دامۋ جونىندەگى جۇڭگو جوعارى دارەجەلىلەر تالقى مىنبەرىنىڭ 2023 - جىلعى جىلدىق ءماجىلىسى اشىلدى
ديڭ شۋەشياڭ ءتوراعا شي جينپيڭنىڭ قۇتتىقتاۋ حاتىن وقىدى ءارى ارقاۋ ءسوز سويلەدى
2023.03.27 16:12 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 26 - كۇنى، بەيجيڭ. دامۋ جونىندەگى جۇڭگو جوعارى دارەجەلىلەر تالقى مىنبەرىنىڭ 2023 - جىلعى جىلدىق ءماجىلىسى 3 - ايدىڭ 26 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ اشىلۋ سالتىنا قاتىناسىپ، ءتوراعا شي جينپيڭنىڭ قۇتتىقتاۋ حاتىن وقىدى ءارى ارقاۋ ءسوز سويلەدى.
ديڭ شۋەشياڭ بىلاي دەدى: ءتوراعا شي جينپيڭنىڭ ارنايى قۇتتىقتاۋ حاتىن جولداۋى دامۋ جونىندەگى جۇڭگو جوعارى دارەجەلىلەر تالقى مىنبەرىنە ايرىقشا ءمان بەرەتىنىن تولىق ايگىلەدى. وتكەن ءبىر جىل جۇڭگونىڭ دامۋ بارىسىنداعى توتەنشە ماڭىزدى ءبىر جىل بولدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى - سىرتىنداعى مەجەدەن اۋىر دارەجەدە اسىپ كەتەكن فاكتورلاردىڭ سوققىسىنا سابىرلىلىقپەن توتەپ بەرىپ، ەكونوميكالىق، قوعامدىق جالپى جاعدايدىڭ ورنىقتىلىعىن ساقتادىق. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى. ءبىز ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، ساپالى دامۋدى كۇش سالا ىلگەرىلەتىپ، ارتۋدى ورنىقتىرۋ، جۇمىستانۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە ويداعىداي ىستەپ، ەكونوميكانىڭ ساپاسىن ءونىمدى جوعارىلاتۋ مەن مولشەرىن ۇيلەسىمدى ارتتىرۋدى جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما باستاپ، جاقسى قادام تاستايمىز.
ديڭ شۋەشياڭ مىنالاردى دارىپتەدى: سىرتقا ەسىك اشۋ − جۇڭگونىڭ نەگىزگى مەملەكەت ساياساتى، زامانىمىزداعى جۇڭگونىڭ ايقىن بەلگىسى. جۇڭگو سىرتقا ەسىك اشۋدى ۇزدىكسىز كەڭەيتىپ، ءوزىن دامىتىپ قانا قويماي، دۇنيە جۇزىنە دە باقىت جاراتتى. ءبىزدىڭ جاڭا دامۋ ارناسىن ورناتۋىمىز استە توماعا - تۇيىق ىشكى اينالىم ەمەس، قايتا اناعۇرلىم اشىق ەل ءىشى جانە حالىقارا سىندى قوس اينالىم. ءبىز ەل ءىشى جانە حالىقارا سىندى قوس اينالىمنىڭ ءبىرىن - ءبىرى جەبەۋىن كۇش سالا ىلگەرىلەتىپ، ساپالى ونىمدەر مەن قىزمەت وتەۋ يمپورتىن بەلسەنە كەڭەيتىپ، ءار ەلمەن بازار ورايىنان بىرگە يگىلىكتەنەمىز. بازارعا كىرۋ رۇقساتىن ۇزدىكسىز كەڭەيتىپ، ساۋدا ورتاسىن جاپپاي ساپالىلاندىرىپ، شەتەل كاپيتالىمەن قۇرىلعان كاسىپورىنداردىڭ ازاماتتىق مامىلەسىن ويداعىداي تياناقتاندىرىپ، شەتەل قارجىسىن اناعۇرلىم زور تەبىنمەن باۋرايمىز جانە پايدالانامىز. جوعارى ولشەمدى حالىقارالىق ەكونوميكا - ساۋدا ەرەجەلەرىن اناعۇرلىم ىرىقتىلىقپەن ۇشتاستىرىپ، ەرەجە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، سىرتقا ەسىك اشۋدىڭ جاڭا بيىگىن جەدەل قالىپتاستىرىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتامىز. وڭىرلىك ەسىك اشۋ كەڭىستىگىنىڭ ورنالاسۋىن كەڭەيتىپ جانە ساپالىلاندىرىپ، جەر - جەردى سالىستىرمالى ابزالدىقتى تياناق ەتىپ، ەسىك اشۋدى كەڭەيتۋگە شابىتتاندىرىپ، شىعىس، ورتا، باتىس بولىكتەردىڭ ىقپالداستىعىن، سايكەسە ەسىك اشۋىن جەبەپ، وڭىرلەردىڭ سايكەستى دامۋىن ىلگەرىلەتۋگە دەم بەرەمىز. ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى تىڭعىلىقتى ىلگەرىلەتىپ، جوعارى ولشەمدى، باياندى بولۋ، حالىق تۇرمىسىنا تيىمدىلىك جاساۋ نىساناسىن قۇلشىنا جۇزەگە اسىرىپ، دۇنيە ءجۇزىنىڭ دامۋىنا، گۇلدەنۋىنە تىڭ قوزعاۋشى كۇش ۇستەيمىز.
