60 جىلدان استام ۋاقىتتا ءبىر عانا ىسپەن شۇعىلدانىپ، مىلتىق ءدارىسىن شىت جاڭا تۇسكە ەنگىزگەن «جۇڭگونىڭ نوبەلى»

2018.01.09 16:12   كەلۋ قاينارى : حالىق تورابى

　　__ 2017 – جىلعى مەملەكەتتىڭ ەڭ جوعارى عىلىم - تەحنيكا سيلىعىنىڭ يەگەرى، قوپارعىش ءدارى مامانى ۋاڭ زىشيان اكادەميك جونىندە


　　جوعارىدا: ۋاڭ زىشان اكادەميك نانجيڭ جاراتىلىستىق عىلىمدار ۋنيۆەرسيتەتى تاڭشان عىلمي زەرتتەۋ تاجىريبە ورتالىعىنىڭ نىسانا الاڭىندا (2017 – جىلى 27 – جەلتوقساندا تۇسىرىلگەن).


　　عىلمي زەرتتەۋمەن شۇعىلدانعانىنا 60 جىلدان استى، ول عىلمي زەرتتەۋدەن قول ۇزسە قۇلازىپ قالادى؛ جۇڭگونىڭ مىلتىق دارىسىندە تىڭ تابىس جاراتۋعا بەل بايلادى، جاسى سەكسەننەن اسقان ول ءالى دە عىلمي زەرتتەۋدىڭ ءبىرىنشى شەبىندە كۇرەس جۇرگىزۋدە، ءبىر جىلدىڭ جارىمىن ىسساپارمەن وتكىزەدى، سىرتقا دەمالىسقا شىقسا، جۇبايىمەن «سەن ادەتتەگىدەي دەمال، مەن بولمەدە قالىپتى قىزمەت ىستەيىن» دەگەن مازمۇندا كەلىسىپ الادى... ول 8 – جەلتوقساندا 2017 – جىلعى مەملەكەتتىڭ ەڭ جوعارى عىلىم - تەحنيكا سيلىعىن العان نانجيڭ جاراتىلىستىق عىلىمدار ۋنيۆەرسيتەتىنىڭ پروفەسسورى، جۇڭگو ينجەنەريا اكادەمياسىنىڭ اكادەميگى ۋاڭ زىشان ەدى. قوپارعىش ءدارىنى تاپقىرلاۋشى نوبەلدەن ءبىر عاسىر كەيىن تۋىلعان ۋاڭ زىشان قوپارعىش ءدارىنى زەرتتەۋ جاعىنداعى ۇلەسىمەن «جۇڭگونىڭ نوبەلى» دەپ اتالعان. ول قوپارعىش ءدارىنى 60 نەشە جىل ارناۋلى زەرتتەۋ بارىسىندا وزىندىك جول قالىپتاستىرىپ، شەتەلدىڭ ورەسىنەن اسىپ تۇسكەن ءتول جاسامپازدىق جاراتىپ، جۇڭگونىڭ ەرتە زامانداعى «ءتورت ۇلكەن تاپقىرلىعىنىڭ» ءبىرى __ مىلتىق ءدارىسىن وسى زاماندا شىت جاڭا تۇسكە ەنگىزدى. سۋرەتتى شينحۋا اگەنتتىگىنىڭ ءتىلشىسى جين ليۋاڭ تۇسىرگەن.


　　كەلۋ قاينارى: حالىق تورابى