- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«حالىق گازەتى» 2016 – جىلعى 10 ءىرى مەملەكەتتىك حاباردى باعالاپ شىقتى
(ۋاقىت ءتارتىبى بويىنشا ءتىزىلدى)
2016.12.29 16:06 كەلۋ قاينارى : حالىق تورابى
 |
、 |
1. ازيا نەگىزدىك قۇرىلعىلارعا قارجى قوسۋ بانكەسى رەسمي جۇمىس باستادى
ازيا نەگىزدىك قۇرىلعىلارعا قارجى قوسۋ بانكەسىنىڭ جۇمىس باستاۋ سالتى جانە القالار كەڭەسى مەن ديرەكتورلار كەڭەسىن قۇرۋ جينالىسى 16 – قاڭتاردان 18 – قاڭتارعا دەيىن بەيجيڭدە وتكىزىلدى. دۇنيە ءجۇزى بويىنشا تۇڭعىش رەت جۇڭگونىڭ دارىپتەمەسىمەن قۇرىلعان كوپ جاقتى فينانس قۇرىلىمى ىسكە ءتۇستى. ازيا نەگىزدىك قۇرىلعىلارعا قارجى قوسۋ بانكەسىنىڭ رەسمي قۇرىلىپ، جۇمىس باستاۋى ازيا ءوڭىرىنىڭ نەگىزدىك قۇرىلعىلاردى قارجىلاندىرۋىن ويداعىداي جەبەپ، وڭىرلىك سەلبەستىك جانە ەكونوميكانى ءبىر تۇلعالاندىرۋ اياق الىسىن ىلگەرىلەتەدى، بۇل ازياداعى دامۋ ۇستىندەگى مۇشە ەلدەردىڭ قارجىلاندىرۋ ورتاسىنا دا پايدالى، كاسىپتەنۋ ورايىن جاراتىپ، ورتا، ۇزاق مەزگىلدىك دامۋ كومەسكى كۇشىن نىعايتادى، ازيانىڭ، ءتىپتى دۇنيە ءجۇزىنىڭ ەكونوميكاسىنىڭ ارتۋىندا بەلسەندى رول اتقارادى. العاشقى توپتا 4 نىسان ماقۇلداندى، بۇعان جالپى 509 ميلليون امەريكا دوللارى قارىز بەرىلەدى.
2. ازاتتىق ارميانىڭ 5 ءىرى سوعىستىق رايونى قۇرىلدى
جۇڭگو حالىق ازاتتىق ارمياسىنىڭ سوعىستىق رايوندارىن قۇرۋ ءماجىلىسى 1 - اقپاندا بەيجيڭدەگى 1 - تامىز سارايىندا سالتاناتپەن ءوتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شىعىس، وڭتۇستىك، باتىس، سولتۇستىك جانە ورتا بولىك سوعىستىق رايوندارىنا اسكەري تۋ بەردى ءارى بۇيرىق ءتۇسىردى، ول مىنالاردى دارىپتەدى: شىعىس، وڭتۇستىك، باتىس، سولتۇستىك جانە ورتا بولىك سوعىستىق رايوندارىن قۇرۋ، سوعىس رايوندارىنىڭ بىرلەسىپ سوعىس جۇرگىزۋىنە قولباسشىلىق ەتۋ قۇرىلىمىن ۇيىمداستىرۋ __ پارتيا ورتالىق كوميتەتى مەن ورتالىق اسكەري ىستەر كوميتەتىنىڭ جۇڭگو ارمانىن، ارميانى قۇدىرەتتەندىرۋ ارمانىن ىسكە اسىرۋدا ورتاعا قويعان ستراتەگيالىق شەشىمى، رەفورما ارقىلى ارميانى قۇدىرەتتەندىرۋ ستراتەگياسىن جاپپاي اتقارۋداعى بوگەنايلىق شاراسى.3. تيجارات باجىسىن ارتقان قۇن باجىسىنا وزگەرتۋدى تۇيىندە سىناق ەتۋ جاپپاي ورىستەتىلدى
