حان جىڭ گوندۋراستىڭ سىرتقى ىستەر مينيسترى رەنامەن كەزدەستى
2023.03.28 16:32 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 27 – كۇنى، بەيجيڭ. 3 - ايدىڭ 27 - كۇنى مەملەكەت ءتوراعاسىنىڭ ورىنباسارى حان جىڭ بىيجيڭدە گوندۋراستىڭ سىرتقى ىستەر مينيسترى رەنامەن كەزدەستى.
حان جىڭ الدىمەن ءتوراعا شي جينپيڭنىڭ كاستروعا جولداعان ىقىلاستى سالەمى مەن ىزگى تىلەگىن جەتكىزدى. حان جىڭ مىنانى ءبىلدىردى: ءتوراعا شي جينپيڭ جۇڭگو – گوندۋراس قارىم - قاتىناسىنا ايرىقشا ءمان بەرۋدە، كاسترو زۇڭتۇڭنىڭ جۇڭگوعا ەرتەرەك ساپارلاي كەلىپ، ەكى جاقتى قاتىناستىڭ دامۋ جوباسىن بىرگە جاساۋىن قارسى الامىز. جۇڭگو مەن گوندۋراستىڭ ديپلوماتيالىق قارىم - قاتىناس ورناتۋى ءداۋىردىڭ جالپى اۋقىمىنا ۇيلەسەدى، ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسەدى. جۇڭگو جاق گوندۋراس جاقپەن ەل باسقارۋ جونىندە اۋىس - كۇيىس ورىستەتۋگە پەيىل، گوندۋراس جاقتىڭ ”ءبىر بەلدەۋ، ءبىر جول“ سەلبەستىگىنە قاتىناسىپ، ەكى ەلدىڭ ارتىقشىلىقتارىمەن ءبىرىن - ءبىرى تولىقتاۋىن جان - جاقتى سەلبەستىكتىڭ قوزعاۋشى كۇشىنە اينالدىرۋىن قارسى الادى. جۇڭگو جاق گوندۋراس جاقپەن بىرگە حالىقارالىق ىستەردە سايكەسۋدى، سەلبەسۋدى كۇشەيتىپ، قالىڭ وركەندەپ كەلە جاتقان ەلدەردىڭ ۇقىق - مۇددەسىن بىرگە قورعاپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋگە پەيىل.
رەنا كاسترو زۇڭتۇڭنىڭ ءتوراعا شي جينپيڭگە جولداعان ىقىلاستى سالەمىن جەتكىزىپ، مىنانى ءبىلدىردى: كاسترو زۇڭتۇڭ تەز ارادا ۇسىنىس بويىنشا جۇڭگوعا ساپارلاي كەلۋگە پەيىل. گوندۋراس پەن جۇڭگو ديپلوماتيالىق قارىم - قاتىناس ورناتۋدا تاريحي ماڭىزدى قادام تاستادى. گوندۋراس جاق ءبىر جۇڭگو پرينسيبىن ۇستانادى، جۇڭگونىڭ دامۋىنداعى تابىستى تاجىريبەلەرىنەن ۇلگى الىپ، ەكى جاقتىڭ ءار سالاداعى ناقتى سەلبەستىگىن تەرەڭدەتىپ، ەكى ەل حالىقتارىنا ءتىپتى دە زور باقىت جاراتۋعا پەيىل.
مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى چىن گاڭ كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
