عىلىمدى قىزۋ سۇيەتىن، عىلىمدى قاستەرلەيتىن قوعامدىق سالت ورناتايىق (بۇگىنگى ايتار ءسوز)
شياڭ دان
2023.03.27 16:15 كەلۋ قاينارى : حالىق تورابى
جۇڭگو مەملەكەتتىك مۇراجايىنىڭ ”ارمانعا قۇلاش سەرمەپ، زەڭگىر كوكپەن تىلدەسۋ − جۇڭگو عارىشقا ادام الىپ ۇشۋ ينجەنەرياسىنىڭ 30 جىلدىق تابىس كورمەسىندە“ ەكسكۋرسيالاۋ ورلەۋى كوتەرىلدى. كابينا ءىشىن ەكسكۋرسيالاۋعا ارنالعان تيانحى وزەكتى بولمەسىنىڭ 1:1 سالىستىرماسىنداعى مودەلىنە كىرۋگە بولادى، جۇڭگو دەربەس زەرتتەپ جاساعان 2 ءجۇرىس ”عارىشقا ۇشۋ“ كابينا سىرتى عارىش كيىمى، تۇڭعىش رەت كورمەگە قويىلعان جاڭا بۋىن ادام الىپ ۇشاتىن الەم كەمەسى جانە اي بەتىنە قوناتىن قوندىرعىش سياقتى بولاشاقتا ادام الىپ ايعا شىعۋدىڭ نەگىزگى ونىمدەرىنىڭ مودەلى سياقتى كورمە بۇيىمدارى ەلىمىزدىڭ عارىشقا ادام الىپ ۇشۋ ينجەنەرياسىنىڭ شۇعىلالى تابىستارىن جاندى ايگىلەپ، بۇقارانىڭ عىلىم ىنتاسىن تاسقىنداتتى.
عىلىم - تەحنيكادا جاڭالىق اشۋ، عىلىم جالپىلاستىرۋ − جاڭالىق اشا دامۋدى جۇزەگە اسىرۋدىڭ ەكى قاناتى. وسى جىلداردا ”جياۋلۇڭنىڭ“ تەرەڭگە سۇڭگۋىنەن ”چاڭ - ىنىڭ“ ايعا سامعاۋىنا دەيىن؛ ”موزىنىڭ“ حات – حابار جەتكىزۋىنەن ”جەتىقاراقشىنىڭ“ بايلانىس جۇيەسىن قۇرۋىنا دەيىن؛ ”تيان - ۋىننىڭ“ مارىسقا قونۋىنان ”شيحىنىڭ“ ”كۇندى بارلاۋىنا“ دەيىن... ءبىر توپ كەلەلى جاڭالىق اشۋ جەتىستىگى ارت – ارتىنان جارىققا شىعىپ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدە نىق قادام تاستالدى. ءتىپتى دە كوپ جاي ادامدارعا وسى الدىڭعى لەكتەگى عىلىم - تەحنيكا جەتىستىكتەرى مەن ونىڭ استارىنداعى جاڭالىق اشۋ حيكايالارىن ءتىپتى دە جاقسى ءتۇسىندىرىپ، جۇرتشىلىق پەن عىلىم - تەحنيكادا جاڭالىق اشۋدىڭ ارالىعىن جاقىنداتىپ، جالپى حالىقتىڭ عىلىم ساپاسىن جوعارىلاتۋمەن بىرگە، باتىلدىقپەن جاڭالىق اشاتىن قوعامدىق اۋقىم قالىپتاستىرىپ، ۇلتتىق رۋحتى ونان ارى سەرپىلتىپ، ۇلتتىق ماقتانىش سەزىمىن تاسقىنداتىپ، جاڭا ساپارعا ءتىپتى دە جاقسى قادام تاستاپ، جاڭا داۋىرگە ۇلەس قوسۋعا ءتىپتى دە پايدالى بولدى.
باس شۋجي شي جينپيڭ بىلاي دەپ دارىپتەدى: ”مەملەكەتتىڭ عىلىم جالپىلاستىرۋ قابىلەتى قۇرىلىسىن كۇشەيتىپ، جالپى حالىقتىڭ عىلىم ساپاسىن جوعارىلاتۋ ارەكەتىن ىشكەرىلەي اتقارىپ، ينتەرنەت جەلىسىندە، ينتەرنەت جەلىسىنەن تىسقارىدا كوپ ارنامەن عىلمي بىلىمدەردى تاراتىپ، عىلىم - تەحنيكا تابىستارىن ايگىلەپ، عىلىمدى قىزۋ سۇيەتىن، عىلىمدى قاستەرلەيتىن قوعامدىق سالت ورناتۋ كەرەك“. عىلىم - تەحنيكانى جالپىلاستىرۋ قىسقا كەسكىنىن جاساۋدان بۇلتتىق عىلىم - تەحنيكا سارايىن قۇرۋعا دەيىن، ونان تولىق كەسكىن ءتۇسىرۋ، ۆيرتۋالدى رەالدىق سياقتى تەحنيكالاردان پايدالانىپ كورمەنىڭ قىزىقتىلىعى مەن ىقپالداستىعىن جوعارىلاتىپ، عىلىم - تەحنيكانى جالپىلاستىرۋ تاسىلىندە ۇزدىكسىز جاڭالىق جاراتىپ، عىلىم - تەحنيكانى جالپىلاستىرۋدىڭ باۋراۋ قۋاتىن ونان ارى جوعارىلاتىپ، ءتىپتى دە كوپ ادامنىڭ عىلىمدى قىزۋ ءسۇيىپ، عىلىمدى قاستەرلەپ، جالپى حالىقتىڭ عىلمي ساپاسىن تاعى دا تىڭ ساتىعا كوتەرىپ، جاڭاشىل مەملەكەت قۇرۋعا ءتىپتى دە جەتكىلىكتى كۇش توپتاۋعا مۇمكىندىك جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
