شي جينپيڭ مەن پىڭ لييۋان چىڭدۋ 31 - كەزەكتى دۇنيە ءجۇزى جوعارى مەكتەپ وقۋشىلارى جازعى سپورت جارىسىنىڭ باستالۋ سالتىنا قاتىناساتىن حالىقارالىق سيلى قوناقتاردى قارسى الۋ قوناعاسىن وتكىزدى
2023.07.31 15:20 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 28 - كۇنى چىڭدۋدان بەرگەن حابارى (تىلشىلەر ليۋ حۋا، يە حانيۇڭ). 7 - ايدىڭ 28 - كۇنى تۇستە مەملەكەت ءتوراعاسى شي جينپيڭ مەن حانىمى پىڭ لييۋان سىچۋان ولكەسىنىڭ چىڭدۋ قالاسىنداعى جيننيۋ قوناق ۇيىندە قوناعاسى وتكىزىپ، چىڭدۋ 31 - كەزەكتى دۇنيە ءجۇزى جوعارى مەكتەپ وقۋشىلارى جازعى سپورت جارىسىنىڭ باستالۋ سالتىنا قاتىناساتىن حالىقارالىق سيلى قوناقتاردى قارسى الدى.
ولار: يندونەزيانىڭ زۇڭتۇڭى جوكو مەن حانىمى يلياننا، ماۆريتانيانىڭ زۇڭتۇڭى عازۋاني، بۋرۋنديدىڭ زۇڭتۇڭى ىندايشىمييە، گۆيانانىڭ زۇڭتۇڭى الي، گرۋزيانىڭ زۇڭليى گاريباشۆيلي جانە حالىقارالىق جوعارى مەكتەپ وقۋشىلارى دەنە تاربيە بىرلەستىگىنىڭ ۋاقىتشا ءتوراعاسى ەدەر.
شي جينپيڭ مەن پىڭ لييۋان سيلى قوناقتارمەن ءبىر - بىردەن شىن ىقىلاسپەن قول الىسىپ، ءوزارا سالەمدەستى ءارى بىرگە توپتىق ەستەلىك سۋرەتكە ءتۇستى.
ۇستىلەرىنە جەرگىلىكتى از ۇلتتاردىڭ كيىمىن كيگەن 50 جاس ءوسپىرىم بالا سىچۋاننىڭ حالىق ءانى «كۇن شىققاندا شاتتىققا شومايىقتى» شىرقاپ، ءار ەلدەن كەلگەن سيلى قوناقتاردى قىزۋ قارسى الدى.
قوناعاسى زالىنىڭ ءىشى جاسىل جەلەكپەن كومكەرىلگەن. سۋرەتتەگىدەي كوركەم سىچۋان كورىنىسى مەن قاعىلەز دە سۇيكىمدى دۇنيە ءجۇزى جوعارى مەكتەپ وقۋشىلارى جازعى سپورت جارىسىنىڭ قۇت بەلگىسى ”رۇڭباۋ“ ءبىر - بىرىنە كورىك قوستى.
شي جينپيڭ ارناۋ ءسوز سويلەپ، جۇڭگو ۇكىمەتى مەن جۇڭگو حالقى اتىنان چىڭدۋ 31 - كەزەكتى دۇنيە ءجۇزى جوعارى مەكتەپ وقۋشىلارى جازعى سپورت جارىسىنىڭ باستالۋ سالتىنا قاتىناسۋ ءۇشىن جۇڭگوعا كەلگەن حالىقارالىق سيلى قوناقتاردى قىزۋ قارسى الاتىندىعىن ءبىلدىردى.
شي جينپيڭ بىلاي دەپ اتاپ كورسەتتى: چىڭدۋ جوعارى مەكتەپ وقۋشىلارى جازعى سپورت جارىسى بۇگىن كەشتە باستالادى. جۇڭگو قاراپايىم، حاۋىپسىز، تارتىمدى بولۋ سىندى جارىس وتكىزۋ ۇستانىمىنان جازباي، جاڭا تيپتى ايدارشا ۆيرۋس ىندەتى سياقتى ءتيىمسىز فاكتورلاردىڭ ىقپالىن جويىپ، ايبىندى ۋادەنى دەن قويا ورىنداپ، چىڭدۋ جوعارى مەكتەپ وقۋشىلارى جازعى سپورت جارىسىنىڭ ءساتتى وتكىزىلۋىنە شىنايى كەپىلدىك ەتىپ، حالىقارالىق جاستار دەنە تاربيە ىستەرىنىڭ دامۋىنا تىڭ ۇلەس قوسادى.
