«شي جينپيڭنىڭ مەملەكەتتىڭ استىق حاۋىپسىزدىگى جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2023.03.28 16:27 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 27 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭنىڭ مەملەكەت حاۋىپسىزدىگى جونىندەگى پايىمداۋلارىنان ۇزىندىلەر» اتتى كىتاپ جۋىقتا ورتالىق قۇجات باسپاسىنان باسىلىپ شىعىپ، بۇكىل ەلدە تاراتىلدى.
استىق حاۋىپسىزدىگى − ”مەملەكەتتىڭ زور ءىسى“. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى مەملەكەتتىڭ استىق حاۋىپسىزدىگىنە ايرىقشا ءمان بەرىپ، ءبىر ميلليارد نەشە ءجۇز ميلليون حالىقتىڭ ىشەر اس ماسەلەسىن شەشۋگە ەل باسقارۋداعى ماڭداي الدى ءىرى ءىس رەتىندە قاراپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، مەملەكەتتىڭ استىق حاۋىپسىزدىگى ستراتەگياسىن اتقارىپ، استىقتى جەرمەن بايلانىستىرۋدا، استىقتى تەحنيكامەن بايلانىستىرۋدا تاباندى بولىپ، ەگىستىك جەردى قورعاۋدىڭ ەڭ قاتاڭ ءتۇزىمىن اتقاردى، تۇقىم شارۋاشىلىعى عىلىم - تەحنيكاسىندا ءوزىن - ءوزى الۋەتتەندىرۋدى، تۇقىم قاينارىن دەربەس مەڭگەرۋدى ىلگەرىلەتىپ، ەلىمىزدىڭ استىق جالپىلىق ءوندىرىس قۋاتىن ۇزدىكسىز جوعارىلاتىپ، استىق جالپى ءونىم مولشەرىن دۇنيە ءجۇزى بويىنشا الدىڭعى ورىنعا شىعارىپ، ءبىر ميلليارد 400 ميلليوننان استام ادامنىڭ استىق حاۋىپسىزدىگىن ءونىمدى قامتاماسىز ەتتى. شي جينپيڭ جولداستىڭ مەملەكەتتىڭ استىق حاۋىپسىزدىگى توڭىرەگىندە جاريالاعان ءبىرقىدىرۋ ماڭىزدى پايىمداۋىنىڭ ويى ورەلى، مازمۇنى باي، يدەياسى تەرەڭ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۇدىرەتتى ەل قۇرۋدى جەدەلدەتىپ، استىق حاۋىپسىزدىگىنىڭ نەگىزىن جان - جاقتى بەكەمدەپ، استىق حاۋىپسىزدىگىندە پارتكوم مەن ۇكىمەتتىڭ بىردەي جاۋاپكەرلىك ارقالاۋىن جاپپاي تياناقتاندىرىپ، جۇڭگولىقتاردىڭ ىرىزدىعىن قاي - قاشان دا ءوز قولىندا مىقتى ۇستاۋىنا كەپىلدىك ەتۋدە توتەنشە ماڭىزدى مانگە يە.
«پايىمداۋلاردان ۇزىندىلەر» 8 ارناۋلى تاقىرىپقا بولىنگەن، جالپى 240 پايىمداۋدان قۇرالعان، شي جينپيڭ جولداستىڭ 2012 - جىلى 12 - ايدىڭ 15 - كۇنىنەن 2022 - جىلى 12 - ايدىڭ 23 - كۇنىنە دەيىنگى مەزگىلدەگى باياندامالارى، سوزدەرى، لەكسيالارى، سۇحپاتتارى، قۇتتىقتاۋ حاتتارى، نۇسقاۋلارى، بەكىتۋلەرى سياقتى 80 نەشە ماڭىزدى قۇجاتتان الىنعان. مۇنىڭ ىشىندە ءىشىنارا پايىمداۋ تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
