ىلە وبلىسى جاڭا جىلدى قارسى الۋ مۋزىكا كەشىن وتكىزدى

سۋرەتتەرىن تارتىپ حابارىن جازعان باقىتبەك ءجۇمادىل ۇلى 

2019.01.03 08:39   كەلۋ قاينارى : حالىق تورابى

　　كونە جىلدى ۇزاتىپ سالىپ، جاڭا ءبىر جىلدى قارسى العالى تۇرعان ساتتە ىلە وبلىسى كولەمدى مۋزىكا كەشىن وتكىزىپ، وبلىستاعى قالىڭ كادرلەر مەن ءار ۇلت بۇقاراسىنىڭ شات - شادىمان بەينەدە جاڭا ءبىر جىلعا قادام تاستاعان قۋانىشتى رۋحاني بەينەسىن ايگىلەدى.


　　ىلە وبلىستىق پارتكوم ۇگىت ءبولىمى باس بولىپ ۇيىمداستىرىپ، وبلىستىق مادەنيەت، دەنە تاربيە، راديو - تەلەۆيزيا مەكەمەسى مىندەتىنە الىپ وتكىزگەن بۇل رەتكى مۋزىكا كەشى وتكەن جىلى 12 - ايدىڭ 29 - كۇنى كەشتە ىلە تەاترحاناسىندا وتكىزىلدى. مۋزىكا كەشىندە ىلە وبلىسىنداعى ورگاندار رەفورماسىنىڭ باستاماسى رەتىندە جۋىقتا عانا وبلىستاعى بۇرىنعى ءۇش ۇلكەن تەاتر ۇيىرمەسىنىڭ بىرىكتىرىلۋىمەن قۇرىلعان ىلە ءان - ءبي تەاترى كولەمدى وركەستىرى كلاسسيكالىق جانە وسىزامانعى ايگىلى مۋزىكالاردى ورىنداپ، وبلىستاعى جانە سىرت ورىنداردان ارنايى ۇسنىس ەتىلگەن كاسىپتىك انشىلەر تامىلجىتا ءان شىرقاپ تىڭداۋشىنىڭ قۇلاق قۇرىشىن قاندىردى. مۇنان سىرت، مۋزىكا كەشىندە قۇلجا قالاسى قازانشى كوشە ءىس باسقارماسى مويكى الەۋمەتتىك رايونى، قورعاس اۋدانى لاڭگار اۋىلى قاتارلى نەگىزگى ساتىلارداعى كادرلەر مەن جۇرتشىلىقتان ۇيىمداسقان «قىزىل ءان ايتۋ قور ۇيىرمەلەرى» پارتيانى، ۇلى وتاندى، باقىتتى تۇرمىستى جىرلاعان قىزىل اندەردەن كوللەكتيۆ قور ورىنداپ، ءار ۇلت كادرلەرى مەن جۇرتشىلىعىنىڭ پارتياعا، وتانعا، بارشاعا باقىت سيلاعان زامانعا دەگەن العىسىن بەينەلەپ، جينالعان كورەرمەندەردى ورنىقتىلىقتى بەكەمدەپ، بەرەكەلى قوعام قۇرۋ، ۇلتتار ىنتىماعىنىڭ ۇلى شاڭىراعىن ونان ارى كوركەيتىپ، قوعام ورنىقتىلىعى مەن باياندى تىنىشتىقتى كەپىلدەندىرۋدەي باس نىسانانى ورىنداۋعا بىرلىكتە ات سالىسىپ، جالپى بەتتىك دوڭگەلەك داۋلەتتى قوعامعا كۇنى بۇرىن جەتۋگە كۇش قوسۋعا جىگەرلەندىردى.


　　كەلۋ قاينارى: حالىق تورابى