1 – مامىردان باستاپ ەلىمىز تيجارات باجىسىن ارتقان قۇن باجىسىنا وزگەرتۋدى تۇيىندە سىناق ەتۋدى جاپپاي اتقاردى، سىناق ەتۋ كولەمى قۇرىلىس، قورا – جاي، فينانس، تۇرمىستىق قىزمەت وتەۋ كاسىپتەرىنە كەڭەيتىلدى، سونداي – اق بارلىق كاسىپورىننىڭ جاڭادان ەنگىزگەن جىلجىمايتىن مۇلكى قامتيتىن ارتقان قۇن باجىسى دولايلاستىرۋ كولەمىنە ەنگىزىلىپ، بارلىق كاسىپتەگى باجى اۋىرتپالىعىنىڭ ازايۋىنا، ارتپاۋىنا كەپىلدىك ەتىلدى. بۇل ەلىمىزدىڭ باجى رەفورماسىندا شەشۋشى قادام تاستالعانىن، مەملەكەتتى وڭاۋ نەگىزىنىڭ ءتىپتى دە بەكەمدەلەتىنىن اڭعارتادى.قاڭتاردان قازانعا دەيىن تيجارات باجىسىن ارتقان قۇن باجىسىنا وزگەرتۋدەن كەمەيگەن جالپى باجى سوماسى 371 ميلليارد 700 ميلليون يۋانعا جەتتى، تۇتاس جىلدا تيجارات باجىسىن ارتقان قۇن باجىسىنا وزگەرتۋدەن كەمەيەتىن باجى مەجەمەن 500 ميلليارد يۋاننان اسۋى مۇمكىن، بۇل قامداۋ تۇرىندەگى قۇرىلىمدىق رەفورماعا پارمەندى سايكەستى.
4. جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى وتكىزىلدى
جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى 1 - شىلدە تۇستەن بۇرىن بەيجيڭدەگى حالىق سارايىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ مىنانى باسا دارىپتەدى: پارتيامىز 95 جىلدىق تاريحتى باستان وتكەرسە دە، ءبىز پارتيامىز قۇرىلعان ساتتەگى جۇڭگو كوممۋنيستەرىنىڭ كۇرەسكەرلىك رۋحىن ماڭگى ساقتاۋىمىز، حالىققا دەگەن ادال كوڭىلدەن ماڭگى اجىراماۋىمىز كەرەك. قالاي العا تارتساق تا، باسقان ءىزىمىزدى؛ قانشا الىسقا ۇزاپ، قانشا نۇرلى بولاشاققا قادام قويساق تا، باستان وتكەن مەن نە ءۇشىن جولعا شىققانىمىزدى ەستەن شىعارماۋىمىز كەرەك. بولاشاقتى بەتكە الىپ، سىناققا ءدوپ كەلگەندە، بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، ۇدەرە العا تارتۋى قاجەت.
5. جۇڭگو ايەلدەر ۆولەيبول قۇراماسى 12 جىلدان سوڭ وليمپيادانىڭ التىن مەدالىن تاعى دا الدى
22 – تامىزدا دۇنيە ءجۇزى نازار اۋدارعان 31 - كەزەكتى وليمپيادا جينالىسىندا جۇڭگو ايەلدەر ۆولەيبول قۇراماسى بىرگە قارسى 3 ۇپايمەن سەربيا قۇرامىن جەڭىپ، 12 جىلدان سوڭ وليمپيادانىڭ التىن مەدالىن تاعى دا الىپ، توپتان وزۋعا تالپىنۋ جىگەرى مەن قايراتتانا العا ۇمتىلۋ رۋحاني بەت – بەينەسىن ايگىلەدى. ءبىر ميللياردقا جۋىق جۇڭگو كورەرمەنى ريو - دە – جانەيرو وليمپياداسىنىڭ ايەلدەر ۆولەيبول شەشۋشى جارىسىنا نازارىن شوعىرلاندىردى. جۇڭگو ايەلدەر ۆولەيبول قۇراماسىنىڭ اعا جۇلدەگەر بولۋى حالىقتىڭ رۋحىن تاسىتىپ، «جۇڭگو ايەلدەر ۆولەيبول قۇراماسىنان ۇيرەنۋ» ورلەۋى كوتەرىلدى.
