7 - كەزەكتى دۇنيە جۇزىلىك اسكەريلەر دەنە تاربيە جارىسىنىڭ سيلىق مەدالى، سيلىق لوڭقاسى رەسمي بوي جاريا ەتىلدى

2019.10.11 16:47   كەلۋ قاينارى : حالىق تورابى

　　شينحۋا اگەنتتىگى، 10 - ايدىڭ 10 – كۇنى، ۋحان (ءتىلشى ۋاڭ زىچىن). 7 - كەزەكتى دۇنيە جۇزىلىك اسكەريلەر سپورت جارىسىنىڭ اتقارۋ كوميتەتى 10 - ايدىڭ 10 - كۇنى ۋحاندا اقپار جاريالاۋ ءماجىلىسىن اشىپ، وسى كەزەكتى اسكەريلەر سپورت جارىسىنىڭ سيلىق مەدالىن، سيلىق لوڭقاسى سياقتىلاردى جاريالادى. اسكەريلەر سپورت جارىسىنىڭ مەدالى − «بەيبىتشىلىك، دوستىق جۇلدىزى»، اسكەريلەر سپورت جارىسىنىڭ لوڭقاسى − «سامعاۋ» سياقتىلار رەسمي كورسەتىلدى.

　　اسكەريلەر سپورت جارىسىنىڭ مەدالى «بەيبىتشىلىك، دوستىق جۇلدىزى» دەپ اتالادى، ديامەترى 81 ميلليمەتر، قالىڭدىعى 5 ميلليمەتر، التىن مەدالعا 2 گرام التىن جالاتىلعان، كۇمىس مەدالعا 2 گرام كۇمىس جالاتىلعان، قولا مەدالعا كۇلگىن مىس قولدانىلعان. مەدالدا CISM (حالىقارالىق اسكەريلەر دەنە تاربيە جارىسى القالار كەڭەسى) بەلگىسى مەن 7 - كەزەكتى دۇنيە جۇزىلىك اسكەريلەر دەنە تاربيە جارىسىنىڭ بەلگىسى بولۋدان سىرت، بەس جۇلدىز، قانات، جول، ۇلى قورعان، مەيحۋا گۇلى، حۋاڭحى سامالدىعى وبرازى سياقتى كورۋ تۇيسىگى ەلەمەنتتەرى قامتىلعان.

　　اسكەريلەر سپورت جارىسى لوڭقاسىنىڭ اتى «سامعاۋ» دەپ اتالادى. مەيحۋا گۇلى، بەيبىتشىلىك كوگارشىنى جوبانىڭ باستى ەلەمەنتى ەتىلگەن، «7» سيفرى، جۇگىرۋ جولى، باقىت بۇلتى سياقتىلاردان قۇرالعان. مۇنداعى «7» سيفرى جارىستىڭ 7 – كەزەكتە وتكىزىلىپ وتىرعانىن بىلدىرەدى. مەيحۋا گۇلىندەگى 5 پارشا گۇل جاپىراقشاسى، وليمپيكتىڭ 5 ساقيناسى «ءتىپتى دە تەز، ءتىپتى دە جوعارى، ءتىپتى دە كۇشتى» بولۋ سىندى وليمپيادا رۋحىن ايگىلەيدى.

　　كەلۋ قاينارى: حالىق تورابى