جاۋ لىجي ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەڭەس وتكىزدى
2023.03.28 16:29 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 27 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 3 - ايدىڭ 27 - كۇنى بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ۆيەتنام پارلامەنتىنىڭ ءتوراعاسى ۋاڭ تيڭحۇيمەن بەينە ەكران تاسىلىمەن كەڭەس وتكىزدى.
جاۋ لىجي بىلاي دەدى: جۇڭگو مەن ۆيەتنام − سوتسياليستىك دوس كورشىلەر. جۇڭگو مەن ۆيەتنامنىڭ ىنتىماعىن، دوستىعىن قورعاۋ مەملەكەتتىڭ گۇلدەنىپ - كوركەيۋىن، دامۋىن جۇزەگە اسىرۋعا، دۇنيە ءجۇزى سوتسياليزمىنىڭ كۇشىن زورايتۋعا ءتيىمدى. بىلتىر 10 - ايدا باس شۋجي، مەملەكەت ءتوراعاسى شي جينپيڭ باس شۋجي رۋان فۋجۇڭمەن بەيجيڭدە كەڭەس وتكىزىپ، جاڭا داۋىردەگى جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن كۇشەيتۋ جانە تەرەڭدەتۋ جونىندە ماڭىزدى ورتاق تانىمعا كەلىپ، ەكى پارتيانىڭ، ەكى ەلدىڭ قارىم - قاتىناسىن دامىتۋعا جول نۇسقادى. جۇڭگو جاق ۆيەتنام جاقپەن بىرگە ەكى پارتيانىڭ ەڭ جوعارى باسشىلارى بەلگىلەگەن ستراتەگيالىق بەتالىس بويىنشا، ءداستۇرلى دوستىقتى بەكەمدەپ، جوعارى جىكتەگىلەردىڭ ستراتەگيالىق جەتەكشىلىگىندە تاباندى بولىپ، ستراتەگيالىق تىلدەسۋدى كۇشەيتىپ، ءوزارا ءتيىمدى سەلبەستىكتى تەرەڭدەتىپ، ەكى ەل دوستىعىنىڭ حالىق رايى نەگىزىن بەكەمدەپ، ءوز مەملەكەت جاعدايىنا ۇيلەسەتىن سوتسياليزم جولىمەن قول ۇستاسا ءجۇرىپ، جۇڭگو مەن ۆيەتنامنىڭ ستراتەگيالىق مانگە يە تاعدىرلاس ورتاق تۇلعاسىن بىرگە قۇرۋعا پەيىل.
جاۋ لىجي مىنانى ءبىلدىردى: جۇڭگو مەن ۆيەتنام وزدەرىنىڭ سوتسياليستىك قۇرىلىسىن ىلگەرىلەتۋ بارىسىندا باتىستىڭ دەموكراتياسىنا ۇقسامايتىن سوتسياليستىك دەموكراتيا قۇرىلىسى جولىمەن ءجۇرىپ، جۇڭگو مەن ۆيەتنامنىڭ سوتسياليستىك دەموكراتياسىنىڭ قۇدىرەتتى ومىرشەڭدىك كۇشىن ايگىلەدى. جالپى بارىستىق حالىق دەموكراتياسى − جۇڭگو كوممۋنيستىك پارتياسى حالىققا باسشىلىق ەتىپ قۇرعان جاڭاشا ساياسي وركەنيەت فورماتسياسى. جۇڭگو جاق ۆيەتنام جاقپەن بىرگە سوتسياليستىك دەموكراتيادا بۇلجىماي تاباندى بولىپ جانە ونى دامىتىپ، سوتسياليستىك ءتۇزىمنىڭ ابزالدىعى مەن جارقىن بولاشاعىن ايگىلەۋگە پەيىل. جۇڭگو مەملەكەتتىك حالىق قۇرىلتايى مەن ۆيەتنام پارلامەنتى − كوممۋنيستىك پارتيانىڭ باسشىلىعىنداعى مەملەكەتتىك بيلىك ورگاندارى. ەكى جاق تاماشا بارىس - كەلىس ءداستۇرىن جالعاستىرىپ، ارناۋلى كوميتەت، دوستىق گرۋپپالارى، ۋاكىلدەر، سونداي - اق جەرگىلىكتى زاڭ شىعارۋ قۇرىلىمدارى اراسىنداعى اۋىس - كۇيىستى، سەلبەستىكتى كۇشەيتىپ، ەل باسقارۋ تاجىريبەلەرى جونىندە ءوزارا ۇيرەنىپ، ءوزارا ۇلگى الىپ، ەكى ەلدىڭ ءار سالاداعى ناقتى سەلبەستىگىنە زاڭدىق جانە ساياساتتىق قولداۋ كورسەتىپ، جۇڭگو - ۆيەتنام دوستىق كوپىرىن ورناتۋ جاعىندا اناعۇرلىم زور رول اتقارىپ، كوپ جاقتى پارلامەنت ۇيىمدارىندا تىعىز سايكەسىپ، جاڭا داۋىردەگى جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ مازمۇنىن بايىتۋى كەرەك.
جاۋ لىجي مەملەكەتتىك 14 - كەزەكتى حالىق قۇرىلتايى 1 - ءماجىلىسىنىڭ ماڭىزدى جەتىستىكتەرىن تانىستىردى.
ۋاڭ تيڭحۇي مىنالاردى ءبىلدىردى: جۇڭگو كوممۋنيستىك پارتياسىنىڭ 20 - قۇرىلتايى مەن 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسىنىڭ ءساتتى اشىلعانىن قىزۋ قۇتتىقتايمىن. ۆيەتنام پارتياسى، مەملەكەتى جانە حالقى جۇڭگو حالقى قول جەتكىزگەن تاريحي جەتىستىكتەرگە قۋانادى، جۇڭگو كوممۋنيستىك پارتياسىنىڭ باسشىلىعىندا، جۇڭگو حالقىنىڭ، ءسوز جوق، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا ارشىندى قاداممەن العا باساتىنىنا سەنەمىن. ۆيەتنام جاق جۇڭگومەن قارىم - قاتىناستى دامىتۋدى سىرتقى ساياساتتىڭ ستراتەگيالىق تالعامى جانە ەڭ الدىمەن ەسكەرىلەتىن جاعى ەتىپ، ءبىر جۇڭگو ساياساتىن باتىل اتقارادى. ۆيەتنام پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى كۇشەيتىپ، ەكى ەلدىڭ ناقتى سەلبەستىگىن جەبەۋگە، حالىقتاردىڭ دوستىعىن نىعايتۋعا، ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قاتىناسىن تەرەڭدەتۋ ءۇشىن بەلسەندى ۇلەس قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