6. 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋى وتكىزىلدى
20 ەل توبىنا مۇشە ەلدەر باسشىلارىنىڭ 11 - رەتكى باس قوسۋى 4 – قىركۇيەكتەن 5 – قىركۇيەككە دەيىن جىجياڭ ولكەسىنىڭ حاڭجوۋ قالاسىندا وتكىزىلدى. بۇل __ جۇڭگونىڭ 20 ەل توبىنا مۇشە ەلدەر باسشىلارىنىڭ باس قوسۋىن تۇڭعىش رەت وتكىزۋى. وسى رەتكى باس قوسۋدىڭ باس تاقىرىبى __ «دۇنيە ءجۇزىنىڭ جاڭاشىل، ومىرشەڭ، ىلىكتەس، سيىمدى شارۋاشىلىعىن قۇرۋ» بولدى. ماجىلىستە «20 ەل توبىنىڭ جاڭالىق جاراتۋ، كىرىستى ارتتىرۋ جوباسى» سياقتى 28 قۇجات ماقۇلدانىپ، دۇنيە ءجۇزى ەكونوميكاسىنىڭ ءۇرتىس، اقاۋسىز دامۋ جولىن تابۋعا بەل شەشىپ كىرىسۋ ۇيعارىلدى. 20 ەل توبىنا مۇشە ەلدەر باسشىلارىنىڭ حاڭجوۋداعى باس قوسۋى بيىل ەلىمىزدە وتكىزىلگەن ەڭ ماڭىزدى ديپلوماتيالىق قيمىل سانالىپ، ءبىرقىدىرۋ بەلسەندى تابىسقا قول جەتكىزىپ، ەل ءىشى – سىرتىنىڭ جوعارى باعاسىن الدى.
7. شىنجوۋ – 11 تيانگۇڭ – 2 مەن ءساتتى توعىستىرىلدى
تيانگۇڭ - 2 كەڭىستىك تاجىريبەحاناسى 15 – قىركۇيەكتە جيۋچۋان جاساندى سەرىك ۇشىرۋ ورتالىعىندا ءساتتى ۇشىرىلدى. 17 – قازاندا شىنجوۋ - 11 الەم كەمەسى جيۋچۋان جاساندى سەرىك ۇشىرۋ ورتالىعىندا كوككە كوتەرىلىپ، 2 عارىشكەردى عارىشقا ءساتتى شىعاردى. 19 – قازاندا شىنجوۋ – 11 الەم كەمەسى تيانگۇڭ – 2 كەڭىستىك تاجىريبەحاناسىمەن اۆتوماتتى توعىستىرىلدى. 18 – قاراشادا شىنجوۋ - 11 الەم كەمەسىنىڭ ورالۋ بولمەسى قۇرلىققا قوندى. 2 عارىشكەر تيانگۇڭ - 2 كەڭىستىك تاجىريبەحاناسى مەن شىنجوۋ - 11 الەم كەمەسىنىڭ قوسپا تۇلعاسىندا 30 كۇن ايالداپ، ءبىرقىدىرۋ كەڭىستىك عىلمي تاجىريبەسى مەن تەحنيكالىق سىناعىن ورىنداپ، جۇڭگو عارىشكەرلەرىنىڭ عارىشتا ايالداۋ ۋاقىتىندا جاڭا رەكورد جاراتتى.
