ۋاڭ حۋنيڭ مەملەكەتتىك ساياسي كەڭەستىڭ 3 - رەتكى ءتوراعالار ءماجىلىسىن باسقارىپ اشتى
2023.03.28 16:30 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 27 - كۇنى، بەيجيڭ. ساياسي كەڭەس 14 - كەزەكتى مەملەكەتتىك كوميتەتى ءتوراعالارىنىڭ 3 - رەتكى ءماجىلىسى 3 - ايدىڭ 27 - كۇنى تۇستەن كەيىن بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى.
ۋاڭ حۋنيڭ مىنالاردى ءبىلدىردى: وسى رەتكى ءتوراعالار ءماجىلىسى مەملەكەتتىك ساياسي كەڭەستىڭ 2023 - جىلعى ماڭىزدى قىزمەتتەرى جونىندە اقىلداسىپ ورنالاستىرۋ جاسادى، اتقارۋ مەن تياناقتاندىرۋدى شىنايى مىقتى يگەرۋ كەرەك. ءبىرىنشى، جاسامپاز نازاريامەن قارۋلانۋدى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ءتۇيىندى تۇردە ويداعىداي ۇيرەنىپ، ويداعىداي ءتۇسىنىپ، ويداعىداي دايەكتىلەندىرىپ، ج ك پ ورتالىق كوميتەتىنىڭ ساياسي كەڭەس قىزمەتىنە قويعان تالابىن تياناقتاندىرۋ بارىسىندا ورنىقتىلىق نەگىزىندە ىلگەرىلەپ، رەفورما جاساپ، جاڭالىق اشىپ، ساياسي كەڭەس قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋ كەرەك. ەكىنشى، حالىق ساياسي كەڭەسىنىڭ سيپاتى مەن ورنىن ءدال يگەرىپ، پارتيا مەن مەملەكەت ىستەرىنىڭ جالپى جاعدايىن كوزدە ۇستاپ، نەگىزگى زاڭ مەن ساياسي كەڭەستىڭ ۋستاۆىنا، سونداي - اق قاتىستى تۇزىمدەرگە، بەلگىلەمەلەرگە ساي، مىندەتتى، جاۋاپكەرلىكتى ادا ەتىپ، جاۋاپكەرلىك ارقالاپ، ىسكەرلىك كورسەتۋ كەرەك. ءۇشىنشى، جالپى بارىستىق حالىق دەموكراتياسىن باستاماشىلدىقپەن امالياتتا ايگىلەپ، ساياسي كەڭەستىڭ مىندەت اتقارۋى بارىسىندا دەموكراتيانى تولىق ساۋلەلەندىرىپ، كەڭەسۋ، ۇكىمەت ءىسىن كەڭەسۋ قيمىلىندا ءوزارا قۇرمەت ەتىپ، تەڭ تۇرعىدا كەڭەسىپ، اقتارىلا اڭگىمەلەسەتىن، اركىم ءوز كوزقاراسىن بىلدىرەتىن تاماشا راي قالىپتاستىرۋ كەرەك. ءتورتىنشى، نەگىزدى بەكەمدەپ، ساپانى جوعارىلاتىپ، ارناۋلى كوميتەت قۇرىلىسىن كۇشەيتىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، ساياسي كەڭەس مۇشەلەرى قوسىن قۇرىلىسىن مىقتى يگەرىپ، مۇشەلەردىڭ اقىل - پاراساتى مەن كۇش - قۋاتىن قۇدىرەتتى ەل قۇرۋ، ۇلتتى گۇلدەندىرۋ ۇلى ىسىنە شوعىرلاندىرىپ، ساياسي كەڭەستىڭ فۋنكتسيالىق رولىن تولىق ساۋلەلەندىرۋ كەرەك.
ءماجىلىس ساياسي كەڭەس 14 - كەزەكتى مەملەكەتتىك كوميتەتى ءتوراعاسى ورىنباسارلارىنىڭ ارناۋلى كوميتەتتەرمەن، سالالارمەن جانە مۇشەلەرمەن بايلانىس جاساۋ قىزمەت ءادىسىن، ساياسي كەڭەس 14 - كەزەكتى مەملەكەتتىك كوميتەتى تۇراقتى كوميتەتىنىڭ ۇيرەنۋ، لەكسيا جاساۋ جونىندەگى 2023 - جىلعى پايدالانۋ تاقىرىبىن، ساياسي كەڭەس 14 - كەزەكتى مەملەكەتتىك كوميتەتى ءتوراعالارىنىڭ 2023 - جىلدىق ۇيرەنۋ جوسپارىن قاراپ ماقۇلدادى، مەملەكەتتىك ساياسي كەڭەستىڭ 2023 - جىلعى قوس اپتالىق كەڭەس اڭگىمە ءماجىلىسى مەن الىس ارالىقتى كەڭەس ءماجىلىسىنىڭ ورنالاستىرۋى، مەملەكەتتىك ساياسي كەڭەستىڭ 2023 - جىلعى كوزدەن كەشىرۋ، تەكسەرۋ - زەرتتەۋ ورنالاستىرۋى، 2023 - جىلعى مەملەكەتتىك ساياسي كەڭەستىڭ سىرتپەن قارىم - قاتىناس جاساۋ قىزمەتىنىڭ ماڭىزدى تۇيىندەرى سياقىتلار جونىندە زەرتتەۋ جۇرگىزىپ، ساياسي كەڭەس 14 - كەزەكتى مەملەكەتتىك كوميتەتى 1 - ءماجىلىسىنىڭ ءتۇيىندى ۇسىنىس جوبالارىن تاڭداۋ جانە باقىلاۋ ءتاسىلىن اقىلداسىپ ماقۇلدادى، 72 ءتۇيىندى ۇسىنىس جوبا تاقىرىبىن بەلگىلەدى.
مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە جەكە - جەكە تۇسىنىك جاسادى.
مەملەكەتتىك ساياسي كەڭەس ءتوراعاسىنىڭ ورىنباسارلارى شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