شي جينپيڭ بىلاي دەپ باسا دارىپتەدى: دۇنيە ءجۇزى جوعارى مەكتەپ وقۋشىلارى سپورت جارىسى دۇنيەگە كەلگەننەن بەرى، جاستىق سالتاناتى، ىنتىماق سالتاناتى، دوستىق سالتاناتى بولىپ كەلەدى. ءبىز دۇنيە ءجۇزى جاستارىمەن قول ۇستاسىپ، جاستىقتىڭ جالىندى كۇشىمەن دۇنيە ءجۇزىنىڭ بەيبىتشىلىگى مەن دامۋىن جەبەپ، چىڭدۋ جوعارى مەكتەپ وقۋشىلارى جازعى سپورت جارىسىن جۇڭگوشا ەرەكشەلىككە، ءداۋىر تىنىسىنا، جاستىق كەلبەتىنە يە ءبىر رەتكى حالىقارالىق دەنە تاربيە سالتاناتتى جينالىسى ەتىپ وتكىزىپ، دۇنيە ءجۇزىنىڭ جەر - جەرىنەن كەلگەن جاس دوستاردى چىڭدۋ جوعارى مەكتەپ وقۋشىلارى جازعى سپورت جارىسى ورايىمەن باس قوستىرىپ، ءوزارا تانىستىرىپ، تۇسىنىستىكتى كۇشەيتىپ، ادامزاتتىڭ العا باسۋ ىستەرىنە جاڭا قوزعاۋشى كۇش ۇستەۋىمىز كەرەك. ءبىز جوعارى مەكتەپ وقۋشىلارى جازعى سپورت جارىسىنىڭ باس ماقساتىن اسقاقتاتىپ، ىنتىماقتى كۇيمەن الەمدىك سىن - سايىسقا توتەپ بەرىپ، حالىقارالىق قوعامعا وڭ ەنەرگيا توپتاپ، كوركەم بولاشاقتى سەلبەسە اشۋىمىز كەرەك. ءبىز اۋىس - كۇيىستى، ءوزارا ۇلگى الۋدى تەرەڭدەتىپ، دارقان پەيىلمەن جاراسىمدى ءارى تۇرلىشە رۋحاني مەكەن قۇرىپ، ارتىقشىلىقتارىنا ءسۇيىنۋ، ءوزارا ۇيرەنۋ، ءوزارا ۇلگى الۋ پوزيتسياسىمەن كوپ ءتۇرلى مادەنيەتكە مامىلە جاساپ، بۇكىل ادامزاتقا ورتاق قۇندىلىقتاردى اسقاقتاتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ تىڭ تاراۋىن جازۋىمىز كەرەك.
شي جينپيڭ بىلاي دەپ اتاپ كورسەتتى: چىڭدۋ ايگىلى تاريحي مادەنيەت قالاسى ءارى جۇڭگوداعى ەڭ ومىرشەڭدىك كۇشكە جانە باقىت سەزىمىنە تولى قالالاردىڭ ءبىرى. كوپشىلىكتىڭ چىڭدۋدىڭ كوشەلەرىن ارالاپ كورۋىن، جۇڭگو ۇلگىسىندەگى وسىزامانداندىرۋدىڭ سان الۋان تىنىسىن سەزىنۋىن ءارى ءبولىسۋىن قارسى الامىن.
ساي چي، ديڭ شۋەشياڭ، ۋاڭ ي، لي گانجيە، ۋاڭ شياۋحۇڭ، شىن يچين قاتارلىلار قيمىلعا قاتىناستى.
قارسى الۋ قوناعاسى باستالاردان بۇرىن سيلى قوناقتار سىچۋاننىڭ بەيزاتتىق مادەني مۇرا كورمەسىن تاماشالادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