8. ەرەكشە دارەجەدەگى «جۇڭگونىڭ اسپان كوزى» اتالعان، ديامەترى 500 مەترلىك الىپ سفەرالىق راديو تەلەسكوبى (FAST) 25 – قىركۇيەكتە گۇيجوۋ ولكەسىنىڭ پيڭتاڭ اۋدانىنداعى كارست ويپاڭىنا ورنالاستىرىلىپ، الەمنىڭ تەرەڭ تۇكپىرىنەن كەلگەن ەلەكتر ماگنيت تولقىنىن قابىلداي باستادى. بۇل ەلىمىزدىڭ عىلىم-تەحنيكا جاعىندا تىڭ ىلگەرىلەۋشىلىككە قول جەتكىزگەندىگىن اڭعارتادى. الىپ سفەرالىق راديو تەلەسكوبىن جاساۋ جوسپارىن ەلىمىزدەگى استرونوميا عالىمدارى 1994-جىلى ورتاعا قويعان. سودان بەرى عالىمداردىڭ 22 جىلدىق جاپالى ەڭبەگى ارقىلى ەلىمىزدىڭ ءبىلىم مەنشىك ۇقىعىندا بەلگىلى ورىن يەلەيتىن، دۇنيە ءجۇزى بويىنشا ديامەترى ەڭ ۇلكەن، ەڭ سەزگىر سفەرلىق راديو تەلەسكوبى جاسالدى.
9. قىزىل ارميا ۇزاق جورىق جەڭىسىنىڭ 80 جىلدىعىن ەسكە ءتۇسىرۋ جينالىسى وتكىزىلدى
قىزىل ارميا ۇزاق جورىق جەڭىسىنىڭ 80 جىلدىعىن ەسكە ءتۇسىرۋ جينالىسى 21 - قازان تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، مىنالاردى دارىپتەدى: تاريح ۇزدىكسىز العا باسىپ وتىرادى، ارماننىڭ اسقارىنا جەتۋ ءۇشىن، ءوزىمىز ۇيعارعان جولمەن ۇزبەي العا باسۋعا ءتيىسپىز. ءار بۋىننىڭ ءوز ۇزاق جورىعى بولادى، ءار بۋىن ءوزىنىڭ ۇزاق جورىعىن جاقسى وتكەرۋى كەرەك. بۇگىنگى تاڭدا، ءبىزدىڭ بۋىننىڭ ۇزاق جورىعى «ەكى 100 جىلدىق» كۇرەس نىساناسىن، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ بولماق. ۇزاق جورىق − ماڭگىلىك جول.
10. ج ك پ 18 - كەزەكتى ورتالىق كوميتەتىنىڭ التىنشى جالپى ماجىلىسىندە نازار پارتيانى جاپپاي قاتاڭ باسقارۋعا شوعىرلاندى
جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ التىنشى جالپى ءماجىلىسى 24 - قازاننان 27 - قازانعا دەيىن بەيجيڭدە وتكىزىلدى. ماجىلىستە «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر» مەن «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسى» قارالدى جانە ماقۇلداندى، جالپى ءماجىلىس بۇكىل پارتياداعى جولداستاردى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، وسى جولعى جالپى ءماجىلىستىڭ رۋحىن جاپپاي ىشكەرىلەي دايەكتىلەندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، پارتيا ورتالىق كوميتەتىنىڭ بەدەلى مەن پارتيا ورتالىق كوميتەتىنىڭ شوعىرلى ءبىر تۇتاس باسشىلىعىن تاباندىلىقپەن قورعاپ، پارتيانى جاپپاي قاتاڭ جونگە سالۋدى ۇزدىكسىز العا ىلگەرىلەتىپ، ستيلى پاك، سالتى دۇرىس ساياسي ەكولوگيانى بىرگە قالىپتاستىرۋعا ۇندەدى. جىل باسىنان بەرى بۇكىل پارتيادا «پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ» ۇيرەنۋ - تاربيە قيمىلى ورىستەتىلدى، سونىمەن بىرگە جەمقورلىققا قارسى تۇرۋ تەبىنى ۇزدىكسىز كۇشەيتىلدى، بيىل 28 ورتا دارەجەلى باسقارۋشى كادرعا پارتيا ءتارتىبى جازاسى بەرىلدى. بيىل 30 – قاراشاعا دەيىن ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 3 مىڭ 894 ماسەلە تەكسەرىپ ءبىر جاقتى ەتىلدى، 5 مىڭ 550 ادام ءبىر جاقتى ەتىلدى، 3 مىڭ 987 ادامعا پارتيا ءتارتىبى، اكىمشىلىك ءتارتىپ جازاسى بەرىلدى.
