جاڭ گاۋلي قازاقستان پرەزيدەنتىمەن كەزدەستى

ءارى جۇڭگو – قازاقستان سەلبەستىك كوميتەتىنىڭ 8 – كەزەكتى ءماجىلىسىن باسقاردى

2017.04.19 13:58   كەلۋ قاينارى : حالىق تورابى

　　حالىق گازەتى، 18 – ءساۋىر، بەيجيڭ (جوۋ حانبو). مەملەكەتتىك كەڭەس زۇڭليىنىڭ ورىنباسارى جاڭ گاۋلي 18 – ناۋرىزدا قازاقستاننىڭ استانا قالاسىندا قازاقستان پرەزيدەنتى نازاربەيەۆپەن، پرەمەر – مينيسترى ساعىنتايەۆپەن كەزدەستى ءارى پرەمەر – مينيستردىڭ ءبىرىنشى ورىنباسارى اسقار مامينمەن بىرگە جۇڭگو – قازاقستان سەلبەستىك كوميتەتىنىڭ 8 – ءماجىلىسىن باسقاردى.

　　نازاربايەۆپەن كەزدەسكەندە، جاڭ گاۋلي الدىمەن ءتوراعا شي جينپيڭنىڭ ىقىلاستى سالەمى مەن جاقسى تىلەگىن جەتكىزدى. جاڭ گاۋلي بىلاي دەدى: بيىل جۇڭگو مەن قازاقستاننىڭ ديپوماتيالىق قارىم – قاتىناس ورناتقاندىعىنىڭ 25 جىلدىعى. ەكى ەل ساياسي جاقتاعى ءوزارا سەنىمدىلىكتى ۇزدىكسىز نىعايتىپ، ناقتى ىستەردەگى سەلبەستىكتى تىڭعىلىقتى ىلگەرىلەتىپ، شىن مانىندەگى مۇددەلەس تۇلعا جانە تاعدىرلاس تۇلعاعا اينالدى. بۇل رەتكى ساپارداعى ماقساتىم: ەكى ەل باسشىلارىنىڭ وسىنىڭ الدىندا ءبىر ارناعا توعىسقان ماڭىزدى ۇستانىمدارىن تياناقتاندىرۋدى جەدەلدەتۋ ءارى بيىل ءتوراعا شي جينپيڭ مەن پرەزيدەنت نازاربايەۆتىڭ كەڭەس وتكىزۋىنە دايىندىق جاساۋ بولىپ تابىلادى.

　　ەكى ەل باسشىلارىنىڭ كوڭىل ءبولۋى جانە بىرلىكتە ىلگەرىلەتۋىنىڭ ارقاسىندا، جۇڭگو مەن قازاقستان «ءبىر بەلدەۋ، ءبىر جول» قۇرىلىسىن بىرلىكتە كوركەيتۋدە قوماقتى تابىستارعا قول جەتكىزدى، ەكى ەل سەلبەستىگىنىڭ كولەمى مەن ساپاسى جاڭا بەلەسكە قادام تاستادى. الداعى جەردە ەكى ەل باسشىلارىنىڭ جوسپارى مەن ورنالاستىرۋى بويىنشا، دامۋ ستراتەگيالارىن اناعۇرلىم سايكەستىرىپ، ءتۇيىندى سالالارداعى سەلبەستىكتى تەرەڭدەتىپ، سەلبەستىك جاسايتىن سالالاردى بەلسەندى تۇردە كەڭەيتىپ، جۇڭگو – قازاقستان ەكى ەل سەلبەستىگىنىڭ ۇزدىكسىز تۇردە اناعۇرلىم مول ناتيجەلەرگە جەتە بەرۋىنە كەپىلدىك ەتەمىز. جۇڭگو جاق پرەزيدەنت نازاربايەۆتىڭ بيىل مامىردا «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسىپ، وسى ورايدا ەكى ەلدىڭ ناقتى ىستەردەگى سەلبەستىگىنىڭ اياق الىسىن ىلگەرىلەتۋىن قارسى الادى.

　　نازاربايەۆ جاڭ گاۋليدەن ءتوراعا شي جينپيڭگە ىقىلاستى سالەمىن جانە جاقسى تىلەگىن جەتكىزۋدى ءوتىندى. ول بىلاي دەدى: جۇڭگو – قازاقستان قارىم – قاتىناسى تاريحتاعى ەڭ جاقسى دەڭگەيدە تۇر، جان – جاقتىلى ستراتەگيالىق سەرىكتەستىك قارىم – قاتىناسىنىڭ ۇلگىسىنە اينالدى. قازاقستاننىڭ جۋىرداعى جىلداردا قول جەتكىزگەن قوماقتى تابىستارىن جۇڭگو جاقتىڭ زور كۇشپەن قولداۋىنان بولە قاراۋعا بولمايدى. قازاقستان جاق جۇڭگونىڭ ىشكى – سىرتقى ساياساتتارىن باتىل قولدايدى، «ءبىر بەلدەۋ، ءبىر جول» ۇندەۋىن بۇكىلدەي قولدايدى. مەن ۇسىنىس بويىنشا فورۋمعا قاتىناسىپ، ءتوراعا شي جينپيڭمەن بىرگە ەكى ەلدىڭ دامۋ ستراتەگياسىن سايكەستىرۋ ىستەرىن ەگجەي – تەگجەيلى كەڭەسەتىندىگىمىزگە وتە قۋانىشتىمىن.

　　كەلۋ قاينارى: حالىق تورابى