[قۇربان ايتتى بىرگە وتكىزۋ] تيانشاننىڭ تۇستىگى مەن تەرىستىگى بەرەكەلى شاتتىققا بولەندى

2019.08.13 13:32   كەلۋ قاينارى : حالىق تورابى

　　سۋرەتتە: 8 – ايدىڭ 11 – كۇنى ءۇرىمجى قالالىق ورمان شارۋاشىلىعى جانە جايىلىم مەكەمەسى (ءۇرىمجى قالالىق باۋ – باقشانى باسقارۋ مەكەمەسى) سايباق رايونى حوتان كوشەسى بولەگىن باسقارۋ كوميتەتى جۋجياڭ جولى سولتۇستىك الەۋمەتتىك وڭىرىنە ورنالاسقان «ۇعىسۋ، تيىمدىلىك جەتكىزۋ، توعىستىرۋ» قىزمەت اترەتىنىڭ مۇشەلەرى قاراماعىنداعى تۇرعىنداردىڭ ۇيىنە ايتتاپ بارىپ، قۇربان ايتتى بىرگە وتكىزدى. شينجياڭ گازەتىنىڭ ءتىلشىسى ۋاڭ جىن فوتوسى

　　2019 – جىلى 8 – ايدىڭ 11 – كۇنى قۇربان ايت، شينجياڭداعى ءار دارەجەلى «ۇعىسۋ، تيىمدىلىك جەتكىزۋ، توعىستىرۋ» قىزمەتىمەن قىستاقتارعا ورنالاسقان قىزمەت اترەتتەرى مەن تۋىستاسقان كادرلار ءتۇرلى فورمالار ارقىلى ءار ۇلت بۇقاراسىنان حال سۇراپ، مەرەكەنى بىرگە وتكىزدى؛ جۇپ قۇراعان تۋىستار ءبىر – بىرىنە تىلەك ءبىلدىرىپ، باقىتتى بولاشاق جايلى اڭگىمەلەستى.

　　■ ءتۇرلى قيمىلدار ارقىلى مەرەكەنى قۇتتىقتادى

　　8 – ايدىڭ 11 – كۇنى تاڭەرتەڭ ماناس اۋدانى لانجوۋۋان قالاشىعى باجياحۋ قىستاعى مادەنيەت ءۇيىنىڭ الدىنا ەكى ۇستەل جالعاپ قويىلىپ، ۇستەلگە قاۋىن - قاربىز، ءۇزىم، الما، شاپتول، الحور قاتارلى جەمىس – جيدەكتەر ءتىزىلدى، بۇل جەمىستەردىڭ ءبارى سانجى گازەتى مەكەمەسىنىڭ باجياحۋ قىستاعىنا ورنالاسقان «ۇعىسۋ، تيىمدىلىك جەتكىزۋ، توعىستىرۋ» قىزمەتى گرۋپپاسىنىڭ قىستاق تۇرعىندارىن اۋلالىق ەكونوميكانى دامىتۋعا شابىتتاندىرۋىنىڭ جەمىسى ەسەپتەلەدى.

　　قۇربان ايت كۇنى وتكىزىلگەن جەمىس – جيدەكتەردىڭ ءدامىن تاتىپ سارالاۋ جيىنىندا قىزمەت اترەتىندەگى قىزمەتكەرلەر مەن ءارقايسى قىستاقتىڭ تۇرعىندارى ۇستەلدى اينالا بىرگە وتىرىپ، ۇلتتار ىنتىماعىن تىلگە تيەك ەتىپ، بولاشاقتاعى باقىتتى تۇرمىسقا كوز تاستادى.

　　80 جاستاعى جين جىيىڭ قارت ءبىر جاعىنان قاۋىن جەي وتىرىپ: «ءار جولى مەرەكە وتكىزگەن سايىن، قىزمەت اترەتىندەگىلەر مەن قىستاقتاعى كادرلەر سالەم – ساۋقىتتارىن الىپ، ءبىز سياقتى جالعىز وتىرعان قارتتارعا امانداسا كەلەدى، قىستاق ۇيىمداستىرعان قيمىلدارعا دا ءبىزدى شاقىرىپ قاتىناستىرادى، كوپشىلىك ءبىر ءۇيدىڭ ادامىنداي بولىپ كەتتى»، — دەپ كوڭىلدەنە اڭگىمەلەدى.

　　كەلۋ قاينارى: حالىق تورابى