شي جينپيڭ رەسەيدىڭ پرەزيدەنتى پۋتينمەن كەڭەس وتكىزدى

2019.06.06 15:02   كەلۋ قاينارى : حالىق تورابى

　　شينحۋا اگەنتتىگى، 6 - ايدىڭ 5 - كۇنى، ماسكەۋ (تىلشىلەر فان ۋەيگو، حو شياۋگۋاڭ، ليۋ شاڭ). مەملەكەت ءتوراعاسى شي جينپيڭ 6 - ايدىڭ 5 - كۇنى ماسكەۋدەگى كرەمل سارايىندا رەسەيدىڭ پرەزيدەنتى پۋتينمەن كەڭەس وتكىزدى. ەكى ەل باسشىلارى ديپلوماتيالىق قاتىناس ورناتقان 70 جىلدان بەرگى ەكى جاقتى قاتىناستىڭ دامۋىنا جوعارى باعا بەرىپ، تاتۋ كورشىلىك، سەلبەستىك جاساپ، تەڭ يگىلىككە كەنەلۋ ۇستانىمىنان جازباي، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك ارىپتەستىك قاتىناسىن دامىتىپ، ەكى ەل قاتىناسىن ءتىپتى دە جوعارى دەڭگەيگە كوتەرىپ، ەكى ەل حالىقتارى مەن دۇنيە ءجۇزى حالىقتارىن ءتىپتى دە جاقسى يگىلىككە كەنەلتۋگە ءبىر اۋىزدان ماقۇل بولدى.

　　شي جينپيڭ مىنالاردى اتاپ كورسەتتى: بۇل − مەنىڭ مەملەكەت ءتوراعالىعى مىندەتىن قايتادان وتەگەننەن كەيىن رەسەيدە تۇڭعىش رەت مەملەكەتتىك ساپاردا بولۋىم ءارى 2013 - جىلدان بەرى رەسەيگە 8 - رەت ساپارلاي كەلۋىم. قازىر جۇڭگو مەن رەسەي قاتىناسى جوعارى دەڭگەيدە باياندى، ورنىقتى، اقاۋسىز دامىپ، تاريحتاعى ەڭ جاقسى مەزگىلدە تۇر. ەكى جاق قارسى جاقتىڭ ءوز ەلىنىڭ وزەكتى مۇددەسىن قورعاۋىن باتىل قولدايدى، ساياسي جانە ستراتەگيالىق ءوزارا سەنىمى بەرىك؛ ءار سالاداعى سەلبەستىك بەلسەنە ىلگەرىلەتىلىپ، ەكى ەل قاتىناسىنىڭ ىشكى قوزعاۋشى كۇشى ۇزدىكسىز كورنەكتىلەنىپ، مۇددەلىك توعىسۋ كۇن سايىن تەرەڭدەدى؛ حالىقارالىق ىستەرگە جانە دۇنيە ءجۇزىن جونگە سالۋعا بەلسەنە ات سالىسىپ، دۇنيە ءجۇزىنىڭ بەيبىتشىلىگى مەن ورنىقتىلىعىن جانە حالىقارالىق ادىلدىك پەن ادىلەتتىلىكتى قورعاۋدا ماڭىزدى سىندارلى رول اتقاردى.

　　كەلۋ قاينارى: حالىق تورابى