنداعى جانە ءۇنحات تەكشەسىندەگى قۇلاقتاندىرۋ بويىنشا تىزىمدەلە الادى. بۇل قيمىل جەلتوقساندا باستالعاننان بەرى، اڭىسى كۇشتى بولىپ، حابار جولدانعانعا دەيىن 40 نەشە قالادان 100 مىڭنان استام توراپكەر بەلسەندى تىزىمدەلدى.

　　قيمىل باستالعان كەزدە، حالىق تورابى جاياۋ جۇرىسپەن جاڭا جىلدى قارسى الۋ قيمىلىن توعىسپالى مەديالار ارقىلى دەر كەزىندە حابارلادى، توراپكەرلەر حالىق تورابى، حالىق تورابىنىڭ قولفون نۇسقاسى، حالىق تورابىنىڭ ميكروبلوگى، حالىق تورابىنىڭ ءۇنحات تەكشەسى قاتارلى ارنالارمەن ەڭ جاڭا اقپاراتتارعا يە بولدى.

　　«ءتۇپ ماقساتتى ۇمىتپاي، بولاشاققا قادام تاستايىق». 2017 – جىل، قارسى الامىز!

　　كەلۋ قاينارى: حالىق تورابى