شينجياڭنان شياڭگاڭعا توتە قاتىنايتىن جولاۋشى تاسىمالى اۋە لەنياسى تۇڭعىش رەت ىسكە قوسىلدى
2023.03.09 15:45 كەلۋ قاينارى : حالىق تورابى
سۋرەتتە: 3 – ايدىڭ 8 – كۇنى شياڭگاڭدىق ساياحاتشىلار شينجياڭعا اتتانار الدىندا سۋرەتكە تۇسۋدە. ءۇرىمجى اۆياتسيا سەرىكتەستىگى بەرگەن سۋرەت
شياڭگاڭ ساياحاتشىلارى ۇرىمجىگە جەتكەن سوڭ، شينجياڭداعى 8 كۇندىك ساپارلارىن باستادى، ولار سايرام كولى، نارات، تيانشان بوعدا كولى، قۇمتاع ءشولى قاتارلى شينجياڭداعى ۋاكىلدىك سيپاتقا يە ساياحات ورىندارىنا بارىپ ساياحاتتايدى.
شياڭگاڭدىق ساياحاتشى جاڭ حانىمنىڭ ايتۋىنشا، سىرلى دا كەڭ – بايتاق شينجياڭعا بارۋدى ول بۇرىننان ويلاپ كەلگەن. بيىل 2 – ايدىڭ 6 – كۇنى ىشكى ولكەلەر مەن شياڭگاڭ، اۋمىن اراسىندا ادامداردىڭ بارىس – كەلىسى قالپىنا كەلگەن سوڭ، ول دەرەۋ شينجياڭعا باراتىن ساياحاتشىلار ۇيىرمەسىنە تىزىمدەلگەن، كورىنىستەردى تاماشالاۋدان سىرت، ول جەرگىلىكتى تۇرعىنداردىڭ وتباسىنا بارىپ، ولاردىڭ سالت – سانا، ادەت – عۇرپىمەن تانىسۋدى ويلايدى.
جاڭا اۋە جەلىسىندە سارسەنبى سايىن ۇشاق قاتىنايدى، شياڭگاڭعا باراتىن UQ2651 كەزەكتى ۇشاق ساعات 7 دە ۇرىمجىدەن ۇشىپ، جىڭجوۋ ارقىلى ءجۇرىپ، ساعات 15 تەن 35 مينۋت وتكەندە شياڭگاڭعا جەتەدى. قايتاتىن UQ2652 كەزەكتى ۇشاق ساعات 16 دان 35 مينۋت وتكەندە شياڭگاڭنان ۇشىپ، كەلەسى كۇنى تۇنگى ساعات بىردەن 35 مينۋت وتكەندە ۇرىمجىگە جەتەدى.
ءۇرىمجى اۆياتسيا سەرىكتەستىگى سينگاپۋرعا، جاپونياعا قاتىنايتىن اۋە جولدارىن قالپىنا كەلتىرۋدى ءارى شياڭگاڭ قاتارلى حالىقارالىق جانە رايون ارا اۋە جەلىلەرىن جاڭادان قوسۋدى، «ءبىر بەلدەۋ، ءبىر جول» بويىنداعى حالىقارالىق ەكونوميكالىق سەلبەستىك ءدالىزىن مولايتۋدى جوسپارلاپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