ديڭ شۋەشياڭ مىنالاردى ءبىلدىردى: اشىق دۇنيە ءجۇزى ەكونوميكاسىن قول ۇستاسا قۇرىپ، ەسىك اشۋ بارىسىندا ورايدان بىرگە يگىلىكتەنىپ، سەلبەستىك بارىسىندا سىن - سايىسقا توتەپ بەرىپ، دۇنيە ءجۇزى ەكونوميكاسىنىڭ ورنىقتى قالپىنا كەلۋىن ىلگەرىلەتۋ كەرەك. ول مىناداي 5 ءتۇرلى دارىپتەمەنى العا قويدى: ءبىرىنشى، حالىقارالىق ماكرولىق ەكونوميكالىق ساياساتتى سايكەستىرۋدى كۇشەيتىپ، ساياساتتاعى ۇشقارى رەتتەۋ سالدارىنان سىرتقا كەرى اسەر جاساۋدان ساقتانۋ كەرەك. ەكىنشى، ناعىز كوپ جاقتىلىقتا تاباندى بولىپ، دۇنيە ءجۇزى ەكونوميكاسىنىڭ قالپىنا كەلۋىنە قۇدىرەتتى وڭ ەنەرگيا قوسىپ، اناعۇرلىم كوپ ورنىقتىلىقپەن جانە تۇراقتىلىقپەن قامداۋ كەرەك. ءۇشىنشى، حالىقارالىق عىلىم - تەحنيكا اۋىس - كۇيىسى مەن سەلبەستىگىن تەرەڭدەتىپ، عىلىم - تەحنيكانى دامىتۋدىڭ اشىق، ءادىل، ادىلەتتى، كەمسىتپەيتىن ورتاسىن قالىپتاستىرۋ كەرەك. ءتورتىنشى، جاسىل سەلبەستىك سەرىكتەستىك قاتىناسىن ورناتىپ، تازا ەنەرگيا، تومەن كومىرتەكتى ورتانى قورعاۋ، لاستانۋدان ساقتانۋ - جونگە سالۋ سياقتى سالالارداعى سەلبەستىكتى كۇشەيتىپ، جاسىل دامۋدىڭ جاڭا قوزعاۋشى كۇشىن جەتىلدىرۋ كەرەك. بەسىنشى، بىرگە دامۋدى كۇش سالا ىلگەرىلەتىپ، دۇنيە جۇزىلىك دامۋ باستاماسىن بەلسەنە تياناقتاندىرىپ، دۇنيە جۇزىلىك دامۋ سەرىكتەستىك قاتىناسىن بىرگە قۇرۋ كەرەك.
وسى كەزەكتى دامۋ جونىندەگى جۇڭگو جوعارى دارەجەلىلەر تالقى مىنبەرىن مەملەكەتتىك كەڭەستىڭ دامۋدى زەرتتەۋ ورتالىعى ۇيىمداستىردى، باستى تاقىرىبى: ”ەكونوميكانىڭ قالپىنا كەلۋى: وراي جانە سەلبەستىك“ بولدى. ەل ءىشى - سىرتىنداعى مامان - وقىمىستىلار، كاسىپكەرلەر، ۇكىمەت ءمانساپتىلارى جانە حالىقارالىق ۇيىمداردىڭ ۋاكىلدەرى اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