بەتتى جوبالاعان: ساي حۋاۋەي
سۋرەت تۇسىنىكتەرى:
1- سۋرەتتە: 20 ەل توبىنا مۇشە ەلدەردىڭ جانە سيلى قوناق ەلدەرىنىڭ باسشىلارى، قاتىستى حالىقارالىق ۇيىمداردىڭ جاۋاپتىلارى توپتىق ەستەلىك سۋرەتكە ءتۇستى.
2 – سۋرەتتە: 1 – شىلدەدە توڭكەرىستىك بايىرعى رايون سىچۋان ولكەسى حۋايىڭ قالاسى بايمۋشان قىستاعىنداعى پارتيا مۇشەلەرى، كادرلار جۇرتشىلىعى پارتيا قۇرىلعاندىعىنىڭ 95 جىلدىعىن قۇتتىقتاۋ جينالىسىن تەلەۆيزوردىڭ تىكە بەرىلىمىنەن كورۋدە.
3 – سۋرەتتە: 20 – تامىزدا ريو - دە – جانەيرو وليمپياداسىندا ايەلدەر ۆولەيبول جارىسىنىڭ سيلىعى تاراتىلۋدا.
4 – سۋرەتتە: ورتا بولەك سوعىس رايونى قۇرلىق ارمياسى 54 – توبى يەتيڭ دەربەس تۋانىندەگى كوماندير – جاۋىنگەرلەر جاتتىعۋ جۇرگىزۋدە.
5 – سۋرەتتە: 2 عارىشكەر توعىستىرۋ مىندەتىن ورىنداپ بولعان سوڭ تىك تۇرىپ باس بارماقتارىن شىعارىپ ءبىر – ءبىرىن قۇتتىقتاۋدا.
6 – سۋرەتتە: تاۋ قويناۋىنداعى «اسپان كوزى» ينجەنەرياسى.
7 – سۋرەتتە: فۋجوۋ قالاسى تايجياڭ رايوندىق پارتيا كوميتەتىنىڭ پارتيا مەكتەبى چاتيڭ ءمالى باسقارماسىنداعى ساقا پارتيا مۇشەلەرىنە پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇگىتتەۋدە.
8 – سۋرەتتە: بەيجيڭ قالاسى فينانس كوشەسىندەگى ازيا نەگىزدىك قۇرىلعىلارعا قارجى قوسۋ بانكەسىنىڭ باس شتابى عيماراتىنىڭ الدىنداعى ەسكەرتكىش تاس.
9 – سۋرەتتە: قىزىل ارميا ۇزاق جورىق جەڭىسىنىڭ 80 جىلدىعىن ەسكە ءتۇسىرۋ جينالىسى 21 - قازاندا بەيجيڭدەگى حالىق سارايىندا سالتاناتپەن وتكىزىلدى.
10 – سۋرەتتە: حىنان ولكەسى جىڭجوۋ ەكونوميكالىق – تەحنيكالىق اشۋ رايونى جەرگىلىكتى باجى مەكەمەسىنىڭ باجى ىستەرىن ءبىتىرۋ زالىندا قىزمەتكەرلەر باجى تاپسىرۋشىلارعا كەڭەس بەرۋدە.
(بۇل بەتتەگى سۋرەتتەردى شينحۋا اگەنتتىگى، حالىق تورابىنىڭ فوتوگرافيا ءبولىمى قامدادى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